Haurreskolak partzuergoan inor «kanpoan» ez uzteko eskatu dute

Steilas sindikatuak asteon jakinarazi du Haurreskolak partzuergoak eta Eusko Jaurlaritzak mugatzaileak diren hainbat irizpidetan oinarritu nahi dutela heldu den ikasturtean zerbitzuaren doakotasuna. «Haurren izen ematea baldintzatuko duten arauak jaso dituzte», adierazi dute. Esan dutenez, agiria haurren matrikulazioa «mugatuko duten oztopoz eta baldintzaz josita dago». Horiek horrela, salatu dute familiak «kanpoan» uzteko egina dagoela propio; horregatik daukate arbuiagarritzat. Irizpide horien inguruan akordiorik eta negoziaziorik ez egin izana kritikatu dute.

Matrikulazioa gurasoen lan egoeraren araberakoa izango delasalatu dute, esaterako: «Hala nola lanean egon beharko dute, eta ez gurasotasun baimenean, ez eta haurren zaintzagatiko eszedentzia ordainduan ere». Esan dute gutxieneko asistentzia bati loturiko «fidantza bat» ere jarriko dela. «Zerbitzu publikoa eta unibertsala behar dugu, ordea; doakotasunak ezin du ekarri familiak kanpoan uzteko pentsatuta dagoen proposamen mugatzaile bat».

Nafarroako Gobernuak, bestalde, adierazi du heldu den ikasturtean 4.902 ume hasiko direla sare publikoan Haur Hezkuntzan. Aurrematrikulatuen %63 dira.