Albistea entzun

BESTELAKO DATUAK

Berria -

2021eko apirilak 22

Arrue ikerketak ikasleen testuingurua ere aztertzen du, aldagai horiek haien euskararen erabileran eraginik duten jakiteko. Hainbat eremutan aztertzen dute testuinguru hori: soziala, familiakoa eta eskolakoa.

IKASLEEN TESTUINGURUA

Testuinguru soziala
Herriak. Eskolen testuinguru linguistikoari begiratuz gero, ikerketa egin den aldi denen bilakaera ez da asko aldatu sei urtean. Eskolak dauden udalerrien bi herenetako euskaldunen dentsitatea %20-50 artean mantendu da denbora horretan guztian.
Eskolaz kanpo. Eskolaz kanpoko jardueretan, ingelesaren presentziak gora egin du haur eta gaztetxoen artean. Hamar puntu igo da ingelesezko jardueraren bat egiten duten LH 4ko ikasleen kopurua, eta zortzi DBH 2ko gaztetxoena.

Familia testuingurua
Lehen hizkuntza. Etxeko lehen hizkuntza gaztelera duten ikasleen kopuruak behera egin du bi ikasmailetan: zazpi puntu LH 4n, eta bi puntu DBH 2n. Euskara soilik eta gaztelerarekin batera erabiltzen duten ikasleen kopuruak gora egin du.
Etxeko erabilera. Familiako kide denak etxean daudenean daukaten euskararen erabilera tasak gora egin du LH 4ko ikasleen kasuan —%29 2017an, lau puntu gehiago—, eta bere horretan mantendu da DBH 2koen kasuan —%21, 0,7 puntu gutxiago—.

Eskola testuingurua
Irakatseredua. D ereduaren presentzia areagotzen ari da Arabako, Bizkaiko eta Gipuzkoako haur eta gaztetxoen artean. 2011tik bederatzi puntu handitu da eredu horren presentzia LH 4n —%73,5ean dago—, eta zortzi puntu DBH 2n —%66an dago—. A eta B ikastereduak, beraz, apurka presentzia galtzen ari dira erkidegoko ikastetxeetan.
Irakasleen arteko erabilera. Ikasleei galdetzen zaie ea euren ustez irakasleek zenbat euskara erabiltzen duten euren artean. DBH 2ko ikasleek uste dute irakasleen %69k egiten dutela euren artean euskaraz, 2011n baino lau puntu gehiago; LH 4koen ustez, %73an dago erabilera, sei urte lehenago baino puntu bat gutxiago.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Frantziako Polizia osasun ziurtagiria eskatzen, Miarritzeko ostatu batean. ©GUILLAUME FAUVEAU

Txertatze ziurtagiriaren alde egin du Konstituzio Kontseiluak

Oihana Teyseyre Koskarat

Astelehenetik goiti beharrezkoa izanen da Ipar Euskal Herriko hainbat leku publikotara sartzeko. Kontseiluak atzera bota du ekitaldi politikoetan parte hartzeko agiria eskatzea

Maiaren adierazpenen aurkako protesta egin zuten ostegunean, SOS Arrazakeriak deituta. Irudian, manifestari bat, alkatearen aurkako afixa batekin. ©JESUS DIGES / EFE

Maia, datuek gezurtatua: delituen %0,3 dagozkie migratzaile adingabeei

Ion Orzaiz

Adingabeen Fiskaltzak 522 espediente ireki zituen iaz Nafarroan, eta soilik 99 izan ziren migratzaileei egotzitakoak. Iruñeko alkateak dioenaren kontrara, delitu horien ehunekoa apaldu egin da 2019tik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.