Albistea entzun

ERRAUSTEGIAREN KRONOLOGIA

Berria -

2022ko irailak 17

2015eko maiatza: EAJk irabazi zituen Gipuzkoako Foru Aldundiko hauteskundeak, eta programan zuen gai nagusietako bat aurrera eramango zuela berretsi zuen: hots, Zubietako erraustegiaren proiektuari berriz heldu eta martxan jartzea.

2017ko maiatza: Erraustegiko lanei berrekin zieten. Bilduren agintaldiaren ostean, Zubietako lehen proiektua moldatu zuten agintari berriek, besteak beste, haren ahalmena, urteko 200.000 tonara mugatuz.

2019ko ekaina: erraustegiko transformagailu nagusian leherketa bat izan zen, baimenik ez bazuten ere, gailua energizatzen saiatu zirenean. Handik lau hilabetera, urrian, argitaratu zuen BERRIAk leherketa horren berri.

2019ko azaroa: Hondakinak errausteko lehen probak egiten hasi ziren Zubietako instalazioetan.

2020ko maiatza: Amoniako isurketa larri bat gertatu zen Zubietako Arkaitzerreka errekastoan. Ehunka arrain hilda agertu ziren, isurketaren ondorioz, desagertzeko arriskuan direla-eta, babestuta dauden dozenaka aingira barne. Ardiak ere hil ziren, ura edan ostean, pozoituta. Guardia Zibilaren Sepronak isurketa hori ikertzeari ekin zion.

2020ko abendua: Zubietako erraustegia ofizialki inauguratu zuten agintariek. GuraSOSek salatu zuen zegozkion baimen guztiak indarrean izan gabe jarri zutela martxan instalazioa.

2021eko urtarrila: Gipuzkoako Fiskaltzak Arkaitzerrekako isurketa ikertzeko asmoa zuela jakinarazi zuen GuraSOSek.

2022ko ekaina: GHK-ko zuzendari Cesar Gimeno, eta erraustegiko hainbat kudeatzaile —enpresetako buruak, besteak beste— inputatu egin zituen Gipuzkoako Epaitegiak, Arkaitzerrekako isurketa dela eta.

2022ko uztaila: Isurketa toxiko larri bat gertatu zen, berriz, Arkaitzerrekan. Usurbilgo Udalak laginak hartu eta laborategira bidali ostean, hainbat gai toxikoz kutsatuta zegoela jakinarazi zuten. Fiskaltza eta Guardia Zibila isurketa hori ere ikertzen ari dira.

2022ko iraila: GHK-ko zuzendaria eta hainbat enpresatako arduradun epaitegian deklaratzera deitu zituzten, inputatu gisa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hiru lagun Lezetxikin, urtarrilaren 28an, AHTaren tunela atzean dutela. ©Besaide mendi elkartea

AHTaren tunel bat Lezetxiki barruan egin dutela salatu dute

Paulo Ostolaza

Euskal Herriko giza aztarnarik zaharrenak topatu diren lekua da Arrasaten (Gipuzkoa) dagoen kobazulo hori. Arrasate inguruko espeleologia zaleen talde batek egin du salaketa.

Maite Peña Gipuzkoako Gizarte Politikako diputatua, artxiboko irudi batean. ©BERRIA

Nazioartean bilatzen ari dira Donostian «lapurturiko» umea

Berria

Foru Aldundiaren tutoretzan ordu batzuk zeramatzanean eraman zuten haurra. Ama biologikoaren aurkako agindua eman dute

Eraso homofobo bat salatzeko elkarretaratzea, artxiboko irudi batean. ©Marisol Ramirez / Foku

Eraso homofobo bat salatu dute Barakaldon

Berria

Barakaldoko Udalak jakinarazi du asteburuan izan zela erasoa. Elkarretaratze bat egingo dute bihar.

Bidaiari batzuk, Donostiako autobus geltokian. ©GOTZON ARANBURU

Ibilbide luzeko autobusak doakoak dira jada Hego Euskal Herrian ohiko bidaiarientzat

Jone Arruabarrena

Bidaiariek fidantza bat ordaindu beharko dute, eta gutxieneko bidaia kopuru bat egiten dutenean itzuliko zaie dirua

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...