Albistea entzun

Amaiur Esnaola. Animalien ekologian doktoregaia

«Jende asko dago tesia bekarik gabe egiten ari dena, langabezian egonda»

Ekhi Erremundegi Beloki -

2019ko maiatzak 28

Pirinioetako muturluzea ikertu du Amaiur Esnaolak. Jatorriz Iberiar penintsulakoa den animalia txiki hori erreketan bizi da, baina ohartu dira azken urteetan populazioa erdira jaitsi dela, eta giza jarduerak eragin zuzena duela aztertu dute. «Kutsadura, eraikitzen ditugun oztopoak, ibaiertzen suntsitzea, basoen mozteak... Horrek guztiak badu eragina erreken kalitatean eta konplexutasun ekologikoan. Gaur egun oraindik oso gutxi dakigu animalia horren ekologiari buruz. Animalia bat atxiki nahi baduzu, jakin behar duzu zer behar duen. Nire ikerketa izan da foku ilun horiek argitzea. Funtsean, ikusi zer babestu behar dugun muturluzea babesteko».

Eusko Jaurlaritzaren beka batekin egin zuen ikerketa Esnaolak. «Ez da erraza. Gure soldata oso minimoa da. Ez dut uste ikerketa duin egiteko moduko baldintzak direnik, baina jende asko dago tesia bekarik gabe egiten ari dena, langabezian egonda. Uste dut orokorrean ikerkuntza ez dela baloratua behar lukeen bezala».

Ikerketak «betidanik» erakarri izan du, baina ez zuen bereziki bere burua horretan irudikatzen. «Aukera izan nuen, eta oso gustura nago, pertsona gisa eta profesional gisa formakuntza osoa jasotzen ari naizelako; ez naiz damutzen». Orain dela bi urteko Ikergazten parte hartu zuen. «Ez nekien nora nindoan, eta pixka bat arraroa da hain arlo ezberdinetako jendea elkartu eta gainontzekoei kontatzen saiatzea zertan lan egiten dugun. Liluratua gelditu nintzen Euskal Herrian zenbat gauza egiten diren ikusita. Askotan kanpora begira egoten gara, baina ez dugu ikusten gure ingurukoak zertan ari diren. Horregatik, ilusio handiz etorri naiz».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Jendea paseatzen, Bilbon, iazko maiatzean. ©LUIS TEJIDO / EFE

HAMAIKA BIDE EBAKI DITU

Edurne Begiristain-Mikel P.Ansa

Gaur urtebete da SARS-CoV-2 birusaren lehen kasuak atzeman zirela Euskal Herrian. Lehen kasu haien ondorengo erauntsiak milaka lagunen bizitza jo du: birusaren ondorioz, 5.000 lagun hil dira, eta 20.000 inguru ospitaleratu behar izan dituzte. Urtebetean, hamaika bizitza zeharkatu ditu gaitzak.

Bizitzari eusteko eskuak

Ion Orzaiz

Hor egon dira, COVID-19aren aurkako lehen, bigarren edo hirugarren lerroan. Pazienteen alboan, beti. Izurria hasi zenetik, gora egin dute osasun langileen zereginek; behera, berriz, lan baldintzek. Txaloen eta diskurtsoen gainetik, «ardura» eta «baliabideak» eskatu dituzte osasun publikorako.
Anbulantzia bat, Gasteizko Txagorritxuko ospitalera sartzen. ©SINADURA / AGENTZIA

Txagorritxu: zero eremua

Ion Orzaiz

COVID-19aren izurria Euskal Herrira ailegatu zenean, Gasteizko Txagorritxu ospitalea bihurtu zen foku nagusietako bat. Langileek gogoan dute egun haietako «kaosa» eta «ezinegona».
 ©ATEF SAFADI / EFE

A<b>-</b>tik Z<b>-</b>ra: oro hartu du

Arantxa Iraola

Izurri bat zer den ulertzeko hitzez eta kontzeptuz bete dira solasaldiak, munduaren oraina azaltzeko eta geroa irudikatzeko idatzitako testuak. Batzuk jada desterratuta zeudela uste zen; beste batzuk hutsetik ikasi behar izan dira, edo gogoratu, edo esanahi berriz jantzi.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna