Noiz sortua: 2020-02-05 00:30:00

ANALISIA

Babesguneak eraso leku direnean

Maddi Ane Txoperena Iribarren -

2020ko otsailak 5

Donibane Garaziko Nafarroa lizeoko bi neskak salatu dute ikastetxe bereko bi mutilek bortxatu dituztela. Joan den astean izan zen bortxaketa, ustez lizeotik kanpo, eta ortzegunean atxilotu zituzten mutilak, erasotzaileak direlakoan. Salaketak baieztatu ditu Marc Marie Baionako prokuradoreak, eta Donibane Garaziko Jendarmeriaren esku dago orain kasua.

Ikerketa martxan da oraindik, baina, itxura guzien arabera, ikaskideak eurak izan dira erasotzaileak; eta ez, erasoei buruzko gure iruditerian maiz gertatzen den gisan, karrika ilun bateko gizon itsusi, gaizto eta ezezagun batzuk. Ustezko erasotzaileak eta bortxaketa pairatu duten emakumeak, denak bizi dira astean lizeoko barnetegian. 500 ikasle inguru biltzen ditu Nafarroa lizeoak, eta haietatik 230 inguruk egiten dute lo barnetegian: 120 mutilek eta 110 neskak. Finean, familia handi-txiki bat.

Ez da ohiz kanpokoa ustez babesgune beharko luketen inguruneak eraso leku bilakatzea. Aste honetan zabaldu da Gipuzkoan albistea, sei urteko espetxe zigorra jarri diotela gizonezko bati, etxean alabari sexu erasoak egiteagatik. Ezberdina da kasu honetan erasoa, baina testuinguruak baditu antzekotasunak: konfiantzazko eremu eta harremanak daude tartean bietan. Eta, era berean, botere harremanak. Berdin gertatu ohi da militantzia eremuetan izaten diren erasoetan ere.

Erasotzaileak hurbilekoak eta ezagunak izateak are gehiago zailtzen du salaketa prozesua, horrek biktimengan ekar ditzakeen ondorioengatik. Eta, behin salatu ondotik ere, ez da erraza bidea. Kasu honetan, aske utzi dituzte mutilak, eta ez da ziurra lizeora itzuliko diren ala ez. Korridoreetan haiekin topo egin behar izatea neskei berriz eraso egitea litzateke.

Halako erasoen muinean egiturazko desberdinkeriak daudela frogatua dute feminismotik egindako ikerketek. Eta erakusten dute, hain justu, horrelakoak berriz ez gertatzeko bermea botere harremanak etetea dela. Kasu honetan, adibidez, hezkidetzaren bidetik: mutilei txikitatik irakatsiz neskak ez direla haien jabetza, ez daudela haien erranetara, pareko dituztela.

Mina egina dago, baina halako neurriak hartzea ez legoke soberan; ikastetxea, etxea eta kalea zinezko babesgune izan daitezen, eta ez eraso leku.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Zaintzaile bat adineko pertsona bati eskua ematen. ©BRAIS LORENZO / EFE

Hauskor azaldu da

A. Iraola - M. Peruarena Ansa

Krisiaren hasieratik jakina zen COVID-19ak gogor erasaten diela adineko pertsonei; edadekoen zentroetan izan diren heriotza ugariek agerian utzi dituzte egoitzen sistemaren inguruko hainbat gabezia, eta galderak sortu dituzte toki horietan egoiliarrek jasotzen duten osasun artaren inguruan.

Eguraldiaz eta neurrien arintzeaz gozatu dute herritar askok gaur. ©Juan Carlos Ruiz / Foku

Koronabirusak ez du inor hil Hego Euskal Herrian, lehen aldiz 85 egunean

Edu Lartzanguren

23 positibo berri detektatu dituzte PCR probekin, atzo baino bost gehiago.

Bihar irekiko dituzte hondartzak Donostian. Argazkian, atzo. / ©Juan Carlos Ruiz, Foku

Bigarren faserako jakin beharrekoak

Jon Ordoñez Garmendia

Astelehenetik araudi berri bat izango da indarrean Hego Euskal Herrian eta ordutegiei, saltokiei, taberna eta jatetxeei, hezkuntza zentroei, kirola jarduerei, eta igerileku eta hondartzei eragingo die.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna