Katalunia. Auzi judizialak

Puigdemonten euroaginduari buruzko auzi saioa, hilaren 29an

Presidente kargugabetua aske geratu da, Belgikako Justiziaren aurrean deklaratu ondoren
Carles Puigdemont Kataluniako presidente kargugabetua, atzo, Bruselan, epailearen aurretik pasatu ostean.
Carles Puigdemont Kataluniako presidente kargugabetua, atzo, Bruselan, epailearen aurretik pasatu ostean. JAVIER ALBISU / EFE Tamaina handiagoan ikusi

Ander Perez Zala -

2019ko urriak 19

Hilaren 29an egingo dute Carles Puigdemont Kataluniako presidente kargugabetuaren aurka aurkezturiko euroaginduari buruzko auzi saioa, Belgikako Fiskaltzak atzo jakinarazi zuenez. Pablo Llarena Espainiako Auzitegi Goreneko epaileak Puigdemonten aurkako hirugarren euroagindua aurkeztu zuen aste honen hasieran, sedizioa eta diru publikoaren erabilera bidegabea egin dituelakoan. Buruzagi katalan independentistak delitu horiengatik zigortu dituzte bederatzi eta hamahiru urte arteko kartzelaldietara.

Haren aurkako euroagindua aurkeztu zutela jakin zuenetik, Puigdemontek argi utzi zuen Belgikako Justiziarekin kolaboratzeko prest zegoela, eta hala egin du egunotan. Herenegun goizean joan zen auzitegira, eta instrukzio epaile baten aurretik pasatu behar izan zuen, «atxilotze» egoeran geratu baitzen. Hori egin ondoren, atzo eguerdian atera zen aske bermerik gabe, baina baldintza batzuekin: egoitza finko bat izan beharko du —hala du dagoeneko, eta herrialdetik atera nahi duen bakoitzean baimena eskatu beharko dio epaileari, Kataluniako presidente kargugabetuak berak atzo azaldu zuenez: «Agintari judizialen esku nago, haiek nahi dutenerako. Nire eskubideez gozatzen jarraituko dut».

Puigdemontek Gonzalo Boye abokatua izan zuen alboan une oro, eta hura baikor agertu zen datozen egunetan «dosierra argitzearen» inguruan, euroaginduak «berriz ere hutsegiteak» dituelako. Euroagindu hori gazteleraz jaso zuten Belgikako erakundeek, eta herrialdeko hizkuntza batera itzultzeko eskatu zioten Llarenari, aurrekoa ezin zutelakoan onartu.

Fiskaltzak atzo jakinarazi zuenez, testua itzulita jaso dute, eta orain «sakonean aztertuko» dute auzi saioari begira. Berez, epaileak data horren ondorengo bi asteetan erabaki beharko luke Kataluniako presidente kargugabetua Espainiaratuko duten. Horri begira, zehaztapen garrantzitsu bat egin zuen fiskaltzak: aurtengoa 2017koaren «desberdina» dela, sententzia baten exekuzioa baita.

Puigdemonten ustezko immunitateak ere zeresana izango du auzi saioan, aurreko bi euroaginduen kasuan Kataluniako presidente kargugabetua ez zutelako boz batzuetan hautatu.

Horretaz, Belgikako agintariek Puigdemonten immunitateari buruzko kontsula helarazi zioten atzo Llarenari: Kataluniako presidente kargugabetua iragan maiatzaren 26ko Europako Parlamenturako bozetara aurkeztu zen, Junts Per Catalunyaren zerrendetan, eta eurodiputatu aukeratu zuten. Ordea, ez zuen kargua hartu, hori egiteko Espainiako Hauteskunde Batzordearen egoitzara joan behar zuelako, Madrilera.

Dirudienez, instrukzio epaileak idatzi bat bidaliko du, baieztatuz Puigdemontek ez duela immunitaterik, ez zuelako eurodiputatu kargua hartu; horretarako, besteak beste, Espainiako Konstituzioari men egin behar zion.

Puigdemonten Espainiaratzea erabakiko balute, Kataluniako presidente kargugabetuak aukera luke helegite bat aurkezteko apelazio auzitegi batean eta, horrek ere baiezkoa emango balu, pauso bera eman lezake kasazio auzitegi batean. Hortaz, kasuak hainbat hilabete iraun dezake.

Puigdemonten aurkako lehen euroagindua Espainiako Auzitegi Nazionalak aurkeztu zuen duela bi urte —2017ko azarotik dago Puigdemont Belgikan—, baina Auzitegi Gorenak bertan behera utzi zuen kasua haren eskuetara pasatu zenean.

Bigarrena Kataluniako presidente kargugabetua Alemaniara joan zenean aurkeztu zuten; kasu horretan, Schleswig-Holsteingo Lurralde Auzitegiak ebatzi zuen «onartezina» litzatekeela matxinadagatik Espainiaratzea, hori soilik diru publikoa bidegabeki erabiltzeagatik egin zitekeelako. Llarenak Puigdemonten Espainiaratzea baztertu zuen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Langile bat, Garesen, piperra biltzen iaz. ©Jesus Diges / efe

Nafarroan, PCR probak egingo dizkiete sasoikako langileei

Joxerra Senar

Abuztutik urrira bitartean, ardorako mahats bilketan edo bestelako barazki eta fruituen uzta bilketarako Nafarroaz kanpotik etorriko diren langileei probak egingo dizkiete, etan positibo emanez gero, konfinamenduan lagunduko die gobernuak.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Pentsionisten elkarretaratzea Bilboko Justizia Jauregian. ©Aritz Loiola

Pentsiodunek pandemiako testigantzen txosten bat aurkeztuko diote EAEko Fiskaltzari

Maialen Arteaga

Irailaren 7an bilduko dira fiskalarekin pandemiako testigantzak eta datuak biltzen dituen txostena helarazteko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna