Albistea entzun

Kataluniako hauteskundeak. ANALISIA

Eulia airean harrapatu du Illak

Martxelo Otamendi -

2021eko otsailak 13

Kataluniako legebiltzarrerako azken hauteskundeek 2015, 2017 eta biharkoek beti merezi izan dute aspaldiko garrantzitsuenak izateko kategoria. Horregatik mugimendurik txikienak ere lurrikara politikoaren tratamendua dauka, bereziki unionisten hautagai nagusiari, Salvador Illa sozialistari, mesede egiteko bada. Horren lekuko, asteon Kataluniako alderdi abertzaleetako goi kargudunek JxC, ERC, PDeCAT eta CUP sinatu duten papera, dokumentu deitzea asko da, konpromisoa hartuz ez dutela erraztuko Illa izatea Kataluniako hurrengo presidentea.

Sinatutako paper horren albistearen berri edukitakoan, oso erraza izan zen irudikatzea alderdi horietako arduradun nagusiak Bartzelonako izar askotako hotel batean bilduta Majestic hotelean CiU eta PP, 1996an, eraikin historiko batean Tinell aretoan 2003an PSC, ERC eta IV edo Kataluniako historia politikoan gogoangarria den monasterioren batean Montserrat, Poblet.

Alegia, manifestu arrazoitu bat, hitz potoloz osatutako testua, betiereko konpromiso irmo eta makurrezinak, historia liburuetan pantaila digitaletan, barkatu erakutsiko den testua, independentziara iritsi nahi duten beste herrientzako ezinbesteko vademecum-a ... Inolaz ere ez. ANCrekin haserretu eta Catalans Per la Independencia talde txikia sortu dutenen ekimena izan da, ikaragarri sinplea delako sinestezina ematen duena.

Joan dira aste honetan erakunde horretako kideak independentziazale diren alderdietako ekitaldietara, harrapatu dituzte ekitaldiaren bukaeran hizlariak, esan diete sinadurak biltzen ari direla Illa presidente izan ez dadin, eman diete bolaluma eta politikariek sinatu egin dute, ikusitakoan beste alderdietakoak ere bazeudela. Eta sinatzaile bakoitzari bere alderdian kontuak eskatu dizkietenean, «zer egingo nuen bada» aurpegia jarri dute zer erantzun ez zekitelako.

Beti da oso arriskutsua lehen gehiago orain baino Messiren ondoan baloia hilda uztea area txikian; horixe egin dute bozka eguna baino egun batzuk lehenago papera sinatu dutenek. Illa presidente nahi duten komunikabideek, Kataluniakoek eta Espainiakoek, ez dute aukera pasatzen utzi, eta Messirena egin dute: atezainari baloia hanka tartetik pasatu. Kanpainako izarra bihurtu dute papera, Illari behar duen azken bultzada emateko.

Eulia airean harrapatuta, azkar erreakzionatu du Espainiako Osasun ministro ohiak, eta «independentziazaleen Colon plazako argazkia» deitu dio paperari. Horren zain zegoen Illa, independentziazaleen akatsaren zain, aurreikuspen onekin hasitako kanpainari bukaera indartsua emateko. Ostegunean egindako elkarrizketetan eta egun berean Espainiako telebista kate batean egindako eztabaida trumiltsuan, behin eta berriro aipatu zuen sinaduren papera. Gobernu independentziazalearen aurkako erreferentzia masiboa bihurtuta bakarrik irabaz ditzake hauteskundeak hautagai sozialistak. Pandemiaren egoeragatik boto ematera joateko asmorik ez daukaten Bartzelona inguruko hirietako herritar adinduak mobilizatu beharko ditu horretarako.

Independentziazaleei kalte gutxiago egingo die COVID-19ak eragindako abstentzioak, mobilizatzen ohituagoak daudelako.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.