Albistea entzun

KRITIKA. Opera

Mitoa eta errealitatea

Jesus Mari Begoña -

2017ko otsailak 24

'Don Giovanni'

Musika zuzendaria: Keri-Lynn Wilson. Eszena zuzendariak: Jonathan Miller eta Allex Aguilera. Lekua: Euskalduna jauregia, Bilbo. Eguna: Otsailaren 21ean.

Justizia egin du OLBEk azkenean bere buruarekin eta publikoarekin, Mozarten maisulanaren bertsio oso ona aurkeztuta. Austriako musikari peto-petoak drama aldi berean serio eta barregarria asmatu zuen, Tirso de Molinaren atzetik sortu ziren hamaika bertsioetatik berea landuz. Esaterako, Don Giovanniren bertsio mozartiarrean, protagonista andrezalea aspaldian egin zituen balentriez bizi da, opera honetan bere ahalegin guztiak porrotean amaituko direlako. Hortik dator barregarritasunaren alderdi bat. Halere, konpositorea ez da gonazalearen mitoan geratzen, eta gainontzeko pertsonaien izaera deskribatzen du, hots, maitaleen amodio zintzoa, emakume alboratuaren arima-egoera bikoitza... Eta hori guztia musika eta kantuaren bidez azaldua.

Saltsa honetan Keri-Lynn zuzendari kanadarrak modu zoragarrian interpretatu zuen partitura Euskadiko Orkestra Sinfoniko bikainaren aurrean: lan xehez, polito kontzertatu zituen musikari taldeak eta abeslariak eszena koraletan, samurtasunez eszena lirikoetan, graziaz barregarri diren pasarteetan, indarrez pasadizo tragikoetan. Bera eta musikariak izan ziren arrakastaren erantzule, neurri batean. Bestalde, asko gozatu genuen Allex Aguileraren aktore-abeslarien zuzendaritzarekin; oholtzara igo ziren guztiek helburu dramatikoari jarraitu zioten.

Abeslarien alorrean, Simon Keenlyside baritonoak kantaldi zuzena egin zuen, baina seduktorearen ahotsak bolumen eta zabaltasun handiagoa behar zituen. Simon Orfila baritonoak, berriz, bolumen eta zabaltasun hori azaldu zituen Leporello morroiaren rolean, txukun; aldiz, antzezpen hobea eta kantu bariatuagoa eskatuko genizkioke. Davinia Rodriguez, oso ondo; soprano ahots ziurra azaldu zuen, baina ez uniformea behe eta erdi mailetan, batzuetan tutuaren oihartzunarekin, Donna Annaren rolean. Serena Farnocchia soprano spintoaren kantua egokia izan zen, eta ondo gainditu zuen Mi Tradi Quell´Alma ingrata ariarik zailena. Gozamena izan ziren Miren Urbieta soprano gaztearen abesteko era eta dramatizazioa Zerlinaren rolean; xarma handikoa izan zen Batti, batti izeneko aria. Primerakoa izan zen Jose Sola tenorraren kantu dotorea ere Don Ottavioaren rolean, igorpen atseginarekin legatoan.Giovanni Romeoren kantaldia zuzena izan zen, eta Gianluca Buratto baxuak biribildu egin zuen Gomendadorearen beste munduko predikua.

Eszena ezberdinetarako, dekoratuak berberak eta eskasak izan ziren. Aldiz, garaiko arropak egokiak izan ziren rol guztietarako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Manuel Asin Ikuspuntu jaialdiko zuzendari artistikoa, Baluarteko atarian, Iruñean. ©JAGOBA MANTEROLA / FOKU

Ikertzeko balio duten distantziak

Olaia L. Garaialde

Iruñeko XVI. Ikuspuntu jaialdia martxoaren 14tik 19ra izanen da. Sail Ofizialean hamazazpi herrialdetako 21 film izango dira lehian. Lan eta Desbordamientos sail berriak ere badira

 ©BERRIA

Lukiek, eskemak nondik eta noraino apurtu

Itziar Ugarte Irizar

 

Hamar kantuko disko berria plazaratu du taldeak: '#2'. Kontraste ugariko lana ondu dute, egitura ezohikoak eta pasarte poperoagoak uztartuta. Arrasaten joko dute gaur; bihar, Tolosan

Juan Mari Aburto eta Fernando Perez, atzo, Azkuna zentroan. ©ARITZ LOIOLA / FOKU

Bost erakusketa egongo dira ikusgai aurten Bilboko Azkuna zentroan

Olatz Enzunza Mallona

Erakusketez gainera, beste 200 jarduera baino gehiago programatu dituzte, eta arte bisualak indartzea izango du ardatzetako bat zentroak

Carla Simonen 'Alcarràs' filma. ©Berlinale

Claire Denis, Hong Sang-soo, Isaki Lacuesta eta Carla Simon, Urrezko Hartza eskuratzeko lehian

Andoni Imaz

Berlinalen, besteak beste, Mitra Farahani, Lucrecia Martel, Ulrich Seidl eta Peter Strickland zinemagileen lan berriak erakutsiko dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.