Albistea entzun

KRITIKA. Musika

Bakandu

Pablo Ferrandez biolontxelo jotzailea.
Pablo Ferrandez biolontxelo jotzailea. ROBINTOWNSEND / EFE Tamaina handiagoan ikusi

Marta Garcia -

2020ko abenduak 8

Euskadiko Orkestra

Zuzendaria: Robert Treviño. Biolontxeloa: Pablo Ferrandez. Egitaraua: D. Xostakovitxen '2. Kontzertua biolontxelorako' eta R. Schumannen '4. Sinfonia'. Lekua: Donostiako Kursaaleko auditoriuma. Eguna: Abenduak 4.

Enigmatikoa izendatu du Euskadiko Orkestrak bere denboraldiaren hirugarren programa bikoitza, zuntz erromantikoaren zurrunbiloan gogoz sartzen diren bi konpositoreen obrak taularatuz. Erronka itzela, kontuan hartuz gure orkestra pluralean aritzen dela orain, bi talde osok elkarri erreleboa hartzen baitiote abonatuen kopuruaren eta aforo murriztuaren artean sortzen den asimetria orekatzeko asmoz.

1943an Dmitri Xostakovichek Mstislav Rostropovitx biolontxelo jotzailea ezagutu zuen, hark ematen zuen orkestrazio eskolan. Ordutik sortutako adiskidetasunaren fruituetako bat dira Xostakovitxek biolontxelorako hau da, Rostropovitxentzat idatzi zituen bi kontzertuak. Ostiraleko kontzertuen lehen txandan entzun genuen bigarrenean ez da instrumentuaren luzimendu alairik ageri; bai, ordea, interpretearen tasunak zabaldu eta arakatzen dituen une biziak. Pablo Ferrandezek obra osoaren izaera iluna eta barnekoia islatu zuen lehen mugimenduaren sarreran, eta kolore sendo zein ñabardura ugariko pasarteak eskaini zituen. Orkestraren presentzia ziurrarekin bat eginez, tarteka groteskorantz hurbiltzen den lehen Allegretto-an bereziki nabarmendu ziren.

Gogotsu zegoen publikoa 1841ean Robert Schumannen jatorrizko 4. Sinfonia (2. sinfonia zena) lehen aldiz eman zen egunean, baina ez estreinaldiarengatik beragatik, baizik eta Franz Lisztek eta Clara Schumannek eskainiko zuten piano duoagatik. Sinfoniak ez zuen arrakasta handirik lortu. Hamar urte geroago, Robertek berrikusi eta berriro orkestratu zuen, gaur egun gehien entzuten den 4. Sinfonia osatuz. Robert Treviñoren batutaren zirrarari jarraituz Euskadiko Orkestrak bereziki piztu zituen lebhaft zatiak, argitasun handiko interpretazioa lortuz. Gozagarria, oboeran melodia zabala Romanze-an; hirugarren mugimenduaren kontrastez beteriko trioa, goxo. Azken mugimendua argitasunerantz doan bide zuzena eta orekatua izan zen, enigmen, ezezagunen eta ezbaien garrek kanporatzen dituzten inarrak nonahi, beharbada horiek bakantzeko irtenbidearen bila.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Etxepare institutuko leihoen nondik norakoak azaldu dituzte goizean, Bilboko Azkuna zentroan ©Foku

35 euskal sortzaile egongo dira nazioarteko bederatzi jaialditan

Amaia Igartua Aristondo

Etxepare Euskal Institutuaren leihoen bitartez, Kataluniako, Espainiako, Frantziako eta Portugalgo festibaletan erakutsi ahal izango dute euren lana kulturgileek. Osasun egoeraren ondorioz, gertuko topaketak lehenetsi dituzte

Landarteren antolatzaileetako batzuk, aurkezpenean, Iruñean. ©IÑIGO URIZ / FOKU

Landarte arte garaikideko programa Nafarroako sei herritan egingo dute

Ane Eslava

Nafarroako Gobernuak bosgarren urtez antolatu du landa eremuan kultur garaikideko sortze prozesuak sustatzeko Landarte programa.

 ©Gorka Rubio / FOKU
Iker Antia Arteztu galeriako arduraduna, Gorka Larrañaga artistak ikusgai jarritako obretako bi alboetara dituela, Donostian. ©GORKA RUBIO / FOKU

Artez marraztutako hirukia

Ainhoa Sarasola

Sortzaileak, ikasleak eta auzoa. Hiru osagai horiek lotzeko asmoz zabaldu zituen ateak Donostiako Arteztu galeriak duela hamar urte. Arte eskolak eskaintzea du bereizgarri.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.