Oxido kuprosoa probatuko dute pinuen izurriteari aurre egiteko

Espainiako Gobernuak ez die fumigatzea baimendu Jaurlaritzari eta diputazioei. 1.050 hektareatan botako da Neikerren tratamendua
Izurriteak jotako pinudia, Beizaman (Gipuzkoa).
Izurriteak jotako pinudia, Beizaman (Gipuzkoa). GORKA RUBIO / @FOKU Tamaina handiagoan ikusi

Ibai Maruri Bilbao -

2019ko martxoak 1

Espainiako Nekazaritza, Arrantza eta Elikadura Ministerioak ez du baimendu xingola marroia eta gorria duten pinudiak kobrearekin fumigatzea airetik. Joan den urteko urrian eskatu zioten oniritzia Eusko Jaurlaritzak eta hiru diputazioek. Iragarri dute helegitea jarriko diotela ezetzari, uste dutelako tratamenduak ez duela «kalterik eragiten ingurumenean» eta «eraginkorra» dela. Hala ere, bien bitartean Neikerrek sortutako beste tratamendu bat probatuko dute, Arabako, Bizkaiko eta Gipuzkoako 1.050 pinudi hektareatan: oxido kruposoa erabiliko dute izurriteari aurre egiteko.

Lurrean oxido kruposoa zabaltzeko baimena eskatu dute Nekazaritza Ministerioan, baina ez dute lortzeko arazorik izango. Izan ere, tratamenduaren diseinuan ministerioak berak ere hartu du parte, euskal erakundeekin, EHUrekin eta Ura agentziarekin batera. Etengabe ebaluatuko dituzte tratamenduaren eraginkortasuna eta ondorioak, halakorik balego. 2020tik aurrera modu zabalagoan erabili ahal izango da.

Eusko Jaurlaritzak uste du tratamendu hori ezin dela izan aire bidezko fumigazioaren alternatiba. Batez ere, kostu ekonomiko «handiak» kentzen dio erabilgarritasuna. «Kobrea da xingola hedatzea geldiarazten duen produktu bakarra, datu zientifikoek hala egiaztatuta. Gainera, Landerren Babeserako Europako Agentziak eta Europako Elikagaien Segurtasunerako Agentziak ere baieztatu dute ahalmen hori», nabarmendu dute Jaurlaritzak eta hiru diputazioek, hedabideetara bidalitako ohar batean.

Foru aldundiek basoko egurraren sektorerako dituzten diru-laguntza planak egokituko dituzte, sektorearen galerak apaltzeko. Neiker beste tratamendu biologiko bat lantzen dabil; baita hobekuntza genetikoa aztertzen ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak, atzo, PCRak egiten, Donostiako Okendo kultur etxean. ©GORKA RUBIO / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU
 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna