Albistea entzun

KRITIKA. Zinema

Bidaiaren bideak, sorkuntzaren gorabeherak

<em>Margolaria</em> filmaren fotograma bat.
Margolaria filmaren fotograma bat. BERRIA Tamaina handiagoan ikusi

Gontzal Agote -

2019ko apirilak 3

'Margolaria'

Zuzendaria: Oier Aranzabal. Herrialdea: Euskal Herria. Iraupena: 103 minutu.

Itxuraz, joan-etorriko bidaia da Margolaria filmak proposatuko diguna; bi lagunen arteko elkar trukea eta norberak berea jaso behar duena: koadro bat hiri gris batean, abesti bat beste hiri gris batean. Baina kontua da, bidaia guztietan bezala, inportanteena ez dela nora joan edo zein den helmuga, egiten den bidea baizik.

Bide hori, gainera, ez da norabide bakarrekoa, han eta hemen agertuko diren bidexkak hartuko ditu filmak, horietan sartu-irtenak egiteko. Hain zuzen ere, hori da Margolaria-k duen indarguneetako bat, teorian bazterrekoak diren istorio t xiki horiek berezko distira baitute —beilatoki bateko musikariak edo zerbitzugune bateko agerraldi ia lynchtarra, kasurako—.

Bidean zenbait arrasto utziko ditu Urdangarinen malenkoniak; bakardadea, denboraren joana eta sormenaren bidea hautatu dutenen —ia halabeharrez, haien esanetan— motibazioak eta ezinak. Hain zuzen ere, hori da beti presente egonen den gaia; sorkuntzaren alderik ezezagunen eta esker txarrekoena erakutsiko digu filmak.

Fokuetatik urrun dagoena ezagutzeko aukera ona, glamourrik ez, entsegu nekagarriak, duda-mudak, ingurukoen ulertu ezina... Nolanahi ere, kemena eta ausardia; are gehiago, kultura txiki batez ari bagara.

Sortzaileak nola, hala mugituko da filma, sigi-sagan, gorabeheran. Egitura biribilik bilatzen duenak ez du halakorik aurkituko Margolaria-n; artisten jardueraren gisara, memento oso onak ditu, eta beste aukera batzuk eztabaidagarriagoak dira.

Dena den, eskertzekoa da ohiko sabeliztun formatutik urruntzen den dokumental pausatu bat ikusteko aukera izatea, argi-ilunak ezkutatzen ez dituena eta norberak erantzun beharreko zenbait galdera airean utziko dituena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ruper Ordorika eta Joseba Sarrionandia, astelehen iluntzean, Bilboko Kafe Antzokiko Kutxa Beltza aretoan. ©ARITZ LOIOLA / FOKU

Gaur konta daitezkeen kantuak

Olatz Enzunza Mallona

Ruper Ordorika eta Joseba Sarrionandia askotariko gaiez solasean aritu dira 'Huntaz eta hartaz' emanaldian, elkarrekin izandako bizipenak ardatz hartuta. Astelehen iluntzean hasita, bihar arte egingo dituzte saioak, Bilboko Kafe Antzokiko Kutxa Beltza aretoan. Agortuta daude sarrera guztiak.

Maria Schneider, 2019an, Donostiako Jazzadiaren aurkezpen batean. ©Gorka Rubio / Foku

Maria Schneider eta Brad Mehldau Gasteizko Jazzaldian izango dira

Mikel Lizarralde

Uztailaren 3tik 8ra egingo den 46. jaialdirako baieztatu dituzten lehenengo bi artistak dira.

Eneko Barberena idazlea, <em>Suak erreko ez balu</em> eleberria eskuan, Oñatin (Gipuzkoa). ©JON URBE / FOKU

Mendizale kiskalien beltza

Uxue Rey Gorraiz

'Suak erreko ez balu' nobela argitaratu du Eneko Barberenak, Txalapartarekin. (H)ilbeltza sormen beka irabazita eman du. Istorioak Aezkoan izaniko mendi sute bat du abiapuntu

Irene Larrañaga, <em>Insuladas</em> erakusketaren egilea, Donostiako Aquariumeko Nautilius aretoan. ©ANDONI CANELLADA / FOKU

'Insuladas', irla diren emakumeak

Miren Mujika Telleria

Bakarrik bizi diren andreak dira Irene Larrañagaren ‘Insuladas’ erakusketako protagonista.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...