Albistea entzun

HIZPIDEAK

Errebelde, alai eta herrikoia

Oihana Elduaien Uranga -

2022ko ekainak 16 - @oihanaelduaien

Bazterrak badu xarma. Bazterra ederra da aukeratua denean. Baina hortxe dago koxka, norberak aukeratua izan edo besteek behartua. Erdigunea hartu egin behar da. Bidaliko zaituzte, edo saiatuko dira. Garrantzitsua baita erdigunea. Baina ez al dago denentzako lekurik han?

Elkarbizitzaz ari garenean, betiko klasikoak dira gakoa: errespetua eta askatasuna. Alboan duzunarekiko errespetua eta ez ahaztea norbere askatasuna bestearena hasten den lekuan amaitzen dela. Oreka. Herri Sanferminak plataformak Enrique Maia Iruñeko alkateari ohartarazi dio ez duela lortuko haiek hiriko erdigunetik bidaltzea. Txosnarik ez dute jarriko, Maiak eskainitako bazterrean ez dutelako etsiko; eta, erdigunean egon nahi dutenez, beren esku dagoena egingo dute, han hainbat ekitaldi antolatuta. «Goitik beherako festa eredu grisaren aurka», behetik gorako festa herrikoia aldarrikatzen dute, eta horixe aurrera eramaten saiatuko dira. Jai «koloretsu, errebelde, alai eta herrikoiak». Errespetuz, eta askatasunez.

Eskola atarietan baloiak agintzen zuen lehen. Eta baloia gustuko ez zuena, bazterrera. Baloia batetik bestera dabilen bitartean erdigunean mantendu direnei esker galdu du baloiak agintea, zorionez, toki askotan. Errespetua irabazi egiten da, eta ez inposatu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.