Noiz sortua: 2020-04-04 00:30:00

Koronabirusa. Heriotza

«Gogorrena aita agurtu ezina izan da»

Beroiztarrek aita galdu berri dute. Bakarrik hil zen, eta seme-alabek ezin izan dute agurtu ere egin. Nor bere etxean daude, eta anai-arreben arteko bideo deiak izan dira une mingarriotarako ukendu, jende askoren dolumin mezuez gain.
Pertsona bat birusarengatik babesteko jantziak soinean dituela, hilkutxa bat eramaten.
Pertsona bat birusarengatik babesteko jantziak soinean dituela, hilkutxa bat eramaten. BRAIS LORENZO / EFE Tamaina handiagoan ikusi

Gurutze Izagirre Intxauspe -

2020ko apirilak 4

Oso hotza eta gogorra. Bi hitz horiek jaso dezakete Beroiz sendiaren bizipena. Aita galdu berri dute. Astearte goizean, Zarauzko Santa Ana adinekoen egoitzako (Zarautz, Gipuzkoa) mediku baten dei batek eman zien abisua. Bazekiten pattal zegoela, baina ez zuten hain bat-batekorik espero; medikuak berak ere halaxe helarazi zien. COVID-19 gaitza zuen aitak, eta, hil ostean ikusi nahi bazuten, traje berezi bat jantzita eta bi metroko distantzia mantenduz ikusi ahal izatea eskaini zieten, eta berrogeialdia beteko zutela hitzemanda joan zitezkeen ikustera. «Anai-arrebok erabaki genuen nahiago genuela aita bizirik gogoratu». Mikel Beroizek anaia bat eta arreba bat bizi ditu Zarautzen, beste bat Azpeitian (Gipuzkoa) eta beste bat Londresen. Ezin izan dira elkarrengana hurbildu ere egin. Bideo deien bidezko bilerak izan dira elkarrekin negar egiteko guneak. «Gogorrena aita agurtu ezina izan da». Oso lagungarria izan da senideok bideo dei bidez bada ere elkar ikustea, «baina ez da gauza bera».

Erraustu ere bakardadean egin zuten. Ostegunean jaso zituen Beroizek Zarauzko beilatokitik errautsak. Bizkaiko baserri batean duten zelaigunean zuhaitz bat landatuz oroituko dute, senide guztiek elkartuta,«hau dena pasatzen denean». Baina bestelako agur bat ere izango da herrian. «Gure aita nahiko lagunartekoa zen, eta herriko askoren doluminak jaso ditugu; kirol elkarteko xake taldeko arduraduna ere izan zen bolada batez, eta jendeak gogoan du. Haiek ere agurtu dezaten jarriko dugu egun bat».

Eta amarengatik dute kezka orain. Hura ere adinekoen egoitzan dago. Positibo eman du koronabirusaren proban, eta, gainera, pneumonia garatu du. Bakartuta dago erabat. Egunero jasotzen dute egoitzako medikuaren dei bat, amaren osasunaren bilakaeraren berri emanez. Eguneko dei horren zain nerbioak airean egoten dira. Halere, azpimarratu nahi dute Santa Ana egoitzako langileen jarrera. Gainezka badaude ere, asko eskertzen diete egiten ari diren lana. «Amak alzheimerra ere badu. Egoitzako medikuak ez zigun aholkatu ospitaleratzea. Lekuz mugitzeak aztora zezakeelako, eta ospitalean ematen dituzten botikak eman diezazkioketelako». Horregatik erabaki dute han uztea; «orain izutzen gaitu pentsatzeak ama ere bakarrik hilko dela. Telefonoa jotzeko beldurrez gaude».

Eta egiten du gogoeta ere adin batetik gorakoen aurka gaitz hau den krudelaz: «Jende hau gerra ostekoa da. Bizitza osoa astoak bezala lanean pasatu dute. Azken urteetan izan dute zerbait gozatzeko aukera; bizitzaren amaiera bakarrik eman beharra oso gogorra da». Agurrari berari buruz ere hausnartu du «Lehen etxean agurtzen genituen gure hildakoak. Asko aldatu da».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna