Noiz sortua: 2018-03-25 00:30:00

BI AHOTSETARA

Azukre koxkorrak

Ilargi Agirre -

2018ko martxoak 25

Bilboko Loraldia jaialdiak eta Izar&Star zikloak elkarlanean duela astebete pasatxo antolatu zuten Ruper Ordorikaren omenaldia —Dabilen harriari so azukre koxkorrak Ruper Ordorikarentzat izenekoa—, eta hantxe egotea egokitu zitzaigun Micerekin jo behar genuelako. Egitekoa: talde bakoitzak Ruperren bizpahiru kantu moldatu eta bertsionatzea. Gure kasuan Zure ate ondoan, Lera zakurren balada eta Orain barre orain negar izan ziren.

Gurekin batera igo ziren oholtza gainera Mikel Uraken; Ixiar Oreja, Don Inorrez taldeko musikariez lagunduta; Petti, Balerdi Balerdiko lagunekin batera; eta Ken Zazpi. Kafe Antzokia ruperzalez leporaino beteta aurkitu genuen, giroa bero eta jendea gogotsu. Eta Fermin Etxegoien ibili zen aurkezle lanetan, gitarra eskuan zuela.

Kontzertu baten kronika egiteko ez da lekurik aproposena backstage-a, besteen emanaldiak erdizka ikusten direlako gehienbat, dela urduritasunarengatik, dela azken orduko errepaso eta komunerako joan-etorriengatik. Baina gaualdi polita pasatu genuen. Gaueko izarra Bernardo Atxaga izan zelakoan nago. Etiopia liburutik abiatuta eta Athleticen eta Leganesen arteko partida bat aipatuz errezital bat osatu zuen. Publikoa barrez eta bera ere ederki gozatzen. «Jendeak ez daki, baina ni uste dutena baino ganberroagoa naiz», bota zigun oholtzatik kamerinorako bidean, irribarrea ahoan.

Gainontzean, bertsio batzuk jatorrizkoetatik gertuago egon ziren, eta beste batzuk gehiago urrundu ziren. Gure kasuan asko gozatu dugu lokalean abestiei bueltak eta bueltak eman eta kantuak geure egiten. Beti eskertzen dira halako erronka berriak; musikariak behar du tarteka aire fresko pixka bat. Eta Ruper? Ruper ez zen agertu. Bagenekien aurretik, eta esana zigun. Nolanahi ere, Antzokian sentitu genuen berotasun hori modu batean edo bestean iritsiko zitzaiolakoan nago. Hala espero dut, behintzat.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Azkeneko 24 orduetan COVID-19 gaitzak ez du inor hil du Euskal Herrian, eta hamasei positibo atzeman dituzte PCR probekin. Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Herritarrak paseoan, konfinamendua arintzeko lehen fasean ©Jon Urbe / Foku

Beste hamalau positibo eta hiru hildako jakinarazi dituzte Hego Euskal Herrian

Irati Urdalleta Lete

Murgak iragarri du neurriak areagotzea pentsatzen ari direla azken egunetan festa giroan ikusi diren jende pilaketak «mantenduz eta orokortuz» gero.

Irungo bizilagun batek grabatutako bideoaren irudi bat. ©

Santano: «Asteartean gertatutakoa salbuespena izan da, eta, zoritxarrez, irudi mediatiko bilakatu da»

Bidasoko Hitza

Ekainaren 30ean Irungo Legia kaleko hiru tabernetan gertatutakoaren gainean aritu berri da Jose Antonio Santano alkatea. Ehunka lagunek bete zuten kalea, inongo distantzia eta maskararik gabe, eta tokian bertan grabatutako bideo batek hautsak harrotu ditu.
Irungo bizilagun batek grabatutako bideoaren irudi bat.

Produktibitatea

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna