BI AHOTSETARA

Jana

Antton Iturbe -

2017ko martxoak 19

Ohi duen bezala, Derek Walmsley kazetariak Wire aldizkariko azken alerako idatzitako editoriala hausnarketa liluragarriz betea dator. Funtsean, sare sozialek norberaren benetako identitatea ezkutatzeko ematen duten aukeraz dihardu oraingoan. Troll anonimoek ahalmen hori botere joko maltzur bilaka daitekeela erakusten digute egunero. Musikaren alorrean ere, geroz eta maizago erabiltzen da baliabide hori eta egileari buruzko informaziorik gabeko argitalpen elektronikoak geroz eta ohikoagoak dira. Izena etengabe aldatzea, merkatuaren osagarri semiologikoarekin jolasten duen marketin estrategiaz gain, norberaren irudi finko bat mantentzearen zama arintzeko baliagarria izan daiteke.

Hala ere, metamorfosi modurik sakon eta poetikoena balitz bezala, soinu enigmatiko horien guztien ehunduran errotuta egilearen pertsonalitatea eta izate fisikoaren aztarnak sumatzea posible ote den galdetzen dio bere buruari. Egungo musika espresio eraginkorrenetako askotan, era batera edo bestera, norberaren identitatea eta gorputza baitute lanabes, fisikotasunik ez horri aurre eginez, agian. Aipatzen dituen artisten artean, oso gustukoak ditudan bi dira: alde batetik, Margaret Chadler (Pharmakon), eta bere orro elektroniko bortitza, non artistaren gorputza bera, drama guztiaren eremu, mendean hartu eta sufriarazteko lurralde eta, aldi berean, askapenerako baliabide den. Beste aldetik, Elysia Cramptonen soinu collage txundigarriak, bere hegoamerikar sustraien aitortza eta transgenero aktibismoaren arteko elkarrizketa etengabean oinarrituak.

Gure arteko adibideetan pentsatu dut hau guztia irakurtzean, eta Itziar Markiegiren lan aparta etorri zait burura. Bere queer izaera, era guztiz esplizituz gozatu eta erakusten duten gorputzen marrazki ederrez josi du bere webgunea, eta Magmadam bikotearen barne edo bakarlari bezala, Jana Jan izenpean, aldi oro Interneten botatzen dituen pieza elektroniko ziztatzaile, zaratatsu, zoragarrien muineraino errotuta daude, bai noski.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere sasoikako langileei PCRak egingo dizkiete

Berria

Arabako Errioxan, mahats bilketan 2.500 eta 3.000 langile artean ibiltzea espero da eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna