Albistea entzun

Krisia, denen ahotan

Ez dago adostasunik eragileen artean Nafarroako aldaketaren «garai kritikoaz». Geroa Baik espero du aldekoek «baturik» iraungo dutela
Ainhoa Aznarez Nafarroako Parlamentuko presidentea, atzo.
Ainhoa Aznarez Nafarroako Parlamentuko presidentea, atzo. VILLAR LOPEZ / EFE Tamaina handiagoan ikusi

Gotzon Hermosilla -

2019ko urtarrilak 18

Nafarroako aldaketa politikoaz EH Bilduk egindako ohartarazpenek gainerako eragileen erreakzioak piztu dituzte. Baina, berriro ere, ez dago adostasunik aldaketa sustatu nahi duten indarren balorazioetan. Batzuek onartzen dute aldaketa «garai kritikoan» dagoela, beste batzuek ukatzen dute hori, eta badaude EH Bilduri ere krisialdi horretan ardurak izatea leporatzen diotenak.

Geroa Baiko parlamentari Koldo Martinezek esan du «begien bistakoa» dela «krisia»badagoena, eta Ahal Dugu-Orain Bai talde parlamentarioaren egoera jarri du horren adibidetzat. Indar politiko horri eskatu dio talde parlamentario bakarra izaten jarraitzeko «ahalegina» egin dezatela, «izan ditzaketen desberdintasunen gainetik».

Baina EH Bilduk «Poliziaren indarraren erabileraz» egindako kritikak ez ditu Geroa Baik ontzat ematen. «Sinestezina da Bakartxo Ruizen moduan erkidego honen gobernuburu izan nahi duen batek gure Poliziaren jarduera horrela kritikatzea», esan du Martinezek. Geroa Bairen eledunaren iritziz, Foruzaingoa «neurriz eta modu arduratsu batez» aritu da azken asteetako protesten kontra. Edonola ere, Geroa Baik segitzen du «aldaketa eta programa hitzarmena» defendatzen, Martinezen esanetan, eta espero dute hura sustatzen duten indar politiko guztiek «baturik jarraitzea» horren inguruan agintaldia bukatu arte.

Ezkerrarentzat, aldiz, ez dago esaterik aldaketa «garai kritikoan» dagoela, nahiz eta onartzen duten bidean «zailtasunak» badaudela. «Koherenteak bagara, eta lehentasun sozialetan eta Nafarroaren aniztasunaren errespetuan oinarritzen bagara, aldaketa eskuinen frontea garaitzeko moduan dagoela pentsatzen dugu», esan du Ezkerra taldeko bozeramaile Jose Miguel Nuinek.

Nuinen ustez, aldaketaren aldeko indarrak «gehiengo parlamentario eta politikoak berresteko moduan» daude maiatzeko hauteskundeei begira. Horretarako, beharrezkoa da «koherentziaz eta zintzo» jokatzea. «Ezkerra ondo dago, indartsu, eta aldaketari ezkerretik gehitzeko gogoz», erantsi du.

Orain Baik, berriz, EH Bilduri kritika eginez erantzun die koalizioaren ohartarazpenei. Laura Perez parlamentariaren iritziz, EH Bilduk «itsu-itsuan jarraitzen die EAJren politika neoliberal eta desarrollistei» eta «kritikatzeaz aparte» ez du ezer egin Aroztegia, AHT abiadura handiko trena eta beste zenbait proiektu geldiarazteko, «ez gelditzea egiten uztea baita».

Perezek ukatu egin du Ahal Dugu-n krisia dagoela, eta EH Bilduri aholkatu dio, Ahal Dugu-ren barne aferetan sartu beharrean, «bere jendeari» azal diezaiola «zergatik ez dituzten horrelakoak gelditu». Perezen ustez, EH Bilduren jarrera ez da arduraz jokatzea, «amore ematea» baizik.

Nafarroako Parlamentuan gehiengoa galtzeari garrantzia kendu dio Perezek. «Horrek ez du aldaketa krisian jartzen», esan du, «gehiengoak galtzen direlako parlamentuaren atean egunero elkarretaratzeak daudenean edo Polizia grebalariei eta gazteei oldartzen zaienean».

Barkos: «Klasiko bat da»

Uxue Barkos Nafarroako lehendakaria ere mintzatu zen atzo EH Bilduk egindako ohartarazpenaz. Esan zuen hauteskundeak hurbil daudela, eta horrelakoetan «klasiko bat» dela, lau urtean «egonkortasun osoz» lanean aritu diren taldeak «terrenoa markatzen» hastea. Argitu zuen, hala ere, Ahal Dugu-ren eta Orain Bairen arteko krisiak «kezka» eragiten diola, zenbait lege aurrera ateratzea zaildu dezakeelako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Protesta Melillan, 37 pertsonen hilketaren ostean. ©F.G.Guerrero

Melillako hilketak salatu dituzte EAJk, EH Bilduk eta Elkarrekin Podemos-IUk

Iñaut Matauko Rada

Eusko Legebiltzarreko hiru alderdi horiek adierazpen bateratua egin dute, Melillako hilketak gaitzetsi eta Pedro Sanchezen hitzak arbuiatzeko.

Juana Balmaseda batzordeburua, atzo, Eusko Legebiltzarrean, txostena aurkezten. ©Jaizki Fontaneda / Foku

Egiari Zor fundazioak «txalotu» egin du Poliziaren 46 biktima aitortu izana

Berria

Poliziaren Biktimen Balorazio Batzordearen «profesionaltasuna» goratu du, eta prozesuan «konfiantza» sortzeaz mintzatu da.

 ©Aritz Loiola / Foku

«Herri gogoa berpizteko ekimen bat izango da»

Iosu Alberdi

Gure Esku-k eta Kataluniako zenbait eragilek Pirinioetako 400 tontor argiztatuko dituzte larunbatean. Europari mezu bat bidali nahi diote: «Erabaki nahi dugun bi herri gara». 

Ertzain bat herenegun, Legutioko Zentro Sozialista hustu zutenean. ©David Aguilar / EFE

Karguekin aske utzi dituzte Legutioko Zentro Sozialista hustean atxilotutako bi gazteak

Berria

Ertzaintzak desordena publikoak eta erresistentzia larria egotzi dizkie atxilotuei.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...