Albistea entzun

HIZPIDEAK

Nuklearrak, armairutik kanpo berriro?

Martxelo Otamendi Egiguren -

2021eko azaroak 16

Fukushimako zentral nuklearrean 2011ko martxoan jazotako istripu larriak haien burua armairuan sartzera behartu zituen nuklearzale asko. Gertatuak gertatu, ez zen garairik egokiena energia nuklearra sustatzeko. Sarrera hori betiko edo aldi baterako izango ote zen jakin nahiak eztabaida handia sortu zuen; izan ere, energiaren alorrean indar handia daukaten korporazioak daude zentral nuklearren atzean, besteak beste, gaitasun finantzario handia eduki behar delako horrelako zentralak eraiki eta ustiatzeko.

Azken hilabeteotan energiaren salneurriak eduki duen igoera espekulatiboa nahiko izan da nuklearzaleak armairutik atera eta «hemen gaude gu» oihu salbatzailea lau haizeetara hedatzeko. Nuklearra «merkea eta garbia» dela esango digute, eta bera dela egunotan bizi dugun kinka larria baretzeko tresnarik egokiena. Ikatz kutsatzailetik eta gasaren menpekotasun geopolitikotik libratzeko egokieraz jabe gaitezen proposatuko digute. Zaharrak berri...

Frantziako presidente Emmanuel Macronek aurreratu berri du Frantziak zentral nuklearrak egingo dituela, klima aldaketaren abiada moteltzen lagunduko duen argudio tranpatiarekin; bateraezina baita natura babestu nahi izatea eta mendeetan iraungo duen zabor nuklearra sortzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...