Albistea entzun

Donostiako Musika Hamabostaldiak entzule berriak gonbidatuko ditu

Musika klasikoko kontzertu batera sekula joan ez direnek jaialdiko emanaldi bat doan entzun ahal izango dute, #SOLasean programarekin

Erredakzioa -

2022ko uztailak 28

Pandemiaren ondorioz bi urteko etenaldia egin ostean, #SOLasean programa berreskuratuko du Donostiako 83. Musika Hamabostaldiak. Haren bidez, jaialdira gerturatu nahi dituzte musika klasikoaren jarraitzaile ez diren horiek ere. Hala, musika klasikoko emanaldi batean sekula izan ez diren hainbat pertsonak aukera izango dute festibaleko kontzertuetako bat doan entzuteko.

2014an sortu zuten #SOLasean programa, eta, ordutik, 200 lagunetik gora izan dira jarduera horretan parte hartu duten entzuleak. Jaialdiak ohar baten bitartez azaldu duenez, «asko dira musika klasikoko kontzertu batean sekula izan ez diren hiritarrak, musika mota hori arrotza zaielako, edota ez direlako musika klasikoaren jarraitzaileek osatzen duten talde berezi horretako kide sentitzen... Itxuraz Hamabostalditik urrun dauden pertsona horiek dira, hain zuzen ere, #SOLasean ekinaldiaren jomuga».

Parte hartzaileek operaren, orkestra handiak protagonista dituzten musika klasikoko Kursaaleko kontzertuen eta Tabakalerako dantza garaikideko emanaldien artean aukeratu ahal izango dute. Aurten, gainera, «inoiz baino aukera zabalagoa» eskainiko dutela jakinarazi du jaialdiak; batetik, ohi baino kontzertu gehiagotan izena eman ahalko delako, eta, bestetik, lehen aldiz, dantza garaikideko emanaldietara joateko aukera ere izango delako.

Emanaldien aurretik, saioaren nondik norakoak azalduko dizkiete parte hartzaileei, eta amaieran ere talde txikietan biltzeko aukera izango dute, iritziak trukatzeko, Kursaaleko jatetxean edo Tabakalerako kafetegian. Bi adin tartetan bereiziko dituzte solasaldietako lagunak: 18 eta 30 urte artekoak batetik, eta 30 eta 55 urte artekoak bestetik.

Parte hartzeko, beharrezkoa da Musika Hamabostaldiaren webgunean aurrez izena ematea; eguna eta adin tartea aukeratu baino ez da egin behar.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Inazio Mujika, Aintzane Atela, Miren Arratibel, Manu Lopez eta Joxean Muñoz, gaur goizean, Donostian. ©Gorka Rubio / Foku

Edith Wharton batu da Literatura Unibertsala bildumara

Itziar Ugarte Irizar

Egile estatubatuarraren 1911ko ‘Ethan Frome’ nobela laburra euskaratu dute Miren Arratibelek eta Aintzane Atelak. Izen bereko pertsonaiaren gorabeherak ditu ardatzean.

Alex Sanvi eta Unai Iturriaga, atzo, Elkarreko komikiaren txokoan, Donostian. ©MAIALEN ANDRES / FOKU

Mundura atera dira H.B. eta Lo-li-ta

Itziar Ugarte Irizar

Unai Iturriagak eta Alex Sanvik 'Haur Besoetakoa. Itsasoan urak handi' komikia eman dute, Ikastolen Elkartearen eta 'Xabiroi'-ren eskutik. Orain arteko albumik «sendoena» dela uste dute

 ©JAIZKI FONTANEDA / @FOKU

Euskal Herrira itzuliko da gaur Patti Smith

Aitor Biain

Gasteizko Azkena Rock jaialdian eskainitako emanaldiaren ondotik, Euskal Herrira itzuliko da Patti Smith; Donostiako Kursaal auditoriumean ariko da gaur iluntzean. Punk-rockaren ikur handienetako bat da, eta Donostian emango dio amaiera Europa osoan egindako kontzertu birari.

Alexei Volodin pianista, artxiboko irudi batean. ©EUSKADIKO ORKESTRA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...