Albistea entzun

Qatarko Munduko Kopa. HARMAILATIK AULKIRA

Hitzordu berezia

Nerea Zusberro Alberro - Futbol entrenatzailea

2022ko abenduak 9

Gaur, 20:00etan, Argentinak eta Herbehereek elkarren aurka jokatuko dute seigarren aldiz Munduko Kopa batean. Bien arteko partidarik famatuena 1978ko finala den arren, azken aldiz 2014an jokatu zuten. Finalerdietan izan zen, eta Argentinak penaltietan irabazi zuen. Hala ere, bi selekzioen egoera guztiz aldatu da azken urteetan.

Talde laranjak eskema mantendu du, baina ez joko-filosofia. Historikoki, Herbehereei baloia edukitzea gustatu izan zaie, baina gaur egun baloi-jabetza aurkariari ematen diote, kontraerasoan ateratzeko aukera izateko. Jada ez daukate 2014an zuten zelai-erdi menderatzailea, baina oso azkarrak eta sakonak diren jokalariak dituzte, batez ere aurrera egiten duten atzeko hegalekoak. Badute baita ere ere azken metroetan fin dabilen jokalari bat: Gakpo.

Argentinak, bestalde, alderantzizko prozesua izan du. 2014an ez bezala, eraso estatiko geldoak eta landuak egiten ditu, aurkariaren defentsa-sisteman arrakalaren bat aurkitu arte. Di Maria berreskuratuta, ziur aski 4-3-3ko marrazkiarekin hasiko da, Herbehereetako hegaleko atzelarien bizkarrari eraso egiteko. Hala ere, gogora dezagun Scalonik sistema aldatu zuela Australiaren aurka, partida bukatzeko ordu erdi bat baino gehiago falta zenean. 5-3-2ra pasatu zen, hiru erdiko atzelarirekin probatzeko. Baliteke Argentinak txapelketa honetan asko ikusten ari garen zerbaiten alde egitea: aurkariaren sistema errepikatzea, zelaiko ezein eremutan gutxiagotasun egoeran ez geratzeko.

Argentinak adi ibili beharko du Herbehereen kontraerasoekin. Herbehereek, aldiz, oso taldekatuta lan egin beharko dute Argentinak partida ez menderatzeko. Gaur beste hitzordu bat dugu Munduko Kopen historiarekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©IÑIGO URIZ / FOKU

«Oso garai politean bizi naiz orain; gozatzen ari naiz»

Julen Etxeberria

Hirugarrenez jarraian ordezkatuko du Mariezkurrena, eta hirugarrenez irabazi nahi du Peñarekin. Haren ustez, enpresari erakutsi dio «kontuan hartu» behar dutela.
Joseba Ezkurdia, pilota jotzen, azkeneko partidan. ©ARITZ LOIOLA / FOKU

Ezkurdia-Martija eta Jaka-Aranguren aukerarik gabe gera daitezke asteburuan

J. Etxeberria

Aspekoek hiru garaipenera dute kanporaketa, eta Baikokoek, laura. Nafarrek gaur jokatuko dute, Urrutikoetxea-Albisuren aurka, Zornotzan
Mathieu van der Poel eta Wout van Aert, lehian, Benidormen jokatutako Munduko Kopako proban. ©MORELL / EFE

Betiko biak, eta beste guztiak

Eñaut Agirrebengoa

Gaurtik igandera jokatuko da ziklo-kroseko Munduko Txapelketa, Hoogerheiden (Herbehereak). Gizonezkoen proban, Van der Poelen eta Van Aerten arteko beste borroka handi bat espero da. Iazko txapelduna, Pidcock, ez da lehiatuko.
 ©JAGOBA MANTEROLA / FOKU

«Gozatzen dudalako jokatu izan dut beti, ez markak ezartzeko»

Beñat Mujika Telleria

Maria Españak urte asko daramatza Espainiako ligarik onenetan aritzen, eta kirol heldutasun betean dago. Bikain ari da denboraldi honetan. Kantxan erakusten duen lidergo bera erakusten du handik kanpo ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...