Albistea entzun

Donostiako 70. Zinemaldia. KRITIKA. Zuzendari Berriak

Lore eta apalategi artean

Uxue Arzelus -

2022ko irailak 23

'A los libros y a las mujeres canto'

Zuzendaria: Maria Elorza. Herrialdea: Euskal Herria. Iraupena: 72 minutu.

Emakume bati liburuak dituen apalategia gainera erori, eta hatza okertuko dio. Eroritako liburuen artean bakar bat hautsiko da, erdi-erditik: Dante Alighieri-ren Infernua. Liburuek hil zaitzakete? Galdetzen die Maria Elorza zuzendariak bere ama Tonina eta haren ahizpa Anneri. Horrela hasiko da A los libros y a las mujeres canto, eta artxiboko irudi eta film zatien artean haien etxeetako liburutegietan bizitza guzti bat gordetzen duten emakumeak ezagutuko ditugu: Avioneta izena jarri nahi zioten Loreto, egiten duen bidaia bakoitzetik objektu kuriosoren bat ekartzen duena; autoko atzeko eserlekuan liburutegi bat zeraman Viki, liburu artean loreak lehortzen dituena; eta liburuak oparitzea iragana atzean uztea dela uste duen Wal, Goetheri buruzko doktoregotza tesia idatzi duena. Eta noski, Maria, bere bizitzako emakumeak aurkezten dizkiguna, liburuei buruzko hausnarketak egiten dituen bitartean.

Liburuei, emakumeei eta zinemari egindako omenaldi txiki bat da A los libros y a las mujeres canto, Maria Elorzaren lehen fim luzea. Liburuak izan, gorde eta zaintzearen arriskuekin hasiko du kontakizuna, ama ia zanpatu zuen gertakariarekin, historian zehar hainbat liburu edukitzeak zekarren zigorrekin; eta liburuek ekarri dezaketen jakinduria eta askatasunarekin jarraituko du. Liburutegiak lorategi batekin alderatzen ditu Mariak. Izen eta kondaira bitxiak gordetzen dituztenak daude, bertako orriak laztantzen denbora beste era batera igarotzen da, eta italieraz (Mariak off ahotsean italieraz dihardu) belar txarrak kentzea izendatzen duen hitz bera erabiltzen da liburutegiei lotuta.

Artxiboko irudi, argazki, film zati eta Mariak berak grabatutako irudiekin eginiko collage pertsonal bat erakutsiko digu zuzendariak, poema bisual eta literario bat, haien liburutegiekin harreman pertsonal bat duten emakume horien inguruan eraikia. Mariak dio historiaren edo literaturaren zati handi bat jende arruntaren familia albumean gordeta dagoela; eta film hau album horren orri bat izan liteke.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Haritz Mujika, Gasteizen, gaurko saioan. ©Bertsozale elkartea

Haritz Mujika garaile laugarren final-laurdenean

Miren Mujika Telleria

695,5 punturekin gailendu da Haritz Mujika. Miren Artetxe izan du atzetik, 670 puntu eskuratuta

<b>Artze anaiak.</b> Txalaparta erakustaldia Iruñeko 1972ko Topaketetan. ©BERRIA

ARTE KONSTELAZIO BAT IRUÑEARI OPARI

Yasmine Khris

Iruñeko 1972ko Arte Topaketen 50. urteurrena ospatuko da aurten, eta orduko oroitzapenak bizirik dituzte batzuek. Xabier Morras margolariak, esaterako, kontrastez beteriko hiriaren irudia ekarri du gogora. Zentsurak, polemikek eta artisten aniztasunak ezaugarritu zuten topaketa.

 ©BERRIA

«72ko topaketen oroitzapena ez da anekdotikoa, baina ia»

Yasmine Khris

Ofizioz idazlea da Andres, baina komisario lanean arituko da aurten, 1972-2022ko Topaketetan. Urriaren 6tik 18ra eginen dira eta 70 jardunaldi baino gehiago antolatzeaz arduratu da.
Walter Salas-Humara (eskuinean), gaur egun The Silos osatzen duen hirukotearekin. ©BERRIA

Musikaren plazera

Mikel Lizarralde

1980ko hamarkadan AEBetan sortutako sustraidun rockaren ordezkari da The Silos, Walter Salas-Humararen proiektua. Bi kontzertu ditu Euskal Herrian egunotan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...