«Nire kasua ez zen sekula auzitegira iritsi; Jaurlaritzak geldiarazi zuen»

Ertzaintzak jaurtitako gomazko pilota batek begian jotzearen ondorioz, begi bateko ikusmena galdu zuen orain dela hogei urte.

«Nire kasua ez zen sekula auzitegira iritsi», salatu du kaltetuak. «Eusko Jaurlaritzaren Herrizaingo Sailak geldiarazi zuen salaketa». Azaldu duenez, sendagileek baieztatu zuten gomazko pilota batek eragin ziola kaltea, baina Herrizaingo Sailak eta Ertzaintzak «oztopatu» zuten auziak aurrera egitea: «Ertzaintzak egindako lanagatik ez nuen lortu auzitegietara iristea».