Iraultza 1921ek bere jarduna etengo du behin-behinean

Ostiral iluntzean egin zuten batzarrean adostutakoaren arabera, Iraultza 1921 Alavesen taldeak bere jarduna etengo du behin-behinean. Twitter bidez jakinarazi zuten erabakiaren berri, eta gaur emango dituzte horri buruzko xehetasunak, Alavesen eta Leganesen arteko partidaren aurretik. 11:15ean, agerraldia egingo dute Mendizorrotzako frontoian. Alavesen zale talde aktiboena da Iraultza 1921, eta sasoi honetan hainbat protesta egin ditu partiden ordutegiak salatzeko.