Noiz sortua: 2020-02-07 00:30:00

IRITZIA

Ez ziren rol hutsak

Gontzal Agote -

2020ko otsailak 7

Zinema klasiko definizio lanbrotsupean ezagutzen dugun hori desagertzear zegoen 1969an. Easy Rider egin zen urte berean, Elia Kazanek The Arrangement filma zuzendu zuen. Istorioak kutsu autobiografiko nabarmena zuen, eta, beste behin ere, Kazan bere iraganeko bekatuak zuritzen saiatu zen.

Hollywooden bideak ezin asmatuzkoak direnez, Kirk Douglasek jokatu zuen rol nagusia. Modu horretan, The Arrangement-ek aurrez aurre jarri zituen balio eskala zeharo desberdina zuten bi pertsona. Kazanek burkide ohiak salatu zituen, McCarthy senatariak gidatutako sorgin ehizan. Douglasek, ordea, zerrenda beltzaren kontrako ezinbesteko jarrera aktiboa izan zuen. Dalton Trumboren izena Spartacus-en kredituetan jarri izana ausardia handiko ekintza izan zen, pertsonaren nolakoa ederki erakusten duena.

1999. urtean Elia Kazanek ohorezko Oscarra jaso zuenean —hiru urte lehenago aktoreak jaso zuen sari bera— eztabaida handia piztu zen horren egokitasunaz. Kazan oholtzaratzean, hainbat gonbidatu ez ziren zutitu, ezta txalorik jo ere. Horien artean, aspaldian esklabo izateari utzia zion Espartako, oroimen historikoaren ordezkari; filmean ez bezala, eserita eta isilik gelditzea izan zen duintasunaren aldeko bere aldarria.

Horra nor zen Kirk Douglas. Desagertutako zuri-beltzezko mundu baten azken-aurreko ordezkaria bai; baina, nostalgiaren gainetik, artista independente, matxino eta konprometitua. Van Gogh pintorea, Einar bikingoa edo Dax koronela; batzuetan ezinezkoa da pertsonaia eta pertsona bereiztea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna