Albistea entzun

Unai Lasok 2027ra arte berritu du kontratua Baikorekin

«Oso pozik» dago aurrelaria, eta eskerrak eman dizkie Pilotarien Elkarteari eta enpresari. Garaik esan du Lasok «jauzia» egin duela
Jose Ramon Garai eta Unai Laso, atzo, aurkezpenean.
Jose Ramon Garai eta Unai Laso, atzo, aurkezpenean. MARISOL RAMIREZ / FOKU Tamaina handiagoan ikusi

Julen Etxeberria -

2022ko ekainak 28

Unai Laso (Bizkarreta-Gerendiain, Nafarroa, 1997) ikusgarri dabil duela urtebete berriro profesionaletan jokatzen hasi zenetik: hiru txapelketa jokatu ditu, eta hiruretan jokatu du finala; bat irabazi du —buruz burukoa—, eta bitan txapeldunorde izan da —lau eta erdikoan eta binakakoan—. Sanferminetako lau eta erdikoan txapeldunordea izan da.

Haren itzulerak mesede handia egin dio pilotari, eta are eta gehiago Baikori. Enpresako pilotari nagusia da orain, izarra. Hark eten du aspaldiko bolada txarra: bost urte zeramatzan Baikok maila nagusian txapelik irabazi gabe. Horregatik, hura lotu nahi izan du. Luzerako lotu ere: bost urterako, 2027ko ekainaren 27ra arte. 2023ko abenduaren 30ean amaituko zitzaion aurreko hitzarmena. Kontratua luzatzeaz gain, soldata igo dio. Egunak zeramatzaten negoziatzen, eta atzo egin zuten ofizial tratua, Bilbon, Miribilla pilotalekuan eginiko agerraldian. Laso eta Jose Ramon Garai Baikoko kirol zuzendari nagusia egon ziren prentsaurrekoan.

«Oso pozik nago, eta oso eskertuta. Batetik, eskerrak eman nahi dizkiot Pilotarien Elkarteari, harengatik bainago hemen; eta, bestetik, eskerrak eman nahi dizkiot enpresari, bost urteko kontratu hau eskainita adierazi didan konfiantzarengatik. Bost urte ditut pilotaz gozatzen jarraitzeko. Ilusio handia egiten dit. Ea emaitza onak lor ditzakedan», esan zuen Lasok.

Azkeneko urtean gertatuaz galdetuta, aitortu zuen bizitzak «buelta asko» ematen dituela, baina «orainak» axola duela. «Duela urtebete afizionatuetan ari nintzen, baina lanari esker iritsi naiz hona. Orain hemen nago, eta oso pozik nago. Ez dut presiorik. Kontrara, bost urterako sinatu izanak lasaitasuna ematen dit».

Garaik, berriz, adierazi zuen Lasok «gorakada» handia izan duela, eta hori kontuan hartuta egin diotela «egungo baldintzetara» egokitutako eskaintza. «Guretzat pozgarria da Unai bezalako pilotari handi bat izatea. Jauzia egin du, baina oraindik hobetu dezake. Uste osoa dugu harengan, eta horren adierazle da bost urterako kontratua eskaini izana. Negoziazioak errazak eta azkarrak izan dira».

Iraganean hartutako erabakiez damututa ote dagoen galdetu zioten, eta, adierazi zuenez, kirola «oraina» da, eta, orain, bost urterako kontratua eskaini diote.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hondarribia, Urdaibai, Cabo eta Castro, Bermeon, 2003ko irailaren 20an, TKE ligan. ©RAUL BOGAJO/ FOKU

Bare bezain bizi

Aitor Manterola Garate

Traineruen Kluben Elkartearen (TKE) liga 20 urte ari da betetzen aurten. Arrauna «modernizatu» du, eragile batzuen ustez. Bide «okerretik», doa besteren aburuz.
 ©ARITZ LOIOLA / FOKU

«Indartsu ikusten dut neure burua uda honetarako»

Pettan Uralde

Gernikako Grand Slama irabazi berri du Imanol Lopezek. Hirugarren aldia du, eta bigarrena Jean Olharanekin aurrelariarekin batera. Udako sasoia ongi moldatzen da puntista zumaiarra. «Gustura» ari da.
Asier Martinez, garaipena ospatzen, atzo. ©RFEA

Mugarriz mugarri dabil

Julen Etxeberria

Asier Martinezek urrezko domina irabazi du Europako Txapelketan
Alex Aranburu, garaipena ospatzen, atzo. ©MOVISTAR

Alex Aranburuk Limousinen irabazi du, eta lider jarri da

Berria

Movistar taldeko txirrindulari gipuzkoarra azkarrena izan da esprintean. Denboraldiko lehen garaipena du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...