Albistea entzun

Donostiako 79. Musika Hamabostaldia

Mozart eta Haydn anaiak, EOSen eta Andra Mariren kontzertuan

Christian Zacharias alemaniarrak zuzendari eta pianista lanak egingo ditu. Lau bakarlari ere ariko dira biharko kontzertuan, Kursaalean
Christian Zacharias zuzendaria, atzoko entseguan.
Christian Zacharias zuzendaria, atzoko entseguan. GORKA RUBIO / FOKU Tamaina handiagoan ikusi

Andoni Imaz -

2018ko abuztuak 17

Musika Hamabostaldiak ekoitzi zuen Italiarra Aljerren operaren bi emanaldietan jotzetik dator EOS Euskadiko Orkestra Sinfonikoa. Bihar ere protagonista izango da Errenteriako Andra Mari abesbatzarekin emango duen kontzertuan, 20:00etan Kursaaleko auditoriumean.

Christian Zacharias ariko da zuzendari lanetan: Europako musikaririk ospetsuenetako bat da gaur egun, espezialista errepertorio germaniar klasikoan. Hainbatetan izan da Musika Hamabostaldian, eta lan bikoitza egitera dator oraingoan: pianotik zuzenduko du kontzertua, Mozartek berak egiten zuen moduan. Konpositore austriarraren 24. Kontzertua do minorrean eskainiko dute emanaldian, Joseph Haydnen 49. Sinfonia fa minorrean eta Michael anaiaren Requiema do minorrean lanekin batera.

Beethovenen kontzertu kutunetako bat zen Mozartena; «lan ezberdin bat», Zachariasen ustean ere. Tragedia sentimenduak inguratzen du lana, eta orkestraren eta pianoaren arteko elkarrizketa du oinarri. Zachariasen harridurarako, zirriborroz eta zuzenketaz betetako partitura ondu zuen Mozartek, nahiz eta dena jarraian idazteko «sekulako gaitasuna» izan.

Joseph Haydnen 49. Sinfonia-k emango dio hasiera kontzertuari, La passione azpititulua daraman lanak. «Indibidualtasuna» aldarrikatzen duela eta «malenkoniatsua» dela dio zuzendariak. 1760ko eta 1770eko hamarkadetan Alemanian idatzitako sinfonien adibide paradigmatikoa da Joseph Haydnena.

Mozartekin harreman zuzena izan zuten Haydn anaiek. Bietan gazteena, Michael, 1762. urtean iritsi zen Salzburgora (Austria), Mozarten jaioterrira, eta 360 konposizio baino gehiago ekoitzi zituen bertan ondorengo 43 urteetan. Biharko emanaldiaren bigarren zatian joko duten Requiema 1771. urtean idatzi zuen, Schrattenbach artzapezpikuaren heriotza zela eta. Mozartek 15 urte zituenean jo zuen pianoan, requiema Salzburgon estreinatu zuen orkestra berarekin.

Andra Mari abesbatza ez da bakarrik ariko kantuan, lau bakarlari ere egongo baitira: Alicia Amo sopranoa, Clara Mouriz mezzosopranoa, Martin Mitterrutzner tenorra eta Peter Harvey baritonoa.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

2017ko finalean hainbat aditu izan zen. ©Gari Garaialde / Bertsozale Elkartea

Nazioarteko adituak izango dira Bertsolari Txapelketa Nagusiko finalean

Berria

Kantu inprobisatua lantzen duten Herrialde Katalanetako, Galiziako, Madeirako eta Sardiniako ordezkariak izango dira, abenduaren 18an, Iruñean

Su Ta Gar taldea. ©Ander Gillenea

Su Ta Garrek erroetara jo du 'Alarma' disko berrian

Iñigo Astiz

Abenduaren 6an zabalduko dute taldearen hamabigarren lana, hala CD formatuan nola plataforma digitaletan, eta martxoan argitaratuko dute biniloan, LP bikoitzean.

Miren Billelabeitiaren aurkezpena, Elkar liburu dendan. ©MARISOL RAMIREZ / FOKU

Gazteen inguruko aurreiritzien aurka

Olatz Silva Rodrigo

Miren Billelabeitiak 'Norberak maite duena' saiakera kaleratu du, Pamiela argitaletxearekin. Urteetan gazte eta ikasleekin liburuen inguruan izandako solasaldietan oinarritu du liburua

Robert Treviñok zuzenduko du orkestra. ©JUAN HERRERO / EFE

EOk 'Lorratz' estreinatuko du, Elkanori buruzko proiektuko azken obra

Mikel Lizarralde

Zuriñe F. Gerenabarrenarena da lana, eta Euskadiko Orkestraren denboraldiko laugarren kontzertu programaren barruan joko dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.