HIZPIDEAK
Madrilgoekin konpondu aurretik
2018ko abuztuak 2
Espainiako Gobernuak eta Kataluniakoak 2011n egin zuten azken bilera. Egun hartako eztabaida nagusia Prat aireportuaren ingurukoa izan zen, Kataluniako administrazioaren eskumenen harira. Eztabaida hura oso urruneko geratu da, Katalunian zazpi urtean gauzak asko aldatu diren seinale, hain justu Mariano Rajoyren aro aztoragarriak iraun duen bitartean.
Espainiako gobernua aldatzearekin batera berreskuratu dute bi aldeek hitz egitera esertzeko formatua, eta egongo dira aurrerantzean saio gehiago, baina, mintzalagun izateaz harago, konpondu beharrekoen gai zerrenda oso luzea da; korapiloak izugarriak, eta, horretarako, independentista katalanek argi izan beharko dute bide orri zehatz eta batez ere adostua. Gaur-gaurkoz ika-miketan sartuak dira. Azkena ikuskizun bilakatu zuten JxCk eta ERCk, diputatuen kargugabetzeak zirela-eta traizioa eta gezurrak leporatuz batak besteari. Udan ariketa egin beharko dute bidean batera joateko; izan ere, Diada, urriaren 1eko erreferendumaren urteurrena eta independentisten kontrako urri-azaroetako epaiketak tentsioa handituko dute bi aldeen artean, eta litekeena da Madrilen kontraesanak ez izatea nahikoa jarrera bateratua indartzeko.
Espainiako gobernua aldatzearekin batera berreskuratu dute bi aldeek hitz egitera esertzeko formatua, eta egongo dira aurrerantzean saio gehiago, baina, mintzalagun izateaz harago, konpondu beharrekoen gai zerrenda oso luzea da; korapiloak izugarriak, eta, horretarako, independentista katalanek argi izan beharko dute bide orri zehatz eta batez ere adostua. Gaur-gaurkoz ika-miketan sartuak dira. Azkena ikuskizun bilakatu zuten JxCk eta ERCk, diputatuen kargugabetzeak zirela-eta traizioa eta gezurrak leporatuz batak besteari. Udan ariketa egin beharko dute bidean batera joateko; izan ere, Diada, urriaren 1eko erreferendumaren urteurrena eta independentisten kontrako urri-azaroetako epaiketak tentsioa handituko dute bi aldeen artean, eta litekeena da Madrilen kontraesanak ez izatea nahikoa jarrera bateratua indartzeko.
