Albistea entzun

HAUR ETA GAZTE LITERATURA. 'Sasi artean Elgeta'

Emon hori soinuori

Idazlea: Koldo Izagirre. Ilustratzailea: Dani Fano. Koloreztatzailea: Garluk. Argitaletxea: Ikastolen Elkartea eta Euskal Herriko Trikitixa Elkartea.

Imanol Mercero -

2022ko urtarrilak 16

Azal gogorreko liburu luzanga da (28x20 cm), 48 orrialde dituena. Publikazio hau osatu baino lehen Xabiroi komiki aldizkarian atalka argitaratu zuten 2019ko ekainetik 2021eko ekainera bitarte.

Bertan aurkituko duguna biografia bat da, Jazinto Rivas Sanz Elgeta trikitilariarena, Euskal Herriko Trikitixa Elkarteak sustatuta.

Komikia irakurtzean erraz antzematen da dokumentazio lanean oinarritutako gidoia dela, hainbat arrazoi tarteko, baina, batik bat, une eta pasarte historikoak kontakizunaren atal-pauso bihurtzen dituelako, eta, era berean, kontakizunaren pauso direlako Elgetaren bizitzako hainbat anekdota. Azken hauek egi eta sorkari proportzio aldakorrean dira, hori baita fikziora ekarritako biografia baten lehengaia. Oro har hutsarte askotxo dituen gidoia iruditu zait, irakurleak nekez bete dezakeena aldez aurretik Elgetaren berri izan gabe. Bizitza mamitsuegia orrialde hain gutxitan agertzeko.

Ilustrazio lana ere kontu handiz egina dago, gidoiari lagungarri zaizkion informazio askoren emaile da, eta Graluken koloreztatzea balio gehigarri eskertzekoa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

<b>Artze anaiak.</b> Txalaparta erakustaldia Iruñeko 1972ko Topaketetan. ©BERRIA

ARTE KONSTELAZIO BAT IRUÑEARI OPARI

Yasmine Khris

Iruñeko 1972ko Arte Topaketen 50. urteurrena ospatuko da aurten, eta orduko oroitzapenak bizirik dituzte batzuek. Xabier Morras margolariak, esaterako, kontrastez beteriko hiriaren irudia ekarri du gogora. Zentsurak, polemikek eta artisten aniztasunak ezaugarritu zuten topaketa.

 ©BERRIA

«72ko topaketen oroitzapena ez da anekdotikoa, baina ia»

Yasmine Khris

Ofizioz idazlea da Andres, baina komisario lanean arituko da aurten, 1972-2022ko Topaketetan. Urriaren 6tik 18ra eginen dira eta 70 jardunaldi baino gehiago antolatzeaz arduratu da.
Walter Salas-Humara (eskuinean), gaur egun The Silos osatzen duen hirukotearekin. ©BERRIA

Musikaren plazera

Mikel Lizarralde

1980ko hamarkadan AEBetan sortutako sustraidun rockaren ordezkari da The Silos, Walter Salas-Humararen proiektua. Bi kontzertu ditu Euskal Herrian egunotan.

Mende erdia bete berri da Alejandra Pizarnik hil zela. ©BERRIA

Zauri diren lerroak

Ainhoa Sarasola

Sufrimendu biziko aldiak eta sormen loraldiak tartekatu ziren Alejandra Pizarnik idazle argentinarraren bizialdi osoan. Beldurrari, maitasunari eta bakardadeari idatzi zien, eta XX. mendeko poema bilduma nabarmenetako bat osatu zuen. 50 urte bete dira hil zenetik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...