Albistea entzun

KRITIKA. Musika

Boteretsua

Jesus Mari Begoña -

2016ko abenduak 6

BOS

Zuzendaria: Erik Nielsen. Bakarlaria: Renaud Capuçon. Lekua: Euskalduna jauregia, Bilbo. Eguna: Abenduak 1.

Atseginez, oso, hartu zuten musikazaleek BOSen denboraldiko bosgarren kontzertua. Erik Nielsen zuzendariak erakutsi zuen, berriro , Brahmsenganako daukan maisutasuna eta Renaud Capuçon biolinistak bere abilezia instrumentuarekin.

Benetan mokadu handiarekin hasi zen BOS Brahmsen 3.sinfonia jotzen hasi zenean, eta beldur ginen sarrerako orkestraren zalantzek eragingo zutela geroago. Baina zorionez, musikariek eta zuzendariaren jarrerak arin uxatu zituzten zalantzak. Erritmo desberdinen kontrajartzearen atzetik, asko gustatu zitzaigun zuzendariak egin zuen Andante-aren irakurketa aberatsa, egurrezkoen nagusitasunarekin giro lasaia, pastorala, lortuz bigarren mugimenduan. Baina beharbada, Poco Allegretto mugimendua da munduan zabalduena izan den doinua eta hor erakutsi zuen orkestrak bere betiko maila, lehenengo biolin taldearen bitartez eta gero tronparen bakar saioarekin. Biolin baten edo bestearen desafinatze laburra kenduta, laugarren mugimenduan (Allegro alla breve) musikariek biribildu egin zuten joaldi konplexuena. Izan ere, bertan azaltzen dira sinfonia osoaren tentsio dramatikoak harmoniaren eta gai desberdinen nahasketatik eratorriak.

Bernd Alois Zinnermann alemaniar musikaria apenas ezaguna da gure artean. Baina kontuan hartzeko XX. mendeko konpositorea da. Sinfonia mugimendu bakarrean bere nortasun bikoitzaren isla da: humanista kristauaren eta hedonista grinatsuaren artean kulunkatzen dena. Orkestrak ondo birsortu zuen lanak eskatzen duen atmosfera bortitza batetik eta sentsuala bestetik, lengoaia expresionistaren bitartez erritmo eta tinbre aberatsen artean. Eskertzen da zuzendariaren aukeraketa eta orkestrak egin duen lanketa.

Johannes Brahmsn Kontzertua biolin eta orkestrarako Re Maiorrean, jo ezinezkotzat zeukaten garaiko jotzaileek. Gaur berriz, instrumentuan eginiko berrikuntzen eraginez, eta musikariek duten prestaketarekin ohiko dute. Baina, egun ere, kontzertu hau ondo jotzeak, eskarmentu, sentsibilitate eta teknika handiko jotzailea eskatzen du. Halako dohainak erakutsi ditu Renaud Capuçon bakarlariak. Guarneri luthierrak XVIII. mendean egin zuen arrabita erabili zuen joaldi itzela egiteko: instrumentuari atera zizkion agudoek kristalezkoak ziruditen. Beraz, bakarlariak soinu lerdena, afinazio orbangabea, fraseo , vibrato, arpegio eta eskala biribilak prestissimoetan zabaldu zituen, hari bikoitz eta hirukoitzetan maisu kadentzietan... Capuçonek lirismo eta musikaltasunarekin liluratu zituen entzuleak eta txalo zaparradarekin eskertu zioten azkenean. Orkestrak Nielsen zuzendari onaren eskuetan oso ondo partekatu zuen kontzertu honek duen protagonismo bikoitza.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Manuel Asin Ikuspuntu jaialdiko zuzendari artistikoa, Baluarteko atarian, Iruñean. ©JAGOBA MANTEROLA / FOKU

Ikertzeko balio duten distantziak

Olaia L. Garaialde

Iruñeko XVI. Ikuspuntu jaialdia martxoaren 14tik 19ra izanen da. Sail Ofizialean hamazazpi herrialdetako 21 film izango dira lehian. Lan eta Desbordamientos sail berriak ere badira

 ©BERRIA

Lukiek, eskemak nondik eta noraino apurtu

Itziar Ugarte Irizar

 

Hamar kantuko disko berria plazaratu du taldeak: '#2'. Kontraste ugariko lana ondu dute, egitura ezohikoak eta pasarte poperoagoak uztartuta. Arrasaten joko dute gaur; bihar, Tolosan

Juan Mari Aburto eta Fernando Perez, atzo, Azkuna zentroan. ©ARITZ LOIOLA / FOKU

Bost erakusketa egongo dira ikusgai aurten Bilboko Azkuna zentroan

Olatz Enzunza Mallona

Erakusketez gainera, beste 200 jarduera baino gehiago programatu dituzte, eta arte bisualak indartzea izango du ardatzetako bat zentroak

Carla Simonen 'Alcarràs' filma. ©Berlinale

Claire Denis, Hong Sang-soo, Isaki Lacuesta eta Carla Simon, Urrezko Hartza eskuratzeko lehian

Andoni Imaz

Berlinalen, besteak beste, Mitra Farahani, Lucrecia Martel, Ulrich Seidl eta Peter Strickland zinemagileen lan berriak erakutsiko dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.