Albistea entzun

Done Jurgiren berritzea, «ondarearen kontrakoa»

Zenbait zaintzaile eta zaharberritzailek salatu dute betiko hondatu dutela Lizarrako Done Mikel elizan dagoen XVI. mendeko eskultura
XVI. mendeko Done Jurgi eskultura, zaharberritzearen aurretik eta ondoren.
XVI. mendeko Done Jurgi eskultura, zaharberritzearen aurretik eta ondoren. ARTUS PATRIMONIO Tamaina handiagoan ikusi

Gorka Erostarbe Leunda -

2018ko ekainak 26

LizarrakoDone Mikel elizan (Nafarroa) dago polemika eragin duen XVI. mendeko Done Jurgiren eskultura. Zaharberritze lanek batzuen haserrea eta besteen txantxarako apeta piztu dute sare sozialetan, eta hainbatek Borjako (Zaragoza, Espainia) Ecce Homo-arekin ere parekatu du, emaitzaren kalitate eskasa ikusita.

XVI. mendeko obra bat da. Kolorea galtzen ari zen, eta hainbat zati puskatuak zituen. Zaharberritzean, berregin egin dute eskultura, eta margotu, baina lehengo eskulturaren arrastoak desagerrarazi dituzte, eta zaharberritzeak hainbat adituren kritikak eragin ditu: Espainiako arte zaintzaile eta zaharberritzaileen elkarteak (ACRE) esan du zaharberritzea «penagarria» izan dela, ondarearen kontrakoa.

Lizarrako alkate Koldo Leozek (EH Bildu) berretsi egin du adituek esandakoak: «Badirudi zaharberritze lana ez dela behar bezalakoa izan; XVI. mendeko obra bat izatean kontu handia izan behar zen erabilitako materialekin, eskultura polikromatua baita eta geruzak galtzea erraza baitzen».

Idatzi bat aurkeztuko dute

Arte zaintzaile eta zaharberritzaileen elkarteak jakinarazi du Done Jurgiren eskultura horrek balio berezia duela eta Nafarroako ondarearen altxorretako bat zela. Zaharberritzea horretarako gai ez ziren pertsonek egin dutela salatu du, «irizpiderik gabe», eta konpondu ezinezko kaltea eragin dela; ez direla bete Nafarroako Kultur Ondarearen legeak ezartzen dituen gutxieneko kontrol neurriak. «Ezagunak diren beste adibide batzuk dakarzkigu gogora», gaineratu du. Leoz alkateak azaldu duenez, zaharberritze lana elizako parrokoak agindu zion Lizarrako eskulan irakasle bati. «Jakina, Udalak ez du zaharberritze lan horien berri izan».

ACRE elkarteak dio horrelako zaharberritzeetan ahalik eta gutxien esku hartu behar dela, eta egiten den lana lehengoratzeko aukera utzi behar dela. Done Jurgiren eskulturaren zaharberritze horren ondoren, eskultura hori ezingo dela ikertu azaldu du, eta etorkizuneko belaunaldiek ezingo dutela behar den bezala ezagutu. Elkarte horrek idatzi bat aurkeztuko du Nafarroako Fiskaltzan .

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Aiora Renteria Zea Mays taldeko abeslaria, artxiboko irudi batean. Uztailaren 10ean joko dute Iruñean. ©Jon Urbe / Foku

Udan 400 kultur jarduera eskainiko dituzte Iruñean, sanferminen ordez

Ane Eslava

Musika eskaintza zabala antolatu dute; parte hartzaileen artean izango dira Izaro, Skabidean, Skakeitan, Zea Mays eta Anne Lukin, besteak beste.

Jon Kortazar, Peru Magdalena eta Paloma Rodriguez Miñambres, atzo, Donostiako Udal Liburutegi Nagusiko atari aldamenean. ©JON URBE / FOKU

Sei poetaren antologia

Gorka Arrese

80ko urteetan jaiotako sei poeta bildu dituzte Jon Kortazarrek eta Paloma Rodriguez Miñambresek 'Bidea eta zauria' liburuan. Balea Zuriak argitaratu du

Bixente Serrano Izko, artxiboko irudi batean, 2010ean. ©IÑIGO URIZ / FOKU

Bixente Serrano Izko bere buruarekin solasean

Ane Eslava

Pamielak Serrano Izkoren liburu bat argitaratu du, hil aurretik idatzitakoa: 'Ene iratxoekin solasean'. 900 artikulu baino gehiago biltzen ditu

Euskaltzaindiako kideak eta instituzioetako ordezkariak, atzo, aurkezpena hasi aurretik. ©MONIKA DEL VALLE / FOKU

San Joan Gurutzekoa, osorik euskaraz

Amaia Igartua Aristondo

Luis Baraiazarra ohorezko euskaltzainak XVI. mendeko poetaren 'Idazlan guztiak' itzuli ditu. Gontzal Mendibilek zenbait lan musikatu ditu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna