Albistea entzun
Emakumeen aurkako indarkeriari ez
Emakumeen aurkako indarkeriari ez

Iruzurrezko alokairuak salatzera deitu du Baionako suprefetak

Etxe kontratu iruzurrezkoen kontra borrokatzeko lurralde batzordea bildu da, lehen aldiz. Aldak jakinarazitako zortzi kasu aztertuko dituzte
Jerome Bourrier prokuradorea (ezkerrean) eta Philippe Le Moing-Surzur (erdian), atzo.
Jerome Bourrier prokuradorea (ezkerrean) eta Philippe Le Moing-Surzur (erdian), atzo. GUILLAUME FAUVEAU Tamaina handiagoan ikusi

Ekhi Erremundegi Beloki -

2022ko irailak 28 - Baiona

Iruzurrezko alokairuen kontra borrokatzeko lurralde batzordea aurkeztu zuten atzo arratsaldean Baionako suprefeturan. Abuztu bukaeran iragarri zuen haren sorrera Eric Spitz Pirinio Atlantikoetako prefetak —Polinesiara lekualdatuko dutela jakin da berriki, eta aurki jakinaraziko dute haren ondorengoa—. Hiru helburu nagusi zehaztu dituzte: alokairu kontratuetan dauden iruzurrak eta praktika ilegalak identifikatzea, erabiltzaileen eta elkarteen seinalamenduak aztertu eta prozedura egokietara bideratzea, eta maizterrak beren eskubideei buruz informatzea. «Helburua da alokatzaileei esplikatzea zerbait egin dezaketela», adierazi du Philippe Le Moing-Surzur Baionako suprefetak.

Ekintza bat baino gehiago egin du urte guzian zehar Alda mugimenduak, aurkitu dituen hainbat egoera salatzeko. Ekainean, bilkura bat lortu zuten Paueko prefetarekin, eta esku artean zituzten zortzi kasu aurkeztu zizkioten. Horren emaitza da batzordearen sorrera, eta zortzi kasu horien azterketarekin abiatu dira. Horiek oinarri hartuta, sei seinalamendu egin dizkiote zerga administrazioari, bi seinalamendu Baionako Fiskaltzari, bi seinalamendu herritarren zaintzarako departamenduko zuzendaritzari, eta zortzi seinalamendu herriko etxeei.

Zerbitzu horiek dira, hain zuzen ere, batzordea osatzen dutenak, Jerome Bourrier Baionako prokuradoreak eta Le Moing-Surzur suprefetak inguratuta. Oraingoz, ez dute zehazki erabaki batzordeak zer egitura izanen duen, ezta elkarteen parte hartzea bideratuko ote duten ere. Posta bat zabaldu dute, herritarrek eta eragileek seinalamenduak egin ditzaten: pref-signalement-baux-frauduleux@pyrenees-atlantiques.gouv.fr. Jasotako kasu bakoitza zerbitzu egokira bideratzen saiatuko dira, eta, beharrezkoa denean, prozedura administratiboa, fiskala edo penala irekiko dute. «Badakigu biziki maizter gutxik jartzen duela salaketa; anitzetan ez dute araudia menperatzen, baina, salaketarik gabe, justiziak ezin du jardun», ohartarazi du Bourrierrek. Fiskaltzak prozedura bat irekitzea erabaki dezake, baina horretarako «informazio zehatz eta egiaztatua» behar dutela azpimarratu du: «Egunero jasotzen ditugu hamar lerroko mezu elektronikoak». Ahalik eta seinalamendu osatuenak bidaltzeko eskatu du. «Badakigu maizter anitzek zalantzak izaten dituztela salaketak jartzeko, etxebizitza galtzeko beldur direlako», gaineratu du suprefetak.

Horregatik, «pedagogia» lan bat abiatzeko asmoa dutela ere aipatu du Le Moing-Surzurrek. Ondoko aste eta hilabeteetan informazio kanpaina bat abiatuko dutela iragarri du: dokumentu pedagogikoak zabalduko dituzte espazio publikoan eta eragileen bidez, maizterrek beren eskubideen berri izan dezaten.

Gaur egun, ez dira gai iruzurrezko alokairu kontratuen dimentsioa neurtzeko; hori ere bada helburu bat. Oraingoz, hiru hilabetean behin bilduko dira, eta seinalamenduen arabera egokituko dute.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Manifestarietako batzuk bandera moreak astintzen, Bulebarrean. ©JON URBE / FOKU

Ozen berriz: «Aski da!»

A. Iraola - I. Orzaiz - M. Asensio Lozano

Mugimendu feministak kaleak bete ditu bortxa matxistaren aurkako mezuekin. Justizia «feminista» aldarrikatu dute. Instituzioen elkarretaratzeak ere izan dira

Ikastetxe bateko korridorea eta ikasgela, artxiboko irudi batean. ©BIEL ALIÑO / EFE

Hezkuntza Legeari eginiko ekarriak, murgiltzetik «laikotasun positibora»

Irati Urdalleta Lete

35 eragilek eta norbanakok egin dizkiote zuzenketak Eusko Jaurlaritzaren Hezkuntza Legearen aurreproiektuaren lehen zirriborroari; euskarak eduki beharreko garrantzia da ardatzetako bat

 ©BERRIA
<b>Txapa.</b> 'Ahobizi' txapa andre baten paparrean (artxiboko irudia). ©J.U. / FOKU

Euskarak, maitale asko eta etsai gutxi

Irati Urdalleta Lete

Nolako jarrera dute euskal herritarrek euskararen inguruan? EHUko NIK ikerketa taldearen esanetan, jarrerak onak dira orokorrean, baina badaude ahulguneak: zenbaitek mundu tradizionalarekin lotzen du oraindik ere euskara; ez, ordea, gai espezifikoekin edo lagunartean erabiltzearekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.