Albistea entzun

Koronabirusa. GIZARTEA PENTSALDIAN

Heriotza, bizitza

Idurre Eskisabel - EHUko irakaslea

2021eko apirilak 9

Nola diren gauzak, hilezkortasunaz solastatu ginen izurriaren aurreko lagun arteko azken afarian. Egun haietan bolo-bolo ibilia zen albistea egiaren eta zentzuaren fabrika berrietan, hedabide eta sare sozialetan: dagoeneko lur gainean ei zen hilezkortasuna iritsiko zuen lehen belaunaldia. Lausoak ziren xehetasunak: inteligentzia artifizialaren garapena, bioteknologien aurrerapena edota transhumanismoaren moduko ideia eta hitz fetitxeekin osatutako koktel kimeriko bezain katramilatsua. Baina, hala ere, garaileen kitzikaz aritu ginen eskura ei genuen hilezkortasunaz, lainezak hartuta. Bitxia, afari hartan bildutakook derrotarako joera baitugu normalean, geure buruei indarrean den munduarekiko begirada kritikoa, justizia sena, eraldaketa borondatea, konpromisoa eta inkonformismoa autoaitortzen diegun jende klasea garen heinean.

Nolanahi dela, ez zigun askorik iraun lilurak, egun batzuren buruan ez baitzen gaitza eta heriotza beste hizketagairik, ez baitzen gaitza eta heriotza beste bizimodurik. Goizetik gauera, pandemiak urrutiko leku eta jende exotizatuen langa gainditu zuen eta geure genuen, geugan zen. Goizetik gauera, heriotza ikusezinen edukiontzitik saihetsezinen erakusleihora etorri zitzaigun. Ematen zuen, azkenean, jende modernook heriotzarekin ezkutaketan jolasteari utzi, eta, behingoan, parez pare begiratuko geniola. Bazirudien berriro abiatuko genuela heriotzarekin , aspaldi eta alde bakarretik, etendako ezinbesteko elkarrizketa.

Baina atzera ere, usteak erdia ustel. Laster batean nagusitu zaigu normalitate berriaren ideia, sakonean, lehengo inertzien aktualizazio egokitua baino ez dena, eta pandemiaren aurreko harreman beretan jartzen gaituena oinarrizko auziekin, hala nola, heriotzarekin —hala nola, bizitzarekin—.

Dudarik gabe, modernitateak ideia, balio, praktika, aukera eta bizipen estimagarriak ekarri dizkigu jendeoi; estimagarrienetako bat errege eta jainkoetatik askatzea: norberaren borondatearen azpimarra, geuregaintasuna , erabakimenaren aitortza. Baina norbanakoon geuregaintasunak, jainkoen hilketak, badu ifrentzurik: geu jainkotzen gaitu; geu, edo, zehatzago, neu. Norbera munduaren erdigune eta munduaren neurri. Eta, azken buruan, urrunarazi egin gaitu garen animalia horretatik, giza- aberatasunetik, lurtar eta Lurreko izatetik. Funtsean, aldenarazi egin gaitu, heriotzetik. Ez, jakina, hiltzen ez garelako, baizik eta hilko garenaren segurantzia ezagutza abstraktua zaigulako, jakintza gorpuztu eta barneratuaren ordez.

Horrek sufrimendua eragiten digu, kamustuta baikaude hurbilekoen heriotza halabeharrezkoak behar bezala bizitzeko, eta zer esanik ez norberarenari aurre egiteko. Baina kaltea ez da horretara mugatzen, norberaren jainkotze eta hilezkortasun ametsaren luzapena baino ez baita Lurra amaigabeki ustiragarri dela pentsatzea, hazkundea infinitua dela sinestea. Nago, hilezkortasuna amets dugun bitartean, heriotzari zor diogun elkarrizketa horri umiltasunez heltzen diogun arte, nekez eratuko dugula etengabe ahotan hartua dugun bestelako mundu hori. Bestelako bizitza hori.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Marifran Aranjuelo. / ©Maialen Andres, Foku

«Gezur asko esan dizkigute metroari buruz»

Unai Zubeldia - Gipuzkoako Hitza

Donostiako metroaren aurkako borrokak eta migratzaileen eta presoen aldekoak bizi dute, gaur egun, Aranjuelo. Ez zaio batere gustatu Donostiak azken urteotan izan duen eraldaketa.

Jatetxe bateko zerbitzaria, atzo, Donostian, bi bezeroren COVID ziurtagiriak egiaztatzen. ©JON URBE / FOKU

Ostalariek ez dute polizia (ere) izan nahi

Maddi Ane Txoperena Iribarren Ane Eslava

Atzotik, Euskal Herri osoan da indarrean COVID ziurtagiria. Araba, Bizkai eta Gipuzkoako 50 lagunetik goitiko jatetxeetako langile eta bezeroek egun batetik bertzera egokitu behar izan dute neurrira

Miren Basaras. / ©Aritz Loiola, Foku

«Pandemiak loa galarazi dit niri ere»

Ibai Maruri Bilbao - Bizkaiko Hitza

Miren Basarasek esan du txertoak «oso onak» izan arren, transmisioa eteteko neurriak ezinbestekoak direla. Uste du askatasunaren izenean txertoari uko egiten diotenak «berekoiak» direla.

Otxarkoagako bizilagunak, protesta batean, asteartean. / ©Aritz Loiola, Foku

Betiko zerbitzua gura dute Otxarkoagan

Ibai Maruri Bilbao, Bizkaiko Hitza

Kutxabankek astean egun bitara murriztu du Bilboko Otxarkoaga auzoan dagoen bulego bakarreko leihatila zerbitzua. Bizilagunek protestak hasi dituzte. Bankuek, oro har, Bizkaian, bulegoen %45 itxi dituzte azken hamabi urteetan. Kutxabankek dio erabilera gutxitu delako hartu dutela erabakia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.