Albistea entzun

COP26. ANALISIA

Mundua Glasgown

Iñaki Petxarroman - BERRIAren berriemaile berezia COP26 goi bileran

2021eko azaroak 13

Bada egunotan munduko hedabide askotan atera den irudi bat: munduko globoa, Glasgowko COP26ko Scottish Event Campusen 1. Ekintza Aretoan, kable batetik zintzilik, dotore. Tentuz erreparatuz gero, jende saldoaren artean irudika zitezkeen salbatu nahi den planeta horretan bizi diren era guztietako pertsonak. Izan dira Eskoziara egindako bidaian Lurraren atmosferan lehen eta azken karbono aztarna utziko dutenak, eta badira hegazkin pribatuan ordu batzuetarako etorri eta afarirako etxean egongo zirenak ere.

Izan dira petrolio ustiategi bati aurre egiteagatik lurra eta familia galdu dutenak, eta baita ere ustiategi hori, edo antzeko batzuk, zulatzeko agindua eman dutenak, luxuzko bulego batean.

Korridoreetako ibilaldi presatuetan bereiz zitezkeen mundua salbatzeko sistema ekonomikoa aldatzea beren bizitzako erronkatzat dutenak, eta, Lurra baino gehiago, beren negozioa salbatzeko atmosfera, ura eta bizidunak ere salduko lituzketenak. XIX. mendearen erdialdean ikatzezko fabriketan berotegi gasen isurketa masiboa martxan jarri zen iparralde globaleko txoko honetan, bere desoreka eta arrakalak agerian utzi ditu goi bilerak.

Izan baitira klima aldaketaren prozesu zientifikoa ikertzen egunero ahalegin zintzoa egiten dutenak, eta zientzia lan sakon horri nola erantzun trikimailuak bilatzeagatik soldata oparoa jasotzen dutenak.

Izan dira 14 orduz lan egindako kazetariak, eta, garraio publiko eta zerbitzu asko arrotzek erdi kolapsatuta egon direlako, «joan zaitezte denak pikutara» ozen oihukatu duten herritarrak.

Tentuz begiratuz gero, erraz ohar zitekeen COP26 egin den eremu horretako langile gehienen azal koloreaz eta generoaz: garbitzaileak, segurtasun zinpekoak, sukaldariak, zerbitzariak...

Badoaz horiek denak pixkanaka, nor bere bidean. Mundua astintzen duen zibilizazio krisi larri honek elkartu ditu egun batzuetan. Baina, bistan da, klima larrialdia ez da Glasgown bistaratu den arazo bakarra. Desberdintasuna, bidegabekeria eta zinismoa agerian utzita bukatu dira topaketak, eta itzulerako bidaian bakoitzaren buruhausteak ere oso jite ezberdinekoak izango dira. Bihartik aurrera ere 1. Ekintza Aretoko bolatxo hori izango da batu ditzakeen ia kontu bakarra.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Elkarretaratzea Melillan

Isiltasunaren oihu beltzak

Jone Arruabarrena

37 migrante hil ziren joan den ostiralean Marokoren eta Espainiaren arteko mugan, gobernuek oraindik argitu ez dituzten arrazoiengatik. Gertakariak salatzeko, elkarretaratzea egin dute Melillan bizirik atera ziren migratzaileek.

«Migratzaileak modu eredugarrian antolatu dira»

«Migratzaileak modu eredugarrian antolatu dira»

Jone Arruabarrena

Labaka eta Soriano elkartasun langileek azaldu dute joan den astean Melillako hesia gurutzatu zuten migranteak antolatzen ari direla beren eskubideen alde: «Haiek badaukate ahots propioa».

Bi herritar oinez, New Yorkeko zentral elektriko baten ondotik igarotzen. ©Justine Lane, EFE

AEBetako Gorenak CO2 isurketak mugatzea zaildu dio Washingtoni

Iñaki Petxarroman

Gobernuaren esku den Ingurumena Babesteko Agentzia isurketak mugatzeko ahalmenik gabe utzi dute epaile atzerakoiek. Erregai fosilen aldeko lobbyen garaipena da sententzia.

Xi Jinping Txinako presidentea, artxiboko argazki batean ©EFE

«Blokeen arteko konfrontazioa» sustatzea egotzi dio Txinak NATOri

Igor Susaeta

Kontzeptu estrategiko berrian jasotakoaren harira, «etsaiak sortzeko taktika zaharrarekin» jarraitzea leporatu dio Pekinek aliantza militarrari.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...