Noiz sortua: 2017-11-29 00:30:00

Indarkeria matxista

Defentsak ukatu egin du sexu harremanak bortxaz izan zirela

Azken saioan, bost auzipetuen abokatuek argudiatu dute biktimak salaketa jarri zuela bideo bat argitara emango zuten beldur zelako
Akusatuen abokatuetako bat, atzo, epaitegira sartzen.
Akusatuen abokatuetako bat, atzo, epaitegira sartzen. VILLAR LÓPEZ / EFE

Naiara Elola -

2017ko azaroak 29

Sententziaren zain gelditu da 2016ko sanferminetako talde bortxaketaren harira Nafarroako Auzitegi Nagusian egin den epaiketa; atzokoa izan zen azken saioa. Bost akusatuen defentsaren abokatuek epaiketan aurkeztutako frogak oinarri gisa hartuta ateratako ondorioak helarazi zituzten. Besteak beste, Iruñeko Paulino Caballero kaleko bosgarren atariko gela txiki batean izandako sexu harremanak «onartuak» izan zirela adierazi zuten hiru defentsa abokatuek. Biktimaren salaketa «faltsua» dela iritzita, bost auzipetuentzat absoluzioa eskatu dute.

Agustin Martin Becerrak, bost akusatuetako hiruren defentsaren abokatuak, aurkeztu zituen lehenik ondorioak. «Datu gutxi» batzuk besterik jasotzen ez zuen biktimaren hasierako salaketarekin «ekaitz perfektua» eratu dela azaldu zuen. Are gehiago, instrukzio epaileak eskatutako ikerketa zalantzan jarri zuen: «Autore ikerketa izan da, hasi eta buka». Gainera, iradoki zuen salaketaren arrazoia ez zela bortxaketa izan, bost akusatuek sakelako telefonoa lapurtu izana baizik. Fiskalak eta akusazioek epaiketan aurkeztutako frogak oinarri hartuta, esandakoa ukatu, eta auzipetuek egindako grabazioetan neska sexu harremanez «gozatzen» ageri dela esan zuen Martin Becerrak. Sexu harremanak «adostuta» zeudela iritzita, defendatzen dituen hiru gizonentzat absoluzioa eskatu zuen.

Antzera mintzatu zen Jesus Perez ere, ofizioz guardia zibila den auzipetuaren defentsaren abokatua. Ia ordu eta erdiz garatutako azalpenean, onartu zuen bere bezeroak sakelako telefonoa lapurtu ziola biktimari, baina ez zuen arrazoia argitu. Salatzailea Paulino Caballero kaleko atarian «bere borondatez» sartu zela esan zuen: «Ez zen ihes egiten saiatu». Haren hitzetan, honako hau da salaketa jartzeko arrazoia: «Lehen aldiz taldean izan zituen sexu harremanek ez zuten asebete, damutu egin zen, eta horregatik jarri zuen salaketa».

Biktimak bost gizonezkoak salatzeko arrazoiak bilatu nahian, pauso bat harago egin zuen militarraren defentsa lanetan diharduen Juan Canales abokatuak. «Neskak ez zuen salaketa jarri nahi, baina, egoeragatik, behartuta ikusi zuen bere burua». Bortxaketarik ezin izan dela frogatu argudiatuta, bere bezeroarentzat absoluzioa eskatu zuen.

Behin defentsaren abokatuen azalpenak entzunda, epaileak akusatuei epaia eman aurretik azkenekoz hitz egiteko aukera eskaini zien. Euren errugabetasuna defendatu zuten bostek. Formula bera erabili zuten guztiek, gainera: «Errugabea naiz, eta konfiantza dut justiziarekin». Auzitegiko iturrien arabera, espero da epaia urtarrilean jakinaraztea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 27an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, hemeretzi positibo atzeman dituzte PCR probekin, eta bederatzi gaixo ospitaleratu dituzte. Euskal Herrian 28.812 gaixok eman dute positibo guztira, koronabirusa atzemateko probaren bat eginda. Horietatik 2.034 hil dira. Grafikoak, albiste barruan.

Lanbideren Gasteizko bulego bat, itxita ©Luis Jauregialtzo, Foku

Munduko bortz gaztetatik batek lana galdu du pandemia hasi zenetik

Berria

Lanaren Nazioarteko Erakundearen arabera, koronabirusak eragindako krisiak bereziki eragiten die gazteei. Lana duten gazteen %23ri lan orduak murriztuko dizkiete. Erakundearen arabera, emakumeak ari dira bereziki pairatzen krisiaren ondorioak. 

Ursula von der Leyen, artxiboko irudian, ©OLIVIER HOSLET / efe

Bruselak 750.000 milioi euroko funtsa proposatu du

Iker Aranburu

500.000 milioi laguntza zuzenak izango lirateke, eta beste 250.000 milioi, maileguak. Zerga berriekin ordaindu nahi du hartuko duen zorra. Harrera beroa izan du hegoaldean, baina hotza iparraldean.

Manuel Castells Espainiako Unibertsitate ministroa, joan den astean, Diputatuen Kongresuan. ©Kiko Huesca / Efe

Unibertsitate tasak jaitsi beharko dituzte Hego Euskal Herriko administrazioek

Andoni Imaz

Castells Espainiako Unibertsitate ministroak adierazi du unibertsitateek finantziazio gehiago behar dutela, baina hori ezin dela egon «baliabide gutxien dituzten familien eta ikasleen bizkar».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna