Espainiako Gorteetarako hauteskundeak. Hego Euskal Herria

Nafarroako autogobernua «defendatzeko prest» agertu da Geroa Bai

EH Bilduk ere salatu ditu autogobernuaren kontrako erasoak: «Ez dira berriak». Aldaketa koalizioak «Nafarroa progresista» ordezkatu nahi du
Geroa Baiko hautagaiak, Iruñean atzo egindako ekitaldian.
Geroa Baiko hautagaiak, Iruñean atzo egindako ekitaldian. BERRIA Tamaina handiagoan ikusi

Erredakzioa -

2019ko apirilak 23

Nafarroako autogobernua berriro ere eztabaida politikoaren ardatz bilakatu da Espainiako Kongresu eta Senaturako hauteskunde kanpainan. Geroa Bai, esaterako, horren inguruan mintzatu da Iruñean, kanpainaren ekitaldi nagusian, eta han Uxue Barkos lehendakariak horren defentsa egin du: «Nafarroa ez da ukitzen», ohartarazi du.

Barkosen ustez, Geroa Bai da Nafarroaren interesak «mugarik eta murrizketarik gabe» defenda ditzakeen bakarra, eta erantsi du koalizioari emandako botoa «fidagarria» dela: «Ez da barne gatazketan galduko, eta ez da nazionalismo espainiarraren amarruetan eroriko».

Nafarroako autogobernuaren eta nortasunaren inguruan Navarra Suma koalizioak darabilen jarrerari «kaltegarri, onartezin eta ulertzezin» iritzi dio. «Autogobernurako hain arriskutsua izango den hurrengo agintaldian, ezin dugu utzi Navarra Suma izan dadila Nafarroako interesen ordezkaria», esan du.

Barkosek gogor kritikatu du Navarra Suma koalizioa osatzeko UPN C's-ekin elkartu izana, eta gogorarazi du C's Nafarroako hitzarmen ekonomikoaren aurka mintzatu dela «UPNrekin akordioa egin eta 24 ordura».

Antzera aritu da Koldo Martinez Geroa Bairen hautagaia; Navarra Suma koalizioa kritikatu du, eta esan UPN «Nafarroako gizartearen etsaiekin» elkartu dela.

Martinezek ere autogobernua defendatu du: zenbait eskumen transferitzeko eskatu du —besteak beste, gizarte segurantzarena eta trafikoarena— eta azaldu du ez daudela prest beste erkidego batzuekin «behetik» berdinduak izateko: «Ez diegu utziko hitzarmen ekonomikoa ukitzen».

Martinezen ustez, UPNko presidente Javier Esparzaren asmo bakarra da Uxue Barkos Nafarroako lehendakaritzatik botatzea eta «boterea» eskuratzea; «Horretarako deabruarekin elkar hartuta joan behar badu, ez du horretarako arazorik».

Autogobernua «suntsitu»

EH Bilduko hautagai Bel Pozuetak ere Nafarroako autogobernuaren aurkako erasoak aipatu ditu, baina erantsi du horiek ez direla oraingoak, aspaldikoak baizik. «Urteak daramatzagu Nafarroaren desforalizazioa pairatzen», esan du, eta UPN «bidaidetzat eta partaidetzat» jo du «autogobernuaren etengabeko suntzitze» horretan, PSOE, PP eta C's-ekin batera. «Nafarroako foru instituzioak eta gizartea ez defendatzea» leporatu dio Pozuetak UPNri.

«Alde bakarretik eta modu ilunean erabaki zutenak Foru Hobekuntza izango zela joko zelai politikoa, ari dira orain hura ezabatu nahian, edo, behintzat, autogobernu apur bat ekar dezaketen eduki guztiak kendu nahian», azaldu du Pozuetak. Haren hitzetan, indar horiek babestu dituzte Espainiako Gobernuaren eta Ogasunaren «esku hartzeak», eta Espainiako Auzitegi Konstituzionalari «adore» eman diote «askatasunak ebaki ditzan».

Pozuetak botoa eskatu du datorren igandeko hauteskundeetan, Madrilera eramateko «feminismoaren defentsa, justiziarena, etsi egiten ez duen Nafarroarena eta eskubide sozialen aldeko lanetan aurrera egin eta sakondu nahi dutenena».

PSOEren «blokeoa»

Geroak Baik, EH Bilduk, Ahal Dugu-k eta Ezkerrak osatutako Aldaketa ere autogobernuaren defentsan agertu da, baina batez ere sozialistei egin dizkie kritikak. Espainiako Senatura aurkezten den hautagaitzaren arabera, PSOEk «blokeatu» egin du 77,8 milioi euroko diru poltsa, eta Nafarroan egin beharreko hainbat inbertsio atzeratu ditu. «Hamar hilabete hauetan frogatu dute ez direla gauza Nafarroaren interesen aldeko politika progresista egiteko», esan dute.

Aldaketaren ustez, zerrenda hori da «Nafarroa progresistaren ahotsa eraman eta nafarren interesak defendatzeko gauza den indar politiko bakarra».

Espainiako Senaturako bozetan, lehenengo indarra izan nahi du Aldaketak Nafarroan. Hori izango litzateke, haien ustez, «eskuinen frontea» gailentzeko bide bakarra, eta «birzentralizazioari» galga jartzeko ere balioko luke, «autogobernua defendatu eta aldaketari esker lorturiko aurrerapen sozialak blindatu ahal izateko».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna