Albistea entzun

Koronabirusa

Neurriak arintzeko egutegia aurkeztu du Frantziako Gobernuak

Telelana arinduko dute, eta maskara ez da derrigorrezkoa izanen aire zabalean. Aldaketa gehienak otsailean sartuko dira indarrean
12 eta 17 urte bitartekoak hasiko dira indartze dosia hartzen.
12 eta 17 urte bitartekoak hasiko dira indartze dosia hartzen. GUILLAUME FAUVEAU Tamaina handiagoan ikusi

Oihana Teyseyre Koskarat - Gotzon Hermosilla -

2022ko urtarrilak 21

Frantziako lehen ministro Jean Castexek iragarri du COVID-19aren izurriari aurre egiteko neurriak arinduko dituztela, eta horretarako egutegia ere aurkeztu du. Aldaketa gehienak otsailean sartuko dira indarrean.

Otsailaren 2tik goiti ez da derrigorrezkoa izanen maskara aire zabalean eramatea. Telelanaren neurria ere arinduko dute: ez da derrigorrezkoa izanen, baina bai «gomendagarria». Kultur eta kirol ekitaldietan, berriz, ez da murrizketarik izanen, ikusleak eserita egonez gero.

Halaber, otsailaren 16tik goiti, dantzalekuak berriz irekiko dituzte, eta ostatuetan zutik kontsumitu ahalko da.

Oraingoz, eskoletako protokoloari eutsiko diote, baina Castexek iragarri du otsailaren amaieran, oporretatik itzuli ondoren, protokolo hori aldatzea aztertuko dutela.

Ziurtagiria, indarrean

Castexek erran duenez, txertatze agiria astelehenean sartuko da indarrean. Edonola ere, neurri hori Frantziako Konstituzio Kontseiluak ebazten duenaren beha dago. Izan ere, Konstituzio Kontseiluak gaur ematekoa du txertatze ziurtagiriaren legeari buruzko erabakia. Frantziako Parlamentuak legea onartu zuen, baina diputatu eta senatari batzuek helegitea aurkeztu zuten.

Castexek iragarri du prest daudela txertatze ziurtagiria ezartzeari uzteko, baldin eta kutsatzeen eta ospitaleratutako erien kopuruak murrizten badira. Bestalde, 12 eta 17 urte bitartekoek astelehenetik goiti izanen dute txertoaren indartze dosia hartzeko aukera.

«Pandemiaren bilakaera itxaropentsua da», adierazi du Castexek; «halarik ere, ezin ditugu ahantzi gure osasun sisteman dauden tentsioak».

Azaldu duenez, omikron aldaeraren eragina ez da delta aldaerarena bezain larria, eta horrek eraman du Frantziako Gobernua neurriak laxatzera, baina ohartarazi du ez dela «gripe arrunta».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

LGTBI+fobiaren aurkako protesta. bat, Gasteizko Zabalgana auzoan. ©Jaizki Fontaneda / Foku

LGTBI kolektiboek «saretzera» dei egin dute

Jone Arruabarrena

Gorroto diskurtsoaren hedapenaz eta komunikabideek kolektiboaren aurkako erasoei ematen dieten trataeraz «kezkatuta» daudela esan dute

Tomas Rubinen senideak, atzo, Bilbon, gudariaren gorpuzkiak hartu berri. ©MARISOL RAMIREZ / FOKU

Beste bost gudari identifikatu dituzte Begoñako hilerrian

Olatz Enzunza Mallona

Identifikazio xaflei esker atzeman dituzte bost gudariak. Gogora institutuak espero du 2023ko udaberrirako amaitzea identifikazio lana

Ikusgune behatokiak atzo kaleratu zuen txostenaren aurkezpena. ©RAUL BOGAJO / FOKU

Lau urtean hirukoiztu egin dira Ikusgunen salatutako eraso LGTBIfobikoak

Jone Arruabarrena

Eraso transfoboen gorakadaz ohartarazi du behatokiak, eta Diputatuen Kongresuan trans legea tramitatzean sortu zen «gorroto giroari» egotzi diote igoera

Irene Montero, Espainiako Berdintasun ministroa, artxiboko irudi batean. ©JAVIER LIZON / EFE

Onartu eginen dute abortuaren legea, higiene gaien zerga jaitsi gabe

Ion Orzaiz

Hileko mingarriaren ondoriozko gaixoaldia eta erditze aurreko baimena jasoko dituzte testuan. Jaurlaritzak eta EH Bilduk ontzat jo dute araua

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...