Albistea entzun

Multinazionalei, %15eko zorua

Urriaren 8an, 136 herrialdek konpromisoa hitzartu zuten, 750 milioi eurotik gora fakturatzen duten enpresei gutxieneko tasa bat ezartzeko eta zergak saltzen den eremuaren arabera banatzeko.

Joxerra Senar -

2021eko urriak 17

Iraultza ala aberatsenen mesederako neurria? Ikusteko dago benetan zer ekarriko duen OCDE Ekonomia Lankidetza eta Garapenerako Erakundeak bultzatutako ekinaldiak. Munduko 136 herrialdek konpromisoa hartu dute urtean 750 milioi eurotik gora fakturatzen duten enpresei sozietate zergan gutxieneko tasa %15ekoa ezartzeko 2023tik aurrera, neurri horrekin bat egiten duten herrialdeetan. Helburua da ziurtatzea munduko ehun multinazional handienek bidezko tasa bat ordaintzen dutela, eta, oro har, urtero 125.000 milioi dolar biltzea espero da. Akordioa izenpetu duten herrialdeek munduko ekonomiaren %90 ordezkatzen dute.

Multinazionalen %15eko zoru horrez gain, itunak badu beste zutabe bat, eta haren bidez lortu nahi dute enpresa handienek saltzen duten eremuetara ere banatzea sortutako etekinak: hala, 20.000 milioi eurotik gorako salmentak eta %10etik gorako errentagarritasuna duten multinazionalek%10 horretatik gora irabazten duten diruaren %25 banatu beharko dute lan egiten duten beste lurraldeetan. Urtean 130.000 milioi dolarreko diru sarrerak modu bidezkoago batean banatuko direla espero dute.

Bruno Le Maire Frantziako Ekonomia ministroaren arabera, «albiste pozgarria» da akordioa, eta «XXI. mendeko benetako iraultzarako atea irekitzen du». Hain zuzen, konpromiso hori lortuta, Frantziak eta Europako beste herrialde batzuek uko egingo diote Google tasa aplikatzeari. Hori zen AEBetako Gobernuak jarritako baldintza. Hala ere, orain arte, munduko zerga sistemaren zirrikituak baliatu dituzten multinazional teknologiko estatubatuarrek zailago izan dezakete, iheserako tartea estutu baitzaie: azken batean, Joe Biden AEBetako presidenteak inbertsioak finantzatzeko dirua behar du.

Hala ere, akordioa gauzatu arte bide luzea geratzen da. Asmoa da datorren urtean herrialdeek alde askotariko hitzarmen bat sinatzea eta neurriak 2023an indarrean sartzea. Nigeriak, Kenyak eta Sri Lankak ez dute sinatu, eta beste hainbat herrialde negoziatzen ari dira oraindik.

Oxfamen kritika

Hitzarmena historikotzat jo izan duten adierazpen arranditsuak apaldu egin nahi izan ditu Oxfam gobernuz kanpoko erakundeak. Susana Diaz Oxfameko zerga politiken arduradunaren ustez, akordioak batik bat herrialde aberatsenei egingo die mesede. «Urtean bilduko den diru horren bi herenak G-7arentzat eta Europako Batasunarentzat izango dira, eta herrialde pobreenei %3 baino ez zaie helduko, nahiz eta bertan munduko populazioaren bi heren bizi diren».

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Albiste gehiago

<b>Mitxel Lakuntza, atzo.</b> ELAko buruak aldarrikatu du grebak direla akordio onak lortzeko modurik onena. ©OSKAR MATXIN EDESA / FOKU

Azken bi urteetan oinarrizko elikagaien prezioa %25,2 igo dela kalkulatu du ELAk

I. M. E.

Sindikatuko ikerlarien ustez, Hego Euskal Herriko inflazioa %4,1ekoa izango da aurten. Euskal bankuen mozkinak %50etik gora igo dira
Endika Perez LABeko Ekintza Sozialeko arduraduna eta Igor Arroyo koordinatzaile orrokorra, atzo. ©OSKAR MATXIN EDESA / FOKU

Sozietateen gaineko zerga igotzeko garaia dela esan dio LABek Jaurlaritzari

I. V. G.

Salatu du egungo zerga ereduak langileen zama handitzen duela, eta zerbitzu publikoak ahuldu
Trafikoa Donostiako erdigunean. ©Jon Urbe / Foku

Euro 7 urardotu bat onartu dute EBko gobernuek

Iker Aranburu

Proposamenak ez ditu behartuko autogileak beren ibilgailuen motorren CO2 eta NOx isuriak gutxitzera, baina pneumatikoek eta galgek isuritako partikulak gutxitu beharko dituzte. Europako Parlamentuarekin negoziatu beharko dute orain.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...