Koronabirusa. OSASUNA PENTSALDIAN

Eta ostera, zer?

Ane Pescador - Donostia ospitaleko erizaina

2020ko azaroak 29

COVID-19aren aurkako txertoaren inguruko berriak egunero. Gertu dagoela, konponbide izango dela. Akaso batzuentzako esperantza argi izpirik piztuko du honek; niri behintzat opakutasun garaiotan zaila egiten zait ezer argirik ikustea. Izan ere, txertoarekin immunitaterik lortuko bada ere, garaiotan sortu diren kalte eta gaitzak erreparatzeko gai izango al gara?

Ezinbestekoa iruditu zitzaidan pandemiaren lehen unetik osasun hezkuntza egoki bat jasotzea. Gardentasun faltatik ikasten joan behar izan dugu. Jakina da hasiera batean guztiontzako berria zela dena, gaitzaren inguruko informazio falta zegoela. Eta, noski, horren aurrean bakoitzak ahal bezain ondo jokatu du. Baina, denborak aurrera egin ahala, ezagutzak jasotzen joan ahala, zergatik jaso ditugu horren kontrajarriak diren mezuak? Lasaitasun mezuak egoera ez zenean txikikeria. Eta, kolpetik, neurri murriztaile gogorrak, osasun zentroen kolapsoak.

Gardentasuna ezinbestekoa da eta are gehiago hezkuntza: kritiko izan gaitezen egiten dugunarekin, gertatzen ari dena jakinda. Informazio argia edukitzea, denon eskura. Bilatu gabe iritsi den opakutasunaren harira haserrea eta mesfidantza sortu dira gizartean. Eta, zoritxarrez, etorkizunean horrelako beste egoera batzuk suertatzeko aukerak egon badaudenez, osasun hezkuntza eta mezu argi zein gardenak ematea ezinbestekoa iruditzen zait. Herriak egon behar baitu ondo hezita, agintaritzak eta haien lerroak aldatuko direlako, baina herritarrak berdinak izango gara, eta gure ondorengoei zer irakatsi edukiko dugulako.

Dena den, txertoak sendatuko ez dituen hamaika kalteei begira gelditzen naiz ni. COVID-19a pasatu eta bigarren mailako ondorioekin gelditu diren gaixoen sostengu zainketekin eta errekuperazioarekin. Pandemia garaian hil eta behar bezala gaubeilatu ez diren pertsonen senideekin, egoki garatu gabeko doluekin eta kroniko bihur daitezkeen min emozionalekin. Langabezian gelditzen ari diren pertsona guztiekin; haien eguneroko buruhauste handiekin, etxera dirurik ez eramateak ekar ditzakeen kalteekin: desnutrizioa, etxegabetzeak, egonkortasun falta. Atzeratu diren kirurgia guztiekin, frogekin, kontsultekin; eta honen ilaran datozen konplikazio guztiekin. Gelditzeko etorri diren kontsulta telefonikoekin. Osasun mentalaren arloak gure osasun sisteman hartu beharko duen indarrarekin. Umeek debekuz josita bizi duten haurtzaro honekin.

Txertoa iristearekin batera arazo hauek guztiak uxatzea zaila ikusten dut. Baina garai gogorrotan bizi dugunaz asko ikasiko dugulako ziurtasuna daukat.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Bilboko Udaletxea, artxiboko irudi batean ©Luis Tejido/ Efe

Bilbo eta beste hemeretzi udalerri itxiko dituzte bihar

Berria

Arabako, Bizkaiko eta Gipuzkoako hogei herrik dute azkeneko hamalau egunetan 100.000 biztanleko 500 kasu baino gehiago, eta itxi egingo dituzte bihar. Ostalaritza ere itxi egingo dute herri horietan. Tartean dira Bilbo, Elorrio, Azpeitia, Pasaia, Zumarraga eta Legutio. Soilik Deba aterako da eremu gorritik.

"Jotzera egingo dugu tiro"

«Jotzeko egingo dugu tiro»

Edu Lartzanguren - Maider Galardi F. Agirre

Donostiako lau gazte atxilotu zituzten atzoko istiluetan, eta Ertzaintzak ez du baztertzen gehiago atxilotzea. Bideo bat zabaldu da sare sozialetan: ertzain batek agintzen du «jotzeko tiro» egiteko. Bederatzi zauritu daudela esan du Segurtasun Sailak.

Baheketak Durangon (Bizkaia), artxiboko irudi batean. ©Marisol Ramirez, FOKU

1.346 kasu positibo atzeman dituzte Hego Euskal Herrian

Uxue Rey Gorraiz

Osakidetzak eta Osasunbideak ia 17.000 test egin zituzten atzo, eta horien %8k eman dute positibo: 1.346k. Laugarren egunez jarraian, handitu egin da egun bakarrean zenbatutako positibo kopurua. 121 lagun daude Hegoaldeko ZIUetan.

PCR probak egiteko gune bat, Agurainen. / ©Raul Bogajo, Foku

Araban, Bizkaian eta Gipuzkoan itxita dauden udalerriak

Berria

Azken hamalau egunetan 100.000 biztanleko 500 kasu positibo baino gehiagoko intzidentzia tasa metatua duten udalerriak ixtea erabaki du Eusko Jaurlaritzak, eta herri horietako ostalaritza ere itxi egingo dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.