KRITIKA. Zinema

Amets egiten, oinak lurrean

<em>Lur eta Amets</em> animaziozko filmaren fotograma bat.
Lur eta Amets animaziozko filmaren fotograma bat. LOTURA FILMS Tamaina handiagoan ikusi

Gontzal Agote -

2020ko otsailak 21

'Lur eta Amets'

Zuzendariak: Imanol Zinkunegi, Joseba Ponce. Gidoia: Eneko Olasagasti, Karlos Zabala. Ekoiztetxea: Lotura Films. Herrialdea: Euskal Herria. Iraupena: 87 minutu.

Amesten hasita, akaso egunen batean Hollywoodeko ekoizle, aktore edo zuzendari boteretsu eta mediatiko batek gure Braveheart kontatuko du. Modu epiko horretan, munduak gure historiaren zati ñimiño bat ezagutzeko aukera izanen luke; efektu berezi, antzezle ezagun, alfonbra gorri eta guzti. Ez da ahoberokeria hutsa; gure inguruan dagoeneko hainbat ibili dira ideia hori bueltaka zutela.

Nolanahi ere, ameskeria da besteek noiz kontatuko zain egotea, inportatutako suak noiz jaurtiko dituzten zain egotea, guk geurea ez badugu egiten, xumeago baina zintzoago. Transmititu, jakin-mina piztu, hunkitu eta dibertitu: erraz esaten da, nekez egin.

Zorionez, Lur eta Amets animazio filmak betetzen diru helburu horiek guztiak. Elkarlan txalogarri baten ondorioa da proiektua, eta gure historiaren pasarteetako batzuk istorio bihurtzen ditu, modu erakargarri eta atseginean gaztetxo zein helduei helarazteko.

Gisako egitasmo askotan ez bezala, ertz didaktikoa izanagatik Imanol Zinkunegi eta Joseba Ponce zuzendariek ez dute ahaztu zeintzuk diren animazio film baten ezaugarri garrantzitsuetako batzuk: erritmo egokia, koloreen kontrastea, neurriko umore tantak... Hori guztia, euskara dotorean.

Bistakoa da ez dela munduko aurrekonturik mardulenarekin egindako animazio filma, baina baliabideen aldetik diren gabeziak, gertutasun samur batekin, elkarrizketa biziekin eta pertsonaia identifikagarriekin orekatzen ditu Lur eta Amets-ek. Konplexurik gabe, zentraltasunetik.

Historiaren inguruko ipuin bilduma da filmaren oinarria, eta horixe bera da filmak duen baina nagusia: bilduma moduko bat dela azken emaitza. Horren ifrentzuan, filmak ikuslea gehiagorako gogoz utziko du, erraz irudikatuko baitu lehengai horren gainean ateratzen ahal den telesail aparta. Baina hori, jakina, telebista normal batez ariko bagina, eta hori beste istorio bat da...

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Pentsionisten elkarretaratzea Bilboko Justizia Jauregian. ©Aritz Loiola

Pentsiodunek pandemiako testigantzen txosten bat aurkeztuko diote EAEko Fiskaltzari

Maialen Arteaga

Irailaren 7an bilduko dira fiskalarekin pandemiako testigantzak eta datuak biltzen dituen txostena helarazteko

Baztango haur eskola. ©Jagoba Manterola/FOKU

Nafarroako haur eskoletan «normaltasun berriarekin» ekingo diote ikasturteari

Olatz Esteban Ezkati

Lau egoera posible irudikatu ditu Nafarroako Gobernuak, eta COVID-19aren bilakaeraren arabera ezarriko da bat edo beste.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna