Albistea entzun

Haizea Ziluaga. Abokatua

«Auzia ez da leku aldaketa soilena; eskubideak daude jokoan»

Presoak Euskal Herriratzeko eskaeren gaia lantzen dabilen abokatuaren hitzetan, ez da egia auzia ez dagokiola Espetxe Zaintzarako Epaitegiari. Eskubideak haren ardura direla dio.
MONIKA DEL VALLE / ARP

A. Laskibar Lizarribar -

2015eko apirilak 1

EPPK-ko presoen defentsa lanetan ari diren abokatuek ez dute irakurketa publiko sakonik egin nahi oraindik; epaiak ondo aztertu ondoren egingo dute balorazio zehatza. Oporretan harrapatu du Ziluaga BERRIAk, baina tarte bat hartu du galderak erantzuteko.

Sakabanaketak presoen eskubideak urratzen dituela argudiatuta aurkeztu zenituzten kexak Espainiako Auzitegi Nazionalean. Ez dituela eskubideak urratzen diote epaiek.

Egia esan, jaso ditugun autoak ez dira sartzen guk salatu genituen giza eskubideen bortxaketa horiek aztertzera. Epaileak esaten du ezetz; ez dagoela eskubide urraketarik, baina modu orokortuan egiten du. Ez ditu eskubideak eta salatutako urraketak sakonean aztertzen.

Lekualdatzeen inguruko eskumena ez dela Espetxe Zaintzarena ere adierazi du. Ados zaude horrekin?

Hori esaten du, bai. Eta noski lekualdatzeen gaia Espetxe Zuzendaritzaren Idazkaritza Nagusiaren eskumena dela eta hori bide administratibotik landu behar dela. Hori badakigu. Baina eskubideak urratzen ari direlako egin ditugu kexak Auzitegi Nazionaleko Espetxe Zaintzarako Epaitegian. Bere eskubideak bermatu daitezela eskatu dute presoek eta hori bere eskumena da.

Gaia administratiboki landu behar dela eta Espetxeetako Zuzendaritzara jo behar dela esan du epaileak. Hori da presoek nork bere espetxeetan Zaballara eramateko eskatuta hasi zuten bidea?

Bai, hori da. Espetxeari egin zioten eskaera presoek, Espetxe Zuzendaritzako Idazkaritza Nagusiari. Ezezkoa jaso zutenean jo zuten Zaintza Epaitegira, berak baitu presoen eskubideak bermatzeko ardura.

Ez zegoen bide administratibo an jarraitzeko aukera?

Bai, jarraitu ahal genuen bide hori eta erabakiari helegiteak jarri administratiboki. Baina ezezkoa jasotzean argi geratu zen gaia ez dela leku aldatzeen eremura mugatzen. Argi geratu zen erabakia bestelakoa dela eta sakabanaketarekin eskubideak bortxatzen ari direla. Auzia ez da leku aldaketa soilena; eskubideak daude jokoan. Horregatik jo genuen Zaintza Epaitegira. Ez delako bestelako arrazoirik gabe erabaki lekuz aldatu behar den norbait edo ez. Euskal presoei sakabanaketa beste arrazoi batzugatik ezartzen zaie eta giza eskubideak urratzen ari dira.

Zein bide jarraituko duzue hemendik aurrera?

Erreforma helegitea aurkeztuko dugu eta bide horri eutsiko diogu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Urkullu, gaur, herritarren galderak erantzuten. ©Irekia

Pentsio minimoa hobetzea eta AHTa «bateragarriak» direla esan du Urkulluk

Edu Lartzanguren

Herritarrek eginiko 20 galderari erantzun dio Iñigo Urkullu lehendakariak, #UrkulluTopaketa ekimenaren barruan.

ETArena izan zitekeen aspaldiko zulo bat aurkitu dute Ataunen

ETArena izan zitekeen aspaldiko zulo bat aurkitu dute Ataunen

Berria

Herritar batek aurkitu zuen Aitzarte edo Ataungo Domoan.

Maddalen Iriarte, gaur, Gasteizen egindako ekitaldian. ©EH BILDU

PSE-EEk Gernikako Estatutuaren ekarpenak nabarmendu ditu; EH Bilduk, gabeziak

Maddi Ane Txoperena Iribarren

Estatutuaren 42. urteurrenean, PSE-EEk autogobernuarekiko «konpromiso jarraitua, zintzoa eta arrakalarik gabea» berretsi du, eta nabarmendu du estatutu berri bat egitekotan «memorian oinarritua» beharko lukeela. EH Bilduk uste du estatutua ez dela «gai Euskal Herriaren eta herritarren beharrei» erantzuteko.

Milaka urrats «etxera bidean»

Milaka urrats «etxera bidean»

Maddi Ane Txoperena Iribarren

Euskal presoak Euskal Herrira ekartzea, «bizi osorako» zigorrak etetea eta gradu progresioei bide ematea galdegin dute Donostian. Urtarrilaren 8an berriro kalera ateratzeko deia egin du Sarek

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.