Albistea entzun

Iragan luzeko aldarri bat eguneratzera

Naziogintza taldeak deituta, dozenaka lagun elkartu dira Azpeitian, Euskal Errepublikaren Eguna ospatzeko. 1931ko apirilean haren aldeko mozioa onartu zuten zinegotziak omendu dituzte ekitaldian.
Azpeitian egindako ekitaldia, atzo.
Azpeitian egindako ekitaldia, atzo. ARITZ LOIOLA / FOKU Tamaina handiagoan ikusi

Iosu Alberdi -

2022ko maiatzak 8 - Azpeitia

Geure etxe bat sortu nahi bada/ geure zoru, geure sabai/ izan gaitezen lekuko hori/ hartu ta eramateko gai». Hitz horiekin borobildu du Jokin Uranga bertsolariak Euskal Errepublikaren Eguneko aldarrikapena. Naziogintza taldeak deituta, dozenaka herritar batu ziren atzo Azpeitian (Gipuzkoa), 1931n Euskal Herriko zenbait udalek euskal errepublikaren alde onartutako mozioak gogoratzeko, eta nahi hura XXI. mendera egokitzeko.

«Aitzindari haien ohorez eta omenez, eta gure egungo nahiekiko zintzotasunez, euskal errepublikaren eguna antolatu dugu», azaldu zuen Xabier Euzkitze aurkezleak, San Agustin kulturguneko taula gainetik. Euskal Errepublika lortu arte lelopean egindako kalejiraren ostean izan zen hori.

Behin antzoki barruan, Euskal Herriaren independentziaren aldeko mezuek, eta abesti eta dantzek bat egin zuten bide berean. Kantujira taldeak jarri zuen goxotasuna, Oi ama Euskal Herri abestiarekin, eta Itsasi dantza taldeak astindu zuen hura ikurrin dantzarekin. Xabier Irujo Renoko Unibertsitateko Euskal Ikasketen Zentroko zuzendariak bidalitako mezuak kokatu zuen, berriz, eguneko aldarrikapena bere «testuinguru kronologiko eta historikoan», Frantziako iraultzatik hasi eta joan den mendera arteko bidea eginez. «Ezin dugu aurrera egin iraganera begiratu gabe, eta ezin dugu gure herri honen geroa eraiki ez bada euskal errepublika bat osatuz», adierazi zuen Maite Garmendiak, Irujoren hitzak bere eginez.

Ez Espainia, ez Frantzia

«Argi geratu da euskal errepublikaren aldeko aldarrikapen hau ez dela historiarik, funtsik eta zuztarrik gabea», esan zuen Euzkitzek, mezu hura eta Naziogintza taldeko kide Josu Alberoren hitzaldia entzun ostean. Azken horrek «euskal errepublika euskaldunaren» aldeko hitzak egin zituen, Espainiako eta Frantziako estatuetatik at aske izateko: «Ez Espainiako monarkia bananero eta ustelari, ez Frantziako Errepublika jakobino eta zentralistari. Euskal Herriak bere errepublika propioa behar du».

Eguneko protagonistak, baina, beste batzuk izan ziren. 1931ko udaberrian euskal errepublikaren eta Euskal Herriaren autodeterminazioaren aldeko mozioa onartu zuten Azpeitiko zinegotziak. Haietako batzuen ondorengoak izan ziren haien omenez txaloak jaso dituztenak. Txaloak, aurreskua eta lore sorta bana.

Haien ardurapean geratu zen ekitaldi amaiera ere. Kulturgunetik plazara aterata, ikurrina mastan gora altxatzeaz arduratu ziren, gainerakoek Txoria txori abestuz lagundu bitartean. Beste ereserki bat hautatu zuten amaitzeko. «Bai eta indarra ere zerorren lurrari eta bendizioa Euskal Herriari», izan ziren eguneko azken hitzak: Gernikako arbola.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal herritarrek 154 gailur piztuko dituzte Pirinioetako Bidean

Euskal herritarrek 154 gailur piztuko dituzte Pirinioetako Bidean

Jon O. Urain

Pirinioetako hirurehun gailur baino gehiago argiztatuko dituzte bihar, Euskal Herriaren eta Kataluniaren burujabetzaren alde. Zuzeneko saio bat ere prestatu dute, eta Berria.eus-en ikusgai egongo da: 21:00etatik 22:30era izango da.

Protesta Melillan, 37 pertsonen hilketaren ostean. ©F.G.Guerrero

Melillako hilketak salatu dituzte EAJk, EH Bilduk eta Elkarrekin Podemos-IUk

Iñaut Matauko Rada

Eusko Legebiltzarreko hiru alderdi horiek adierazpen bateratua egin dute, Melillako hilketak gaitzetsi eta Pedro Sanchezen hitzak arbuiatzeko.

Juana Balmaseda batzordeburua, atzo, Eusko Legebiltzarrean, txostena aurkezten. ©Jaizki Fontaneda / Foku

Egiari Zor fundazioak «txalotu» egin du Poliziaren 46 biktima aitortu izana

Berria

Poliziaren Biktimen Balorazio Batzordearen «profesionaltasuna» goratu du, eta prozesuan «konfiantza» sortzeaz mintzatu da.

 ©Aritz Loiola / Foku

«Herri gogoa berpizteko ekimen bat izango da»

Iosu Alberdi

Gure Esku-k eta Kataluniako zenbait eragilek Pirinioetako 400 tontor argiztatuko dituzte larunbatean. Europari mezu bat bidali nahi diote: «Erabaki nahi dugun bi herri gara». 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.