Albistea entzun

Espainia. Pedro Sanchezen gobernua. Fernando Grande-Marlaska

Polizien buruzagia, susmopean

Auzitegi Nazionalean egon den denboran, torturak ez ikertzeagatik Estrasburgok Espainiari jarritako bederatzi zigor kasuetatik seitan bera zen instrukzio epailea
JUAN CARLOS HIDALGO / EFE Tamaina handiagoan ikusi

Jokin Sagarzazu -

2018ko ekainak 7

Espainiako Poliziarekin eta Guardia Zibilarekin eskuz esku lan egindakoa da Fernando Grande-Marlaska (Bilbo, 1962). Haien ezinbesteko kolaboratzaile izan da, eta, orain, berriz, poliziak egongo dira haren aginduetara. Horrez gain, eta espetxe politika Justizia Ministeriora itzultzen ez badute behintzat, horren ardura ere izango du. 2014ko azaroan, EITBn eginiko elkarrizketa batean, euskal presoen sakabanaketaz galdetu zioten, eta erantzun zuen «gai politikoa» zela eta epailea zela bera. Orain, politikaria da.

Dena den, ezin da esan Barne Ministerioaren barrunbeak —eta estoldak— ez dituenik ezagun. Bereziki, Auzitegi Nazionaleko epaile izan den urteetan (2004-2013) esku artean izan dituen gaiengatik harreman zuzena izan baitu horko arduradunekin. Eta, bereziki, euskal gatazkarekin loturiko auziengatik egin delako ezagun, horien instrukzioetan hartutako —eta ez hartutako— erabakiengatik, eta, zehazki, inkomunikazio aldian bere esku zeuden atxilotuek eginiko tortura salaketengatik.

Eta hori azpimarratu du Europako Giza Eskubideen Auzitegiak ere. Izan ere, Grande-Marlaska Madrilgo auzitegira iritsi zenetik, bederatzitan zigortu du Estrasburgok Espainiako Estatua, eta horietatik sei kasutan berak zuen atxilotuak zaintzeko ardura: Oihan Ataun, Xabier Beortegi, Patxi Arratibel, Beatriz Etxeberria, Igor Portu eta Mattin Sarasolarenean.

Aurreneko lauren kasuan, auzitegi bereko beste epaile batzuek hartzen zituzten neurriak ez hartzeaz gain, ondoren eginiko tortura salaketak ez zituen dagokion auzitegira bidali Grande-Marlaskak, eta horregatik zigortu zuen Estrasburgok Espainia. Eta Portu eta Sarasolarenean, berriz, frogatutzat eman zuen atxiloaldian tratu anker eta iraingarriak jasan zituztela. Kasu horretan ere, ez zien bide eman salaketei —Gipuzkoako Probintzia Auzitegiak hartu zuen gero—. Eta ez zuen hori egin, tortura zantzuak idatzita utzi bazituen ere; Sarasolaren espetxeratze autoan, hain zuzen, onartu zuen bi atxilotuen kontakizunetan antzekotasunak zeudela jasandako tratuari buruz, biak bananduta eta inkomunikatuta zeuden arren.

Baina, Estrasburgok ez ezik, Espainiako auzitegiek ere jarri dute susmopean epailea. Ruben Villaren kasuan, Auzitegi Konstituzionalak agindu zuen artxibatutako tortura salaketa zabaltzeko. Kasu horretan ere bera izan zen instrukzio epailea. Beste hainbeste gertatu zen Mikel Beunzaren eta Eneko Conpainsen salaketekin. Eta jaso zuen bere auzitegiko kideen abisua ere. 40 gazteren epaian, epaimahaiak zalantzan jarri zuen atxiloaldian eginiko adierazpenak askatasun osoz eginak eta borondatezkoak izan zirela, eta Grande-Marlaskak zaindu behar zituen.

Hori 2014an izan zen. Polizia operazioa, 2011n. Eta, 2012an, Auzitegiko Nazionaleko Zigor Aretoko presidente izendatu zuten. Urtebete geroago, Botere Judizialeko Kontseilu Orokorreko kide izendatu zuten, PPk proposatuta.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Irango emakumeen aldeko protesta bat, Istanbulen (Turkia), larunbatean. ©ERDEM SAHIN / EFE

Iranek ez dio lagunduko NBEri protestetako errepresioa ikertzen

Maddi Iztueta Olano

NBEk misio bat sortu du Mahsa Aminiren aldeko mobilizazioetako errepresioa ikertzeko. Protestetan 300 lagunetik gora hil dituzte
Mauna Loa sumendia ©@USGSVolcanoes

Hawaiiko Mauna Loa piztu da, munduko sumendi aktiborik handiena

Julen Otaegi Leonet

Duela ia 40 urte piztu zen azkenekoz. Oraingoz, sumendiak ez ditu «mehatxatu» inguruko herriak.

Gerald Darmanin Frantziak Barne eta Itsasoz Haraindiko ministroa —irudiaren erdian—, gaur, Noumean, bilkura batean ©@GDarmanin

Darmaninek «elkarrizketei berriz ekitea» jarri du helburutzat Kaledonia Berrian

Ander Perez Zala

Urtebetean baino gehiagoan lehen aldiz, independentistek baiezkoa eman diote negoziazioetan parte hartzeari.

Zero COVID neurrien aurkako manifestariak, bart, Pekinen. ©MARK R. CRISTINO / EFE

Milaka lagun kalera irten dira Txinan, Zero COVID politiken aurkako protestetan

Paulo Ostolaza

Herrialdeko hiri nagusietan izan dira protestak, tartean, Pekin hiriburuan. Urumqi hiriko sute batean hamar lagun hil izanak leherrarazi ditu manifestazioak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...