Donostiako 67. Zinemaldia

Krisia iritsi zen Zinemaldira

Krisi ekonomikoak Zinemaldiari ere eragin zion 2009an, eta egun bat gutxiago izan zuen. Sari nagusia Txinara joan zen, baina izar nagusiak Quentin Tarantino eta Brad Pitt izan ziren.
Brad Pitt eta Quentin Tarantino izan ziren izar nagusiak 2009ko Zinemaldian.
Brad Pitt eta Quentin Tarantino izan ziren izar nagusiak 2009ko Zinemaldian. JUAN CARLOS RUIZ / FOKU Tamaina handiagoan ikusi

Mikel Lizarralde -

2019ko irailak 28

Ez zen ekitaldi erraza izan Donostiako Zinemaldiarentzat 2009koa. Mikel Olaziregik zuzentzen zuen orduan, eta egun bat gutxiago izatea erabaki zuten; ostegunez hasi beharrean, ostiralez hastea. Gaur egunera arte iraun du erabaki horrek. Krisi ekonomikoak ere izan zuen beste ondoriorik. Zinemaldiaren 57. ekitaldian, Donostia sari bakarra eman zuten —Ian McKellen aktore ingelesari—, nahiz eta jaialdiak urte batzuk zeramatzan bi sari ematen.

Lu Chuan zinemagile txinatarraren City of Life and Death izan zen garaile nagusia, Urrezko Maskorraz gain argazki onenaren saria ere eskuratu baitzuen. Japoniak 1937an Nanjin —orduko behin-behineko hiriburua— okupatu zuenean egindako sarraskia kontatzen zuen filmak, eta kritikaren faboritoetako bat zen Zinemaldiko irabazlea izateko.

Ez bakarra, ordea. Oso harrera beroa izan zuen, bai kritikaren aldetik, bai publikoaren aldetik, El secreto de sus ojos Juan Jose Campanella argentinarrak genero beltzera egindako hurbilketak. Haatik, filmak ez zuen sari bat bera ere eskuratu.

Laurent Cantetek, Bong Joon-Hok, Daniel Gimenez Cachok, John Maddenek, Leonor Silveirak, Pilar Lopez de Ayalak eta Samira Makhmalbafek osatutako epaimahaiak beste film batzuei ikusi zizkien Campanellaren lanari baino dohain gehiago. Hala, zuzendari onenari eman ohi zaion Zilarrezko Maskorra Javier Rebollo espainiarrak jaso zuen La mujer sin piano filmagatik, eta interpretazio onenen sariak Lola Dueñas eta Pablo Pinedarentzat izan ziren, biek Yo, también filmean egindako lanagatik. Bere burua interpretatu zuen Pinedak filmean, lankide batez maitemintzen den eta Downen sindromea duen gaztearen rolean. Beste sari garrantzitsua, Epaimahaiaren Sari Berezia, François Ozonek jaso zuen, Le refuge pelikularengatik.

Nolanahi ere, 57. Zinemaldiak beste protagonista batzuk ere izan zituen; nabarmenenak, Quentin Tarantino eta Brad Pitt. Inglorious Basterds aurkeztera etorri ziren biak Donostiara, eta haien egonaldiak aztoratu egin zuen Zinemaldia. Aktorea agurtzeko, mila lagun baino gehiago elkartu ziren Kursaalaren kanpoaldean, eta prentsaren aurrean eginiko agerraldia ere inoizko jendetsu eta esperpentikoena izan zen. Horren erakusle, Kill Bill filmean Uma Thurmanek zeraman jantziarekin agertu zen Espainiako telebista kate bateko aurkezlea.

Zinemira, lehen aldiz

Donostiako 57. Zinemaldiak berrikuntza ekarri zion Euskal Herrian egindako ekoizpenari, urte hartan antolatu baitzen aurrenekoz Zinemira saila. Honako film hauek bildu zituen, besteak beste: Zuzendu, mesedez (Juanmi Gutierrez), Ander (Roberto Caston), Sukalde kontuak (Aizpea Goenaga), Itsasoaren alaba (Josu Martinez), La máquina de pintar nubes (Patxo Telleria eta Aitor Mazo) eta Checkpoint Rock (Fermin Muguruza).

Atzera begirakoei dagokienez, batek Richard Brooks zinemagile estatubatuarraren filmografia berreskuratzeko aukera eman zuen, eta besteak, Kontrauhina izenekoak, Frantzian azkeneko urteetan eginiko zinema eman zuen ezagutzera.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko alde zaharreko terraza bat, hutsik. ©JESUS DIGES / EFE

Nafarroa itxi egin dute

Joxerra Senar

Bihar gauerditik ezingo da ez sartu eta ez irten, funtsezko arrazoiengatik ez bada. Ostalaritzak ateak itxiko ditu, eta jarduera oro 21:00etarako amaitu beharko da

PCR probak egiten, Ordizian, uztailaren hasieran izandako agerraldian. ©Juan Herrero / Efe

Jaurlaritzak ez du beharrezko ikusten herriak ixtea

Irati Urdalleta Lete

«Transmisio handia» dagoela aitortu du, baina ez du itxierarik egingo. Baheketak egingo dituzte Ordizian eta Durangon

Nafarroako erietxeko oheak garbitzen, iragan apirilean. ©Iñigo Uriz / Foku

«Berriz hura bada?»

Arantxa Iraola

Nafarroako Ospitale Guneko hiru solairu daude COVID-19a dutenez beteta. Langileek diote oraingoan lana «progresiboki» ugaritu dela

Jendea maskarak jantzita Alemanian. ©RONALD WITTEK / EFE

40 milioi lagunetik gora kutsatu ditu COVID-19ak munduan

Maria Ortega Zubiate

Mundu osoko kasuen erdiak baino gehiago AEBetan, Brasilen eta Indian zenbatu dira. Europan eta Amerikan izan du gorakadarik handiena pandemiaren bigarren olatuak

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna