Albistea entzun

Bizkaiko Bertsolari Txapelketa. Finala

Ziurtagiria eta harrera ziurra

Atzerapen boladaren ondoren, jokatu da jada Bizkaiko Bertsolari Txapelketako finala. Osasun neurriak hartuta, zaleek gozatu dute, txaloek eta burrunbek iradoki dutenez.

Zaleak txaloka atzo, Bilbo Arenako harmailetan.
Zaleak txaloka atzo, Bilbo Arenako harmailetan. MARISOL RAMIREZ / FOKU Tamaina handiagoan ikusi

Amaia Igartua Aristondo -

2021eko abenduak 19

Bostetan da, baina jendea dagoeneko badator». Bizkaiko Bertsolari Txapelketako finala hasteko ordu erdi baino gehiago falta zen, eta bertsozaleak trumilka ari ziren hurbiltzen Miribillako Bilbo Arena kiroldegira, bai pareko aldatzetik, bai gertuko tabernatik, ondo baitzekiten atzo inoiz baino gehiago komeni zela denborarekin heltzea.

Edonola ere, leihatilen alboan Bertsozale Elkarteko kide bat ari zen behin eta berriro errepikatzen, denbora gutxiago galtzeko: «COVID-19aren pasaportea eskura eta aurrera, mesedez». Eskuan sarrera eta txertoen ziurtagiria zutela hurbiltzen ziren ikusleak sarreretan zeuden elkarteko kideengana, zintzo; jendea bazegoen, baina arin joan ziren ilarak: erakutsi beharrekoak erakutsi, eta agudo igarotzen ziren barrura zaleak.

Ezin egoera kanpoan utzi, ordea; Bilbo Arena lepo zegoen, eta jendetzaren artean nabarmendu egiten zen musukoen kolore urdin argia, zuria, beltza... Hainbatetan iragarri zuten ateak zabalduko zituztela lantzean behin egurasteko, eta ikusleetako askok saio erdira gogoratu zuten ohartarazpena, haize bolada hotz batek uzkurtu, eta berokiak jarrarazi zizkienean.

Hasierako harreran, Itxaro Juaristi Olaetxeak pandemiak eragindako buruhausteak izan zituen hizpide, halaber. «Ezin ukatu gorabeherak egon direnik». Eta horiek gainditzeko gakoak aletu zituenean entzun zen arratsaldeko lehen txalo zaparrada. «Bertso eskolak, antolatzaileak, gai jartzaileak... Denen lana, oso beharrezkoa; zorionak».

Juaristi Olaetxeak finalistak aurkeztu zituen, baita gai jartzailea ere: Idoia Anzorandia Kareaga. Jendea hasi zen haiek bilatzeko ahaleginetan, orain sarreretako bati begira, orain besteren bati, baina ez zen inor agertu; bat-batean, txaloak entzuten hasi ziren; batzuek begiztatu zituzten finalistak nonbait, eta txaloak azkarragoak, biziagoak eta indartsuagoak izaten hasi ziren segizioa C sarreratik sartzen zen heinean.

Bertsoak, apalki kutsatuta

Agertokira heldu zirenean, bertsolariek aurrean topatu zituzten zaleek eskegitako kartelak. Animoak ematekoak, gehienak: «Xabat, disfruta», «Aupa, Etxahun!», «Gora, Onin, gora! Lili artean, señora»; baten bat ez zihoan bertsolariei zuzendua: «Osasun neurri bat ez delako. Ziurtagiriari ez».

Hain justu, pandemiaren ingurukoak izan ziren lehen bertsoak. Xabat Galletebeitia eta Onintza Enbeita bi preso ziren, birusaren ondorioz euren familiarekin ia aurrez aurrekorik eduki gabeak. Eguneroko beste gaiei ere heldu zieten: Korrika, AHTa, eraso homofoboak, pentsio duinen aldeko elkarretaratzeak, eutanasia...

Aitor Etxebarriazarragaren euskal musikaren inguruko ondorioak txalo bereziki zaratatsuak eta txistuak eragin zituen: «Kalitatezkoa da, ta anitza ere bai». Burrunba entzun zen, are, isiltasuna baino eragin ez zuen liburu baten autorearen larruan jartzeko adierazi ziotenean Nerea Ibarzabali, eta Uxue Alberdiren Kontrako eztarritik hartu zuenean oinarri; baita Jone Uria Olentzero bilakatu eta pandemiak zigortutako umeen alde egin zuenean ere. Bestela ere animatu zituen publikoak, orokorrean: bertsoen bukaerak abestu zituzten hainbatetan, esaterako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nerea Garmendia ETB2ko 'Gente seria' bakarrizketa saioan. ©EITB

«Betidanik eduki izan dut umorea presente; zoriontsu egiten nau»

Kerman Garralda Zubimendi - Gipuzkoako Hitza

Aktore lanetan hasi zen Nerea Garmendia, baina interpretazio munduko beste adar batzuetara egin du jauzi: aurkezle, bakarrizketalari... «Guztietan gozatzen dut». Era batera edo bestera, ikusleen irribarrea du xede.

 ©JOSEPH PHILLIPS

Dantzaren sektoreko profesionalen prekaritatea, agerian

Ainhoa Sarasola

Dantzaren sektoreko profesionalen prekaritatea agerian jarri du ikerketa batek. Aldizkakotasun handia, ordain apalak eta beste lan batzuetan jardun beharra nabarmentzen dira, besteak beste, datuen artean. Aurrera egiteko bide malkarra azaldu dute profil desberdineko hiru dantzarik.

The Arcs taldeko kideak Richard Swiftekin (eskuinean, zutik) batera. ©BERRIA

'Electrophonic Chronic': The Arcsen omenaldia Richard Swifti

Aitor Biain

Debuteko lana eman eta zortzi urtera kaleratu du The Arcsek bigarren diskoa: ‘Electrophonic Chronic’. 2018an hil zen Richard Swiftekin grabatutako kantuen bilduma bat da.

 ©BERRIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...