Albistea entzun

Zaldibarko zabortegia egonkorra zela zioten teknikoek ez dute deklaratu

Herri akusazioak deitutako Lurtekeko bi geologoek uko egin diote epaile aurrean deklaratzeari
Zaldibar Argitu elkartearen prentsaurreko bat, artxiboko argazki batean.
Zaldibar Argitu elkartearen prentsaurreko bat, artxiboko argazki batean. MARISOL RAMIREZ / FOKU Tamaina handiagoan ikusi

Jone Arruabarrena -

2022ko urriak 12

Zaldibarko zabortegiko amiltzeak ingurumenean eragindako kalteak aztertzen ari den epaileak Lurtek enpresako bi geologo ikertu gisa deklaratzera deitu zituen atzo, baina biek adierazpenik ez egitea erabaki dute. Geologoen deklarazioaren arabera erabaki behar zuen epaileak pertsona gehiago inputatu ala ez.

Bi geologoek deklaratzeko eskaera egin zuen ekainean Euskal Herriko Eskubide Sozialen Kartak eta Ekologistak Martxan-ek osaturiko herri akusazioak, eta epaileak eskaera hori onartu ondoren deitu zieten atzo Durangoko auzitegira. Deklarazioak urrirako aurreikusita zeudenez, instrukzio epea sei hilabetez luzatzea erabaki zuen epaileak ekainean, abenduaren 1era arte gutxienez.

Izan ere, Lurtek geoteknia aholkularitza enpresak zabortegiaren egonkortasunari buruzko ikerketa egin zuen 2019ko maiatzean, Verter Recyclingek hala eskatuta. Ikerketa hartan, Lurtekek ondorioztatu zuen zabortegia egonkorra zela, eta betez gero ere egonkorra izaten jarraituko zuela. Espainiako Gobernuko Herri Lanetako Ministerioaren esperimentazio zentroak, Cedexek, ordea, baieztapen horiek ukatu zituen hondamendiaren ondoren epailearen aginduz egindako peritu txostenean: azaldu zuen Lurtekek kalkuluak gaizki egin zituela, eta, beraz, atera zituen ondorioak ez direla zuzenak.

Lurtekeko langileez gain, hondamendiaren ondoren amianto arrastoak garbitzen ibili ziren beste bi langile deitu dituzte deklaratzera. Izan ere, BERRIAk argitaratu zuenez, zabortegian nahastuta zeuden amiantoa eta beste hondakin batzuk—legeak agintzen du amiantoa ezin dela bestelako hondakinekin nahastu, material arriskutsua delako—. Langile horietako bat 2020ko otsailetik 2021eko abuztura arte ibili zen bertan lanean, hondamendiaren ondoren amianto arrastoak garbitzen. Azaldu duenez, zabortegian zakuen barruan bildu eta pilatzen zuten amiantoa, baina lur jausiaren ondorioz material hori sakabanatu egin zen, eta hainbat lekutan agertu. Deklaratu zuen beste langileak ere antzerako lana egiten zuen, baina ezin izan du deklaratu, euskaraz zein gaztelaniaz hitz egiteko dituen zailtasunengatik. Ondorioz, atzeratu egin dute bere deklarazioa, itzultzaile bat izan arte.

Ikusi gehiago: 300.000 euroko zigorra ezarri diote Verterri

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Berriz indarkeria aipatzeak ez du auzitan jartzen onespena»

Arantxa Iraola

Ortubairentzat, argi esan behar da 'soilik baietz da baietz' legeak zigorrak delitu bakanetan urritzen dituela; asmo txarrez hauspotutako gatazka bat dela. Behin legea aldatzen hasita, ordea, egokitzat du PSOEren hautua.

Nerea Barjola ekintzaile feminista Eusko Legebiltzarrean, atzo. ©EUSKO LEGEBILTZARRA

Iruditeria aldatzeko beharra

Isabel Jaurena

Nerea Barjolak dio krisi zentroak gakoa direla indarkeria sexualaren biktimak artatzeko. Gunearen eta gainerako zerbitzuen «koordinazioa» ezinbertzekoa da emakumeak ahal bezain ongi laguntzeko
1936ko gerran Bastidan (Araba) hildako biktimen omenezko ekitaldi bat, artxiboko irudi batean. ©ENDIKA PORTILLO/ FOKU

Frankismoaren biktimei erreparazio «osoa» emango die memoriaren legeak

Edurne Begiristain

EP-IUk, EAJk eta PSE-EEk akordioa lortu dute memoria historikoaren legearen gainean. Biktima gisa izendatua izateko kasuistika zabaltzea adostu dute

 ©NAFARROAKO GOBERNUA / BERRIA

Belateko tuneleko lanak lizitatu dituzte, 2028an bukatzea helburu

Ion Orzaiz - Paulo Ostolaza

Nafarroako Gobernuak esan du lanek 95 milioi euroko kostua izanen dutela. Tunelak Europako legedira egokituko dituzte, hogei urte berandu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...