Albistea entzun

«Umea bisitara sartu dugu lehen aldiz; bera hunkitu egin da»

Maddi Ane Txoperena Iribarren -

2022ko urtarrilak 9 - Dueso

Duesoko espetxearen kanpoaldean, hondartzarantz doan errepidea gurutzatu eta berehala dago aparkaleku bat. Geldirik dagoen auto ilara baten erdian, maletategia irekita, gizon bat eta emakume bat daude zutik, eta bi urteko haur bat autoaren barnean eserita, gurasoek ematen dioten janaria ahora ahal bezala sartzen. «Lehenengo bisita dugu hemen», azaldu du Eider Balerdi hernaniarrak.

Imanol Miner herrikidea bisitatzera etorri dira, Granadako espetxean hemeretzi urte pasatu dituena (855 kilometro, Andaluzia, Espainia). «Kuadrillakoa da», zehaztu du Iñaki Belategik. Bi orduan egin dute Duesorainoko bidaia. «Bi ordu, lasai etorrita». 170 kilometro. «Lehen bederatzi ordu jarraian ziren, pixa egiteko bakarrik geratzen, eta...». Eta, orain, haurrarekin etorri ahal izan dira: «Umea bisitara sartu dugu lehenengo aldiz», nabarmendu du Balerdik. «Bera hunkitu egin da». Belategik berretsi duenez, poz handia hartu du lagunak: «Kuadrillakoek lehen ez zituzten umeak eramaten, ze, azkenean, urruti dago. Nik uste dut ikusi duen kuadrillako lehenengo umea dela». Haientzat egingarria izan da orain bidea: «Atzo umearen bazkaria prestatu, gaur goiz esnatu, dutxatu, gosaldu, eta bi orduan hemen. Eta, bazkaltzeko, dena prest utzi, eta etxean bazkaldu. Guztiz desberdina da». Ados dago Belategi: «Lehen, senitartekoei abisatu behar zitzaien iritsi ginela; bestela, bera ez zen lasai geratzen. Ea bidaia zer moduz egin genuen, eguraldiarekin, beti istorio horiekin kezkatuta».

«Arraina, beroa»

Aldaketa «asko» izan dira presoarentzat, baina «ondo» dagoela erran die; baldintzak hobeak direla. Belategi: «Jan hobeto, askoz hobeto. Arraina, beroa!», dio, irriz. Balerdik dolutu du harremanek mugatuta segitzen dutela, halere: «Bisita berdina da; kristala daukazu, 40 minutu dira, eta ezin duzu ezer gehiago egin hor. Berdin-berdina da». Eta itzultzean gelditzen den zapore garratza: «Badakizu, zu joaten zarenean, bera orain beste toki batean, baina hor geldituko dela».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

AEBek «atzerriko talde terroristen» zerrendatik ezabatuko dute ETA

AEBek «atzerriko talde terroristen» zerrendatik ezabatuko dute ETA

Uxue Rey Gorraiz

Etxe Zuriak guztira bost talde aterako ditu aurki zerrendatik, Japoniako Aum Shinrikyo eta bi talde islamista tartean. Orain arte soilik hamabost talde ezabatu dira multzo horretatik.

Joseba Azkarraga eta Bego Atxa Sareko bozeramaileak, gaur, Gasteizen. ©Raul Bogajo / FOKU

Inkomunikazioan oinarritutako zigor guztiak baliogabetzeko eskatu du Sarek

Maddi Ane Txoperena Iribarren

Gainontzeko presoei ere Atristain doktrina aplikatzea galdegin du euskal presoen eskubideen aldeko mugimenduak: «Asko dira Xabier Atristainen egoera berean Auzitegi Nazionalak epaitu eta zigortu dituen euskal presoak».

Aitor Esteban, atxiboko irudi batean. ©JUAN CARLOS HIDALGO / EFE

Ikus-entzunezkoen Legeari 45 zuzenketa txertatzea adostu dute EAJk eta Espainiako Gobernuak

Iosu Alberdi

Agirretxeak jakinarazi du estatuak EITBn «eskua sartzea» eragotzi dutela.

Bozkaleku bat 2019ko maiatzaren 26ko hauteskundeetan, Donostian. ©GORKA RUBIO / FOKU

BOTO PAPERAK, HITZAURREAN

Jon O. Urain

Udaletako, foru aldundietako eta Nafarroako Parlamentuko agintaldiak azken hilabeteetan sartuak dira, urtebete falta baita hauteskundeetarako. Oro har, alderdiak udazkenean sartuko dira bozen dinamikan, baina horien bilakaerak eta portaerak arrasto batzuk ematen dituzte bozketan jokoan egongo denaz.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...