Albistea entzun

PASCALEN ESFERATIK

Gurutzeko Kristo

Xabier Amuriza -

2019ko urriak 19

Fernando Beorlegi pintore eibartarrari galdetu zioten: «Ez al da zaila zure pintura aztoragarriekin bizitzea?» Erantzun zuen: «Gauza zailagorik egiten da! Badira euren logelan gurutze bat daukatenak». Ez, Fernando! Atsegin handi bat eragingo ez balu, ez legoke gurutzerik oheburuetan, banderetan, tontorretan. Ez lebilke eskoteetan, autoen ispiluetan, tatuaje sakonetan. Ez al duzu ikusten zein samurki muin ematen zaion zorionean, eta zein larriki, desesperazioan?

Begira nago Kristo Gurutzekoaren eskultura prototipiko bati, eta hedonismo lokartu baten estanpa dirudi. Azala depilatua du, lozio hauta batekin igurtzia. Soldadu trakets batek egitekoa ez da hori. Beso eta ahur iltzatuak erabat laxo daude, iltzeei doi-doi eusten, aska ez daitezen. Oinak elkarren gainean pausatzen dira, belaun bat bestearen gainerantz saiatuz, probatzeko bezala ea joateko moduan dauden. Dantza lasai baten mugimendu suabe bat ere izan daiteke, buruaren kontrako simetriak iradokitzen duela: Ez! Egon hemen pixka batean.

Begiak itxita daude, baina, aurpegi makurtuaren norabidetik, garbi ageri da oinetako iltzea ikusi nahi dutela. Horretarako alboratuko zen apur bat belauna. Aurkitu dute begiek iltze-burua. Oreka kruziala. Hementxe gaude ondo. Une batez iruditu zait hilda zegoela, bake-bakean iraungia, baina hil batek ezin du horren gustura egon.

Ez, Beorlegi. Zure pintura aztoragarriekin bizitzea zaila izan daiteke, baina gurutze honi serenitatea, gozotasuna dario. Erosa ere baietz esango nuke. Michelangeloren Kristo biluziari begira nago. «Heldu baten burua eta nerabe baten gorputza», diote adituek. Paparraren lautasun nabariak ahalegin aparteko baten ondorio dirudi, nondik atera behar baita, bular omitituak eta iztai arteko detaile leundua salbu, egilearen gogoan Jainkoaren Seme Femenino bat dagoela.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Neomak taldearen zuzenekoa ikusteko jende ilara luzea egin zen Plateruena kanpoaldean atzo arratsaldean, Durangoko Azokaren bigarren egunean. ©RAUL BOGAJO / FOKU

Plaza eta euskarri bete doinu

Ainhoa Sarasola

Zuzenekoak itzuli dira Durangoko Azokara, aurten Plateruenan. Landakon, Musikaren Plazak bildu ditu diskoetxeak eta musikariak. Diskoa nagusi den arren, euskarri digitalak gero eta ugariago dira
Xabier Eizagirre, Iratxe Retolaza eta Hedoi Etxarte, atzo, Landako guneko Talaia aretoan. ©MARISOL RAMIREZ / FOKU

Liburugintza diglosiko bat

Itziar Ugarte Irizar

Euskaraz argitaratzen diren liburuen datuak aletu dituzte Xabier Eizagirrek, Iratxe Retolazak eta Hedoi Etxartek. Kultura gutxitu baten isla direla adierazi dute.
 ©RAUL BOGAJO / FOKU

«Urte osoak eusten dio azoka asteari»

Andoni Imaz

Pozik hartu dute murrizketarik gabeko azoka bueltan, eta gogotsu sumatu dute ingurua ere. Inguru hori zabaltzen asmatzea daukate gakotzat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.