Baionako xingarraren ferian izaniko 40 lagun, elgorriarekin

Akitania Berriko Osasun Agentziak kasuen berri eman du. Ospitalean badira eritutako hainbat lagun. Apirilaren 18tik 21era izan zen azoka
Jendetza Xingarraren ferian, artxiboko irudi batean.
Jendetza Xingarraren ferian, artxiboko irudi batean. ISABELLE MIQUELESTORENA Tamaina handiagoan ikusi

Arantxa Iraola -

2019ko maiatzak 10

ARS Akitania Berriko Osasun Agentziak baieztatu du berrogei elgorri kasu agertu direla egunotan, eta onartu du gaixo guztiek ezaugarri komun bat dutela: denak egon ziren Baionan apirilaren 18tik 21era egin zen xingarraren azokan. Feria aski jendetsua izaten da; 200.000 lagun inguru batzen ditu festa giroan, eta, hain justu, jendetzak gaixotasunaren zabalkundea erraztu zuela pentsatzen dute osasun agintariek.

Eritasunaren ondorioz, lau lagun Baionako erietxean daudela jakinarazi dute. Ipar Euskal Herrian bezalaxe, departamenduko beste hainbat lekutan ere agertu dira eritutako pertsonak. Kasuon berri eman, eta txertaketaren gaineko garrantziaz ohartarazi du osasun agentziak; izurriak saihesteko erarik onena horixe dela adierazi du. Diagnostikoak egin ahala gaitza hedatzea saihesteko neurriak hartu dituztela ere adierazi dute.

Hego Euskal Herriko osasun agintariak ere hainbat elgorri kasuren berri ematen ari dira azkenaldian. Hain zuzen ere, Eusko Jaurlaritzako Osasun Sailak onartu du zazpi kasu izan direla urtea hasi denetik. Atzo bertan eman zuten azken kasuaren berri; Araban atzeman dute, baina adierazi zuten pertsona hori ez dela bertan eritu gaitzarekin, beste autonomia erkidego batean baizik, eta,beraz, egiten ari diren zenbaketatik kanpo utzi dutela.

Elgorria gaixotasun infekziosoa da; oso kutsakorra da. Inkubazio epea 8-12 egunekoa da. Sukar handia, eztula eta konjuntibitisa dira gaitzaren lehenengo sintomak. Bi egun geroago, aho barruan lesio batzuk agertzen dira, eta larruazal osoan orbanak hedatzen dira gero. Zenbait kasutan, gaitz larriagoak ekar ditzake.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Salvador Illa, atzo, Zendal botika etxeari egindako bisitan. ©SALVADOR SAS / EFE

Hamabost talde txertoa jasotzeko

Edurne Begiristain

Espainiak antolatua du txertaketa hiru fasetan egiteko plana, eta biztanleria hamabost taldetan sailkatuko du. 65 urtetik gorakoak eta patologiaren bat dutenak lehenetsi ditu

 ©BERRIA

Euskarari beldurrak erauzten

Maialen Arteaga

Euskara ikasleak ere Euskaraldian murgildu dira. Aurten oraindik «beldurra» eta «lotsa» sentitu dute, baina euskaraz imajinatzen dute etorkizunean beren burua. Ipar Euskal Herrian, eskola batzuek hirugarren txapa bat asmatu dute: klika profila.

Aurizko kultur etxean Mikel Zabalzari egindako omenaldia ©Iñigo Uriz / Foku

Egia aitortzeko exijitu dute Mikel Zabalzaren gertukoek

Iker Tubia - Paulo Ostolaza

Duela 35 urte hilik agertu zen Zabalza, Guardia Zibilak atxilotua izan ondoren, eta gaur egin dute hura oroitzeko ekitaldia, Aurizko (Nafarroa) kultur etxean. Gogorarazi dute aitortzeke daudela Zabalzak jasandako torturak, eta elkarbizitzarako beharrezkoa dela hori egitea. Biharko, auto karabana bat osatzera deitu dute.

Antigeno testak laborategi batean ©Gorka Rubio/ Foku

Hegoaldean %5,05 da positibo tasa, beste 723 kasu zenbatuta

Edurne Begiristain

Kutsatuen kurbak apaltzen jarraitzen du, baina motel. Atzo, beste 47 lagun ospitaleratu zituzten birusarengatik Araba, Bizkai eta Gipuzkoako ospitaleetan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna