Albistea entzun

Qatarko Munduko Kopa. HARMAILATIK AULKIRA

Gazteen erritmoan

Nerea Zusberro Alberro - Futbol entrenatzailea

2022ko azaroak 25

Munduko Kopetan arreta gune handienetako bat da izar agertu berria nor izango den jakitea. Lehen jardunaldiko partida guztiak jokatuta, bi izen nabarmendu ditzakegu, gaztetasunagatik eta, batez ere, bere taldearen jokoan izandako eraginagatik.

Zaila da jakitea zertan jokatzen duen Jude Bellinghamek, baina erraza da konturatzea Ingalaterra bere erritmoan dantzatzen dela. Dortmundeko jokalariak erdilari postuan jokatzen du, baina zelaiaren hainbat eremu hartzen ditu testuinguruaren arabera. Lehen zatian, bloke baxuan agertu zen Iran, eta goiko posizioetan kokatu zen Bellingham. Ingalaterrari barruko harrera onak eman zizkion, ondoren kanpoko jokalariekin konektatu ahal izateko; eta, azkenik, errematearen bila area zapaltzeko. Pase guztiak ondo egin zituen, 40 guztira. Bigarrenean, Iranen goi-presioaren aurrean, zentraletatik gertu kokatu zen. Jokalari kopuruan nagusitasuna sortuz, joko-irteera erraztu zuen.

Bestalde, Cody Gakpo aipatzean, gol senaz ari gara. PSVko 23 urteko jokalariak hamahiru gol sartu, eta hamazazpi asistentzia eman ditu hogei partidatan. Herbehereekin, ostera, lau gol eta bi asistentzia bederatzi partidatan, Van Gaalek osatzen duen 5-2-1-2 berezi horretan zelai erdia eta aurrelariak lotzen dituen jokalari bakarra izateak dakarren zailtasuna kontuan izanda. Kontraerasoan, bera da espazioei eraso egiteko potentzia handiena duena.

Biek sartu zuten beren taldearen lehen gola. Jude, 19 urterekin, munduko txapelketa batean gola sartu duten jokalari ingelesetan bigarren gazteena da, Michael Owenen atzetik. Gaur hasiko da bigarren jardunaldia, eta biez gozatzeko aukera izango dugu berriro. Ez itzazue bistatik galdu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Paris 365 futbol taldeko kideak, sanduzelai peñaren aurkako partida hasi baino lehen. ©Idoia Zabaleta / Foku

Futbolaren poeta paristarrak

Edurne Elizondo - Nafarroako Hitza

Iruñeko Paris 365 jantoki sozialaren zenbait erabiltzailek futbol talde bat osatu dute, zelaian eta handik at eragiteko asmoz. Karrika izan dute anitzek etxe, baloia jotzeko oinetakoak jantzi dituzten arte. Kirolak helduleku bat eskaini die aurrera egiteko bidean.

Mikel Urrutikoetxea, gaur, Bilbon. ©Aritz Loiola / Foku

Garaipen garrantzitsua lortu dute Urrutikoetxeak eta Albisuk

Berria

Markagailua irauli, eta mendean hartu dituzte Laso eta Imaz. Urrutikoetxea izan da partidako onena.

Kilian Mbappe, gaur sartu duen bi goletako bat ospatzen. ©Georgi Licovski / EFE

Frantzia eta Ingalaterra, final-laurdenetara

Paulo Ostolaza

Mbapperen bi golekin, Frantzia nagusitasunez gailendu zaio Poloniari (3-1). Ingalaterrak ere aise hartu du mendean Senegal (3-0).

Atzo Makean euskal selekzioaren aldeko eguneko mintzaldia. ©GUILLAUME FAUVEAU

Zazpiak bat selekzioan

Oihana Teyseyre Koskarat

Euskal selekzioaren aldeko eguna egin dute Makean. Euskal pilotan eta gainerako kiroletan ofizialtasuna lortzeko aldarria egin dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.