Albistea entzun

Espainiako Gorteetarako hauteskundeak. Kanpaina

«Euskal presoak etxera ekartzera» joan nahi du EH Bilduk Madrilera

«Preso politikorik gabeko jendarte bat» ezarri dute helburutzat. Olanok dei egin die presoak ekartzearen aldekoei «etxean» geldi ez daitezen
EH Bilduko hautagaiak, atzo, Martutenen.
EH Bilduko hautagaiak, atzo, Martutenen. BERRIA Tamaina handiagoan ikusi

Gotzon Hermosilla -

2019ko apirilak 24

«Euskal presoak ekartzea» da EH Bilduk bere buruari ezarri dion eginkizuna datorren legegintzaldirako, eta ekitaldi bat egin du Martuteneko espetxearen aurrean (Donostia), gogorarazteko horretarako ere joango direla Madrilera: «Urrats garrantzitsuak egin ditzakegu presoak, deportatuak eta iheslari politikoak etxerako bidean jartzeko».

EH Bilduko bi hautagaik hitz egin dute espetxe aurrean eginiko ekitaldian: Juan Mari Olano Gipuzkoako diputatugaiak eta Txusa Etxeandia Bizkaiko senatarigaiak. Haien ustez, «anomalia demokratikoa» da «mendekuan oinarritutako espetxe politikari eustea» oraindik, are gehiago kontuan hartuta ia zortzi urte igaro direla ETAk jarduera armatua bukatutzat eman zuenetik.

«Presoei salbuespeneko neurriak ezartzen dizkiete, eta presoen senide eta lagunak ere urtean milaka kilometro egitera behartzen dituzte», azaldu dute. Haien ustez, horrek erakusten du Espainiako Estatua «etengabeko anomalia demokratikoan» bizi dela, orain «inboluzio antidemokratikoaren haizeak» gogorrago jotzen ari diren arren.

EH Bilduk akordioa egin du ERCrekin, apirilaren 28ko hauteskundeen ostean batera aritzeko Espainiako Gorteetan. Lau xede nagusi ezarri dituzte, eta horietako bat da Euskal Herriko eta Kataluniako presoen afera. EH Bilduko hautagaiek uste dute «preso politikorik gabeko jendarte bat» eraikitzeko bidean erabakigarria izan daitekeela bi indar subiranisten arteko elkarlana.

EH Bilduren arabera, Euskal Herriko gehiengo politiko eta sozialak «makina bat aldiz» adierazi du «elkarbizitza demokratikoan bidea egiteko nahia», baina Espainiako Estatuak «oztopoak» jarri dizkio borondate horri, eta nahiago izan du «mendekuan oinarritutako espetxe politikarekin jarraitzea».

Olanok dei berezia egin die zalantzan daudenei, batez ere gazteei. Gogora ekarri du joan den astean EPPK Euskal Preso Politikoen Kolektiboak agiri bat plazaratu zuela, eta dei egin zuela EH Bilduren aldeko botoa ematera. Olanok dioenez, «nekez uler daiteke presoen etxeratzea aldarrikatzen duen inork bere botoa etxean uztea», kontuan harturik «kartzelan daudenek horrelako balioa ematen diotela EH Bilduren aldeko botoari abagune historiko honetan».

Altsasuarrak «iraindu»

EH Bilduko Nafarroako zerrendaburu Bel Pozuetak ekitaldi batean parte hartu du Altsasun (Nafarroa), Arnaldo Otegi koalizoko koordinatzaile nagusiarekin batera. Joan den astelehenean TVEn antolatutako eztabaida izan du hizpide, eta esan du eztabaida hartan Altsasu ahotan hartu zutela «altsasuarrak iraintzeko». Han emakumerik ez egotea ere kritikatu du.

Navarra Suma koalizioko kide den Ciudananos alderdiak esandakoa aipatu du Pozuetak: «Nafarroako autogobernua bertan behera utzi nahi dute», adierazi du, eta salatu «Europako alderdirik ustelenak, eskuin muturrak eta betiko frankistek» bat egin dutela.

Pozuetak esan duenez, Nafarroaren etorkizuna «nafarrek» erabakiko dute: «Nafarroa nafarrok nahi duguna izango da, guztion artean erabakitzen duguna», adierazi du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Egiari Zor Fundazioak Mikel Zabalzaren kasuaren hasira egindako prentsaurrekoa, gaur goizean, Iruñeko Katakraken. ©Iñigo Uriz, FOKU

Idoia Zabalza: «Egiaren jabe gara»

Uxue Rey Gorraiz

Mikel Zabalza zenaren familiak, Egiari Zor fundazioak eta Nafarroako Torturatuen Sareak torturak ikertzeko eta biktimei aitortza egiteko eskatu dute agerraldi bateratu batean. Manifestazio batera deitu dute martxoaren 6rako, Iruñean. 'Tortura ikertu, egindako guztia aitortu' izanen da leloa.

Miren Gorrotxategi (EP-IU) eta Laura Perez (EAJ), Eusko Legebiltzarreko osoko bilkuran. ©Jaizki Fontaneda / Foku

Eusko Legebiltzarrak eskatu du espetxe eskumenaren akordioa parlamentura bidaltzeko

Jon O. Urain

EAJk, PSE-EEk eta Elkarrekin Podemos-IUk erdibideko zuzenketa bat adostu dute Eusko Legebiltzarreko osoko bilkuran, eta EH Bilduk ere babestu du.

Pedro Gomez Nietoren Twitterreko profila. ©Berria

Gomez Nieto, Hondurasko egunkari batean kolaboratzaile

Nagore Arin

'Naiz' hedabidearen arabera, Gomez Nieto Hondurasen dago orain, eta hango egunkari batean kolaboratzen du.

Martxoaren 3 elkarteak gaur Gasteizen egindako agerraldia. ©Martxoaren 3 elkartea

M-3: «Ez dugu justiziarik lortu, baina ez dugu ahaztu»

Maddi Ane Txoperena Iribarren

Martxoaren 3aren bueltarako hamaika ekitaldi antolatu dituzte Gasteizen, 1976an hildako bortz langileak oroitu eta gertakariak salatzeko. Espainiako «zigorgabetasuna» gaitzetsi dute, eta deitoratu dute biktima guziek ez dutela «tratu bera» jasotzen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.