Albistea entzun

ANALISIA

Beldurraren estrategia

Ekhi Erremundegi Beloki -

2019ko abuztuak 18

Irun-Hendaia muga. Ordainlekuan. G7koena baino astebete lehenago, apainketa prest da: polizia gehiago, eta Halte police! (Geldi, Polizia!) panelak lerro bakoitzean. Kontrol zorrotzik ez da, baina handik pasatzen denak irudika dezake zer itxura izanen duen laster. Irudimenak ez du mugarik.

Urtarrilean lehen agerraldia egin zutenetik usu aipatu dituzte goi bileraren harira jarriko dituzten segurtasun neurriak: Miarritze bunkerizatua; Ipar Euskal Herria kontrolpean; aireportua eta, tren geltoki gehienak, itxiak; trenik kasik ez, autobusak geldirik; BAB hiriguneko errepide nagusi batzuk moztuak. Kaosa iragartzen dute, zirkulatzeko «zailtasunak» izanen direla erranez. Nolako kaosa? Bakoitzak irudika dezala. Irudimenak ez du mugarik.

Eta irudikatu ezean, prentsan agertu dituzte Frantziako armada ezartzen ari den instalazioak. Jendarmeriaren helikopteroak hirien gainean dabiltza.

Arrisku maila «handia». Behin eta berriz erran dute. Behin eta berriz entzun dugu. Samuel Vuelta Simon prokuradoreak erran du berriki: «hemengoekiko» konfiantza du, baina «beste herrialde batzuetakoak» dena haustera etorriko dira. Kanpotik dator gaiztoa. Eta entzutearen entzutez, irudikatzen dugu: beltzez jantzia, begiak gorri, odol gosez. Bazter nahasleak. Adierazpen batetik bestera sortu dute giroa; gainerakoa gure irudimenak egin du.

Eta gero, badira irudiak; azaroaren 17tik astero ikusi ditugunak. Granadak lehertutako eskua, LBD 40ak zulatutako begia, odola darion borra... «Beldurra eragiteko borondatea agerikoa da. Mezua argia da: manifestazio batean parte hartzen baduzu, larri zauritua izateko arrisku handia duzu», zioen Pascale Pascariello Mediaparteko kazetariak BERRIAn.

Jendea etxean nahi dute. Etxean, geldirik eta txintxo. Eta oraingoz, lortu dutela dirudi. Tentsio eta beldur giroa nabarmena da, eta batek baino gehiagok aipatu du etxean gelditzeko asmoa. Gertatuko dena aurreikusten, irudikatzen saiatzen ari dira anitz. Eta irudimenak ez du mugarik.

Horren aitzinean badira gutxienez bi arrisku. Lehena, gurea; hedabideena. Segurtasun neurriak eta sortuko dituzten arazoak, poliziaren bortizkeriak... ezin ditugu aipatu gabe utzi, baina, ez ote dugu psikosia elikatzen? Lerro hauek kezka horren ondorio ere badira. Bigarren arriskua, militanteena. Agintariek inposatu txintxo eta gaiztoen banaketan erortzea. «Gu ez gara bortitzak, besteak dira» erran nahi duten mezuak, ahantziz, borroka molde desberdinak izanik ere G7koen goi bileraren kontra mobilizatuko diren guziak pankartaren alde berean direla.

«Keep calm!» oihukatu nahi luke batek baino gehiagok.

G7 Ez plataformatik anitz erran dute mobilizazio jendetsu bat dela beldurraren estrategiari aurre egiteko biderik onena. Agintariek beldurra elikatzen duten bitartean, militanteek dute giltza.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Mujika, Maruri, Garate eta Arrizabalaga, gaurko agerraldian. ©Aritz Loiola / Foku

Espetxe politikaren biktimak aitortzeko eskatu dute Etxerat-ek eta Egiari Zor-ek

Jon O. Urain

Bi elkarteek gogorarazi dute 35 euskal preso eta hamasei senide edo lagun hil direla sei hamarkadatan.

Artolazabal, espetxe ereduari buruzko hitzaldi batean. ©ENDIKA PORTILLO / FOKU

Eusko Jaurlaritzak presoak gizarteratzeko erakunde propio bat sortuko du

Ainhoa Larretxea Agirre

Datorren urteko urtarrilean hasiko da lanean Aukerak erakunde publiko gisa, eskumena lortu ostean, Artolazabalek jakinarazi duenezDatorren urteko urtarrilean hasiko da lanean Aukerak erakunde publiko gisa, eskumena lortu ostean, Artolazabalek jakinarazi duenez.

Les Bascos plataformak atzoko Baionan deituriko mobilizazioa. ©GUILLAUME FAUVEAU

Erakundeek dei egin dute LGTBIfobiaren aurkako «borroka sendotzeko»

Jon O. Urain

Nafarroako Gobernuak beharrezkotzat jo du politika publikoak «garatzen segitzea». EAJk esan du Trans Legea babestuko duela kongresuan

Margoketa, Lekeitioko batzokian (Bizkaia), aurtengo otsailean. ©EAJ

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna